Biblia Todo Logo
Bib sou entènèt

- Piblisite -




1Masaa 3:9 - BII BILA

9 Lelan, i tɛɛlun nɔm, yandi, ke ya vana baala nɔmndo kɔl taasio le masalen caa tosaa vanaa nɔmnda coo, mì handu pɛɛngulan dɛnɛ kɛndɔɔ a dɛnɛ vɔɔndo tɛɛn. Kani te o co lende le, nɛ̀ɛ́-nɛ̀ nɔlà yɛ masalen tosaa vanaa nɔmaa co haa sɛ́lɛ́ bɛndoo-a coo?»

Gade chapit la Kopi




1Masaa 3:9
36 Referans Kwoze  

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.


Kɔlkaloo sɔlaa co fisa a sianion cuungiaa, dɛnɔɔ sinaa hiow va ɲɛ sɔvɛ polon a volion nɔu.


Kɛ nduyɛ, le kaasonnda ɲɛdiaa kàlà-kálàá co ni. Nda sínà hiyan co dɛnɛ kɛndɔɔ a o vɔɔndo tɛɛn-ndo, kani a dɛli nin.


Ya, i tiwbà ɲɛ-ɲɛ tosa a ba ni le, mɛɛ ya tuɛi yɛ, lende ya i kialu yamɛi ni. Nduyɛ yamɛi kɛ́-kɛ̀ ya i kelu pɛ, i sandu, kani o co hɛnan ni le ya co nuwviaa le, fɔ hɛnan vana vem ya-o.»


Kani mí ya vana nɔm baalaa dimi aa: ‹Sɔɛi nɔm vana ni bɛndoo co hunɔɔ dimi-e, nɔm masaa pɛɛn, i ɲululnin vannda kɔltan. Bau nɔm masaa, maa mɛlɛkanɔ Hala-o n co ni le dɛnɛ kɛndɔɔ a dɛnɛ vɔɔndo tueyɔɔ. Màá Mɛlɛka Hala nɔmndo lo nɔm ikɛi!›»


Màá o ke nɔm taasio a kɔlkaloo telen o kenin nɔm masalen Israɛlla coo-o, haliko ma bii tɔŋnda ndɔlan!


O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.


Lelan, la va n'diɔm te, la sínà ɲɛ co hɛnan Mɛlɛka-o o.


Tanala nɔmndan la lonin le fɛɛn a fɛɛn, ke ya sinapɛngoo mì viow yoomu.


Ke ya kɔlkaloo mì bii tɔŋ nɔmndo, mì bii ndu a kɔl nuu kpow.


N tiwva mi dimi le maa naa pila co vallo ho tosaa ni, kɛ Hala o ba o co fulaa ni.


Kɛ mí Nsaŋ va kaasiaa, mó va dimio aa: «Ya bɛnda le yinɔɔ sɔlaa nɔm o ba ni, mí nɔm muungu hunɔɔ o ya lo!»


Kɔlkaloo co macoaa maa kɛ́ɔ. Kani ndu, vana-vana co paalen cɔu nɔla mò de ndu tɔnɔ.


Mɛlɛka toosiaa naa nilan le tueyɔɔ a hɔltan le cɔu ni.


Ke ya niko kɔlkaloo a sinapɛngoo, haliko mi caa kelaa vannda ha o hɔl. Kani te o co kon te, vana-vana tiwba mò tosa masalen vanaa nɔmaa sɛ́lɛ́ bɛndua ha coo le.»


Ke Salomɔn po ni kɔl o tiindan nɔm-ndo, mò bii tɔŋndan, pɛɛkulan a silala nɔmndan, mò kela lecoo, haliko mo tangul Cɛi-Diandaa, Cɛi ya cuungiaa ɲɔɔn mun kpow le ndu tangullo-o.»


haliko mi la nɔla dɛnnda sɔvɛlan sinaa, mì la va a diandaa a vanaa yaalan te-a haa o hunɔɔ Krista-o.


Le vanaa co kɔlan o lou nin-nda yɛ, cun yɔngu vana piɔ́mndo sɔlaa-o co nda diyɔɔ. A co kɔlan o nɛi cindaa coo-a nda, cun yɔngu vana yoomoo-o co nda yoomoo yɔngoo. Nɛ̀ɛ́ tiw yɛ ba mò tosa dɛnɔɔ ho?


Ya, i co niaa yinɔɔ o mɛnndan nin le cɔmndo maa la mál yɔŋ vɔɔndo mì la mangalan. Kɛ vana co hunɔɔ o ya kɔɔli-o, ndu yinnin niaa a Kɔl-Diandaa a á yinnden ni. Ndu hiow ya kpaayaa, i co bɛɛ o sɔvɛ le ndu samtalan timbio le.


Kɔlkaloo tiwba mò ke vana kɔlkaloo kpaayaa, mò hiow masaa n'bungaa n'van tɔ́a co masalen tosaa o kobio ndu pilɛ nin-nda.


Mí muli aa: «Éé! Maalii Hala, i cee sɔɛi le, kani cuaambɔɔ ya co ni.»


Vana taasio dɔaw kela ndɔɔ taasi ni, kani o kendu kɔl. Kɛ diɔmnde laasiaa diɔmaa sondo vesɛiya ni.


Bala nɔmndan la cɔw ya ni, mí la ke ya yoomuan. Ke ya niko kɔlkaloo, haliko mi pɛɛku tɔŋnda nɔmndan.


Mí Israɛlla kpow a tuɛi a yamɛi Salomɔn ndóò kelu ken-nde o kɔɔ. Mí vannda kpow a vo ndu taw, kani má sina maa kɔlkalu Hala-o va ndu nin le yaman kiolɔɔ o sandei nin.


Mí piɛile Salomɔn-nde len le hɛnan Mɛlɛka.


Lelan vannda o lɛŋnden kpow coo ndáà yeema le ndu cɔu a le nilan yaŋɔɔ o kɔlkalu ndɔɔ, kani Hala ndóò vow ndu kɔlkalu kon o kɔl ni.


O co vɔ bɛɛ dɛnɛ kɛndɛ n co yeemaa le nɔm pila-o le. Kɔl kɔa nɔm lon te. Kani dɛnɛ palaa ya cuunin-ndo vanin le ɲaa yoomaa kpede. Kɛ nɔm, ba-ba n kɔɛ pɛ, i mɛinin nɔm yoomu.›» Mɛlɛka dimi lende ni.


Ndu yɛlɛmiaa telenndan a tumalan ni, ndu faŋa masaa o masalen coo ni, ndu suili masaa ni. Ndu yɔngu vanaa kɔlkalua kɔlkaloo ni, mò yɔngu vanaa dɛnɛ sinaa sinapɛngoo.


Swiv nou:

Piblisite


Piblisite