1Masaa 5:4 - BII BILA

⁴ Kani masale Salomɔn-nden léè taŋ peo Efrate leeloo a ba paalen le del-lo, kandɔɔ Tifsa kɔlan háá Kaasa. Masaa yɛ́-yɛ́a va o lɛŋnde len nin-nda kpow va ndu o ba bɛngu. Bɛndaa va nda tɛɛn nda masaa balu ndu-a kpow.

1Masaa 5:4 Referans Kwoze

1Dɛnnda lemasalan 22:9

Kɛ aa ya vialunin poo, vana kɔlɲuloo o vanin ni. Ndu Mɛlɛka kenin po kon pɛngio, mò baŋa ndu yaamɔaa o vanin tɛɛn-nda kpow o ba. Salomɔn o nɔnin diolan ni. O masale ndɔlen bɛngu ndu Mɛlɛka kenin Israɛlla kɔlɲuloo a pɛngio ni.

Dɛnnda kiilaa 9:31

O kon mí vanaa Krista-aa va Yuda, Kalile a Samari-a kpow sɔla kɔlɲuloo. Mí Hala Kɔl-Diandaa tosa má sɔla yoomuan, má hindu, a va kelaa o nɛila Mɛlɛka lan coo.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Condii lisai 72:7

O palɛi ndɔɛi bɛngu, dɛnɛ sandaa puinin. Te paangei co vɔ pɛ, kɔlɲuloo kuinin.

2Samiɛl 7:5

«Kɔ dimul vana ni baalaa David aa: ‹Nuaa Mɛlɛka soo ni aa: mò va maa nɔm tengulnin ya cɛiyo mì luɛi lenin ni?

Yosue 15:47

Asdɔd, Kaasa a kobila ndalan a á cieon va lan o ba bɛngu-on, kɔlan háá o pee pɔmbɔɔ Esipte, kɔ tiiya háá o mɛmma ihɛlma bɛnduan kɔngɔlan.

1Masaa 5:18

Nihau yɛ, Mɛlɛka Hala nuu cii kɔlɲuloo luei naa tɛɛn naa vanaa-mangalaa-isɔaa balu lɛŋnde nilen-nda kpow. Lelan, buulan co ya le yaamɔɔ le, buulan co ya le dɛnɛ palaa kɛ́-kɛ̀ le.

1Masaa 11:25

Salomɔn vi lende, Resɔn fula o yaamɔɔle ndɔlen nin te. Dɛnɛ Hadad tosa-o yɔŋnun hoo ni: ndóò nɔ nɛyɔnndo taw a Israɛlla, o va vɛlɛ masalen tosaa Aram.

2Masaa 18:8

Mó nɔla Filistia, mó toaw nda háá o tàndá Kaasa-o nin, mó tɛɛmbuu lɛŋnde ndalen kandɔɔ a fondala cumulaalan, kɔlan tiiyaa háá a kobila co o kpakilan nin-ndan nin.

Ɛsdras 4:20

Masaa nɔ kpaayaa taw-va kei Yerusalɛm, mí masale ndalen le pɛngɛlan o lɛŋii va Efrate leeloo a ba paalen le del-lo-e kpow coo, vannda va nda muloo malɔɔ o ba, a va ɲɛ kelun-ndo yɔngoo, a va sala hiavaa yɔngoo.