1Masaa 5:12 - BII BILA

¹² Talelan vàálan tan yáá o dimi ni. Condun o soli-on va vàá pilɛ a ŋuɛɛnu.

1Masaa 5:12 Referans Kwoze

1Masaa 3:12

i co nɔm ɲɛ n piɛi ya-o ke, i co nɔm kɔlkaloo a sinapɛngoo ke, ò vana-vana sɔla vɔ paandu nɔm laci loo, o vana-vana sɔla lɛnin vɛlɛ o nɔm kɔɔli loo.

Amɔs 1:9

Nuaa Mɛlɛka soo ni aa: «Le yɔŋnda vɔɔnnda yàála vannda Tir tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a bii vannda taw-taw, má kɔ vɔngul nda Edɔmnda o ba. À yiyan le kpema ivanaya co nda tɛɛn nda puapilɛa ndaa kan-ndo le.

Nsaki 1:5

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

2Dɛnnda lemasalan 1:12

Lelan, i ke nɔm kɔlkaloo a sinapɛngoo. I ke nɔm vɛlɛ bolofaa taw, ɲɛ-sɔlaa a biiloo, hiovɔɔ masaa tosa masalen nɔm tase-a a masaa vanin nɔm kɔɔli-a coo.»

1Masaa 15:19

«Kpemaa co naa tɛɛn naa nɔm, kani kpemaa va fuɲa nuu nda fuɲa nɔm tɛɛn. Lelan, má cè mɛɛ ya yɔ́ŋ nɔm volion a sianion yɛ. Kɔ ma kɔ tɛɛmbuu kpema co niaa tɛɛn niaa Baesa masaa Israɛl-lo, haliko mo faŋan o ya lo».

O Kandɔɔ 21:32

Nuaa nda yii kpemaa Bɛɛr-Seba lon ni. Mɛɛ nda cii kpema ndaa yii, mí Abimelɛk can nda Pikɔl, bolle vanaa ndɔa cɔwva, má muungun o lɛŋnde Filistia nin.

1Masaa 5:13

O soo a yɔmii súú-súù ka o kɔɔ, kandɔɔ a yɔmii sɛɛdrii co o lɛŋnde Liban-nden nin-nde, kɔlan tiiyaa háá a bil hisɔp. Mó soaa vɛlɛ a visia, a yowva, a ɲaa yooma sasun lɛŋ-nda a á suwva o kɔɔ.

Condii lisai 127:1

Condii fula o condun Salomɔn-ndon nin-nde, condii vannda keì solio nɛi-tɛɛn o kɔlan-nde. Te o co mì Mɛlɛka baŋ cɛiyo le, mɛɛ sanga fondo fúú vanaa co ndu cɔvɔɔ-a co ni. Te o co mì Mɛlɛka kanda kobio le, mɛɛ sanganndo fúú vanaa co ndu kandaa-a co ni.

Talelan 1:1

Talela Salomɔn-ndan, po David-o pɛɛn, o yɔŋnun masaa Israɛl-lo.

Vana Kɔlkaloo 12:9

Mí ca maa vana kɔlkaloo tosà kɔlkaloo le ndu pila daama le. O pɛɛkù vɛlɛ vannda kɔlkalu ndɔɔ, mò dimi talelan taw, mò keela kɔllo lecoo, mò soli lan kɔlɔ.

Condii kɛndɛ-kɛndɛi 1:1

Condii hiow condon kpow naŋɔɔ-e, i hiow naŋɔɔ o condun Salomɔn-ndon nin-nde.