2 Cɛi tase o tangul-lo ndóò nɔ diolan ni aa Cɛiyo-Bundɔɔ-Liban. Pɛngɛn yɔm sɛɛdre n va o sungbuma hiɔɔlumaa bii kaa cɛi kalaa-an ni. O va bandei dunndo kɛmɛ, buo dunndo beleŋuɛɛnu, helɔɔ dunndo beleyaa.
Mó cɔaw vɛlɛ kɔ̀ɔ̀la cɔwla pɔmbɔla n'sianilan kɛmɛ leyáá. Sianion kiloo ndu pilɛ a tálá ndóò lɔɔ le o kɛ́-kɛ̀ toosiaa ni. O kon, mí masaa kɔ kɛsi lan o Cɛiyo-Bundɔɔ-Liban nin.
Mó cɔaw vɛlɛ kɔ̀ɔ̀la cɔwla bɔɔpɔɔlan kɛmɛ leyáá a sianin lɔan. Le kɔ̀ɔ̀ cɔw kɛ́-kɛ̀, mó luei sianion kilolan tan yáá. Mó kɛsi lan o Cɛiyo-Bundɔɔ-Liban-ndo.
A sianion ndáà cɔw taalala kólaala Salomɔn-ndan kpow ni, má toosiaa vɛlɛ ɲɛm-laandun va o Cɛiyo-Bundɔɔ-Liban nin-ndon kpow a sianin diandan, o kɛ́-kɛ̀ cownun a n'voli le. Bau telen Salomɔn va masaa-o, vannda ndáà ci mun ɲɛ sɔvɛ taw le.
Mó mingi vɛlɛ kobila celen tangul, la ndóò manda ɲɔɔn nin-ndan kpow, lapum le ɲɛla ɲaanannda soa nan-ndan mandaa, lapum yɛ le soa mandaa. Mó tangul ɲɛ-ɲɛ ndóò yeema le tangullo Yerusalɛm, Liban a o lɛŋnde va ndu o ba bɛngu len kpede nin.
A yɔmii sɛɛdrei ndóò toosiaa vɛlɛ kaa cɛi kalaa ni, mó yɛɛmbuu kpóŋndán belehiɔɔlu a maŋuɛɛnu, mó piɔw man polan man yáá. O lepola oo lepola nin, kpóŋndán tɔ́ a maŋuɛɛnu ma va ni. Mó kɛsi man o sungbuan coo.