1Masaa 3:3 - BII BILA

³ Salomɔn ndóò kaola Mɛlɛka taw, o va vɛlɛ kelaa o silala David fuɲa ndɔ ndóò yɔngu ndu lan coo. Kɛ a kon kpede, o sooluulan ndu bɛɛ ndóò soli sálàla cɔlua a sálàla ansan-ndan ni.

1Masaa 3:3 Referans Kwoze

1Korɛntea 8:3

Kɛ te vana kaola pɛ Hala, Hala sínà vana kon.

Condii lisai 31:23

Kɔl nuu va o sangaa nin mí va dimio aa: «A tow ya mí nɔm levil.» Kɛ yáà tɛɛlɔnndo nɔm, má tuɛi ya diom, tuma ya koŋul nɔm o lani-o pɛɛn.

Tɔŋ miingua 30:16

Tɔŋ ya co niaa hau yɔngu-o co le Mɛlɛka Hala niaa kaolaa ni, le kɔlan o nɛila ndɔlan coo a le tɔŋnda ndɔlan, silala ndɔlan a pɛɛkula ndɔlan biyɔɔ, haliko mi la va yoomu, mì la kui, mì Mɛlɛka Hala niaa dɔw niaa duaa o lɛŋnde niaa co kɔlan luɛyɔɔ nin le len hiɔlɔɔ len nin.

Tɔŋ miingua 6:5

La kaola Mɛlɛka Hala niaa a kɔlta niaalan kpow, a yoomu niaa kpow a á kpaaya niaa kpow.

1Masaa 3:14

Handɔɔ o kon coo, taa kela pɛ o nɛila nilan coo, ma bii sɔɔn nun a tɔŋnda nilan mɛɛ David fuɲa nɔm tosa yɛ, i cɔɔlunin yoomu nɔmndo bɛndi.»

1Masaa 3:6

Mí Salomɔn muli aa: «A yɔŋnun vana lo o lediom coo-o a vana nɔm baalaa, o co David fuɲa ni-o. A tosa kon le tùú o kela nɔm o hɔl o sakpoyɛi nin, o dɛnɛ sandaa nin a o toɲaa nin-ndo. Má lo o lediom coo a ndu, má ke ndu hɔ́ɔ̀, mí hɔ́ɔ́ kon va hau icali o kpɛŋɛ ndɔ lemasaa coo.

Tɔŋ miingua 30:20

La kaola Mɛlɛka Hala niaa, la bii diom ndɔɔ mì la holnun ndu. Kani kon tosanin ni mì la va yoomu, mì palɛi niɛi bandu taw, kon tosanin ni mì la va icali o lɛŋnde Mɛlɛka yiilu fuɲaa niaa mamaa Abraham, Isaak a Yakɔb kpemaa, mó mɛnan le nda len yɔngoo len nin.»

Tɔŋ miingua 30:6

Mɛlɛka Hala niaa diinin kɔlta niaalan a kɔlta cuavaa niaa tooma, la kaolanin Mɛlɛka Hala niaa a kɔlta niaalan a á yoomu niaa kpede, haliko mi la va yoomu.

Tɔŋ miingua 10:12

«Sisa, ɲɛ Mɛlɛka yeema mi niaa Israɛlla tosa-o co hoo ni: siòòŋii ndɔɛi nɔu, kelaa o nɛila o cɔm niaa lan coo, kaolaa ndu, vallo ndu tosallo a kɔlta niaalan kpow a á yoomu niaa kpow.

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

Nsaki 1:12

Dɛnɛ kɛndɔɔ co le vana bìwnùn o tɔɔndanndo nin-ndo, kani o cii pɛ tɔɔndanndo sɔla, o sɔla mɔsil lemasa cindaa, o Mɛlɛka yiilu vanaa kaola ndu-a kpemaa-o.

Rɔmnda 8:28

N sinà maa dɛnndan kpow la co tosanndo le dɛnɛ kɛndɛ vanaa kaola Hala-a, vanaa o veelu mɛɛ tuu ndɔɔ co yɛ-a.

Nsaŋ 14:21

Vana co tɔŋnda nilan mandanndo o kɔl mò va kelaa lecoo-o, ndu kaola ya ni. Vana kaola ya pɛ, Fuɲa nuu kaolanin ndu, ya bɛɛ i kaolanin ndu mì cɔmnun ndu.»

Nsaŋ 14:15

«Te la kaola ya pɛ, mɛɛ la biinin sɔɔn ya co niaa dimullo-on,

Matie 22:37

Mí Yeesu mulul ndu aa: «Kaola Mɛlɛka, o co Hala nɔmndo-o a kɔl nɔmndo kpow, a yoomu nɔmndo kpow a á yiyan nɔmndo kpow.

2Masaa 18:22

Bɔɔle mi la dimul-la aa: Mɛlɛka Hala naa naa n tiindan ni. Kɛ vɛ̀ɛ̀ o co sooluula ndɔlan a tombun ndɔn te Esekia tɛɛmbuu, mó dimul vannda Yuda a haa Yerusalɛm aa a va hunɔɔ o sooluulan Yerusalɛm te?›

2Masaa 18:4

Mó tɛɛmbuu tombon, mó pesipesi powta sálàlan, mó puusiaa yɔmii soolɛi, mó kilikili kɛw n'daɲa Moise ndóò toosiaa-o, kani háá a telen kon Israɛlla va vɔ cuɛima cun kɛndɛan lomɔɔ le kɛw kon, nuaa ndáà veelu kɛw kon ni aa Nehustan.

2Masaa 15:35

Kɛ nduyɛ, tombon mún feŋan o lɛŋnden nin te, vannda va kɔlan sálàla n'cɔlulan solio a ansan lomɔɔ tuŋ o tombon. Yotam cɔw dio bɛndu luɛyaa Cɛi-Mɛlɛka-o ni.

2Masaa 15:4

Kɛ nduyɛ, tombon feŋan o lɛŋnden nin te, vannda va kɔlan sálàla n'cɔlulan solio a ansan lomɔɔ tuŋ o tombon.

2Masaa 14:4

Kɛ nduyɛ, tombon feŋan o lɛŋnden nin te, vannda va kɔlan sálàla n'cɔlulan solio a ansan lomɔɔ tuŋ o tombon.

2Masaa 12:3

Mí Yoas tosa ɲɛ bɛnda Mɛlɛka o hɔl-lo o ceen ndɔɔ nin kpow, le sila kɛndɛ Yehoyada vana-solia-lasálàá va ndu-o.

1Masaa 22:43

Mó kela mɛɛ Asa fuɲa ndɔ kela yɛ, o faŋan o nɛila fuɲa ndɔ lan coo le, mó va ɲɛ co sakpo Mɛlɛka o hɔl-lo tosaa.

1Masaa 15:14

Asa ndóò kaola Mɛlɛka a kɔl ndɔɔ kpow, kɛ o vi lende, o faŋa tombun soolan te.

1Masaa 15:3

Mí ndu bɛɛ tuula fuɲa ndɔ, mó tosa hakila fuɲa ndɔ tosa lɔ́ɔ́ kon-ndan. Kɔl ndɔɔ ve Mɛlɛka Hala ndɔɔ coo kpow mɛɛ David fuɲa ndɔ mamaa ndóò yɔngu Mɛlɛka kɔl ndɔɔ kpow yɛ le.

1Masaa 11:38

Taa yaŋ pɛ nilan o sɔɔn nun kpow, ma kela o nɛila nilan coo, te dɛnnda nɔmndan la sandu pɛ ya o hɔl, taa bii pɛ silala nilan a tɔŋnda nilan mɛɛ David vana ni baalaa tosa yɛ, i vanin nɔm ikɛi, i beŋnin nɔm cɛiyo mò sim yili mɛɛ ya simul David o ndɔɔ yɛ, mì ke nɔm Israɛl.

1Masaa 11:34

I poondanin Salomɔn masalen kpow o ba le. Háá a piɔ́m ndɔɔ, i siinguunin ndu masaa vanaa nia coo le David vana ni baala, o ya hɛli-o. O bii silala nilan a tɔŋnda nilan-ndo.

1Masaa 11:6

Mó tosa ɲɛ hɛnan Mɛlɛka loo, o bii diom Mɛlɛka-o ɲɛkɛndɛi maa David fuɲa ndɔ le.

1Masaa 11:4

Tuma o yuuva-o, mí laandaa ndɔa kan mingi ndu kɔllo o halaa celennda sooloo. Lelan, o tiw lɛ ba le Mɛlɛka Hala ndɔɔ kaolaa a kɔl ndɔɔ kpow mɛɛ David fuɲa ndɔ ndóò tosa yɛ le.

1Masaa 9:4

Nduyɛ, taa kela pɛ ya o hɔl mɛɛ David fuɲa nɔm kela yɛ, mì kɔl nɔmndo dendu, mà sandu, taa kela pɛ o silala ya co nɔm yɔngoo lan kpow coo, ma bii tɔŋnda nilan a sɔɔn nun kpede,

Tɔŋ miingua 10:13

O yeema mì la bii tɔŋnda ndɔlan a silala ndɔla ya co niaa hau tɛɛngullo lan, haliko mi la sɔla dɛnɛ kɛndɔɔ.

Tɔŋ miingua 11:13

Lelan, te la bii pɛ tɔŋnda ya co niaa hau yɔngoo lan, te la kaola pɛ ya Mɛlɛka Hala niaa mì la biilu ya a kɔlta niaalan kpow, a yoomu niaa kpede,

Condii lisai 145:20

Mɛlɛka co vanaa kaola ndu-a kpow kandaa, kɛɛ, o co vanaa yɔŋ vɔɔnda kpow tɛɛmbuuo.

Tɔŋ lasálàá 17:5

Tɔŋndo ho tosanin ni, Israɛlla ve lɛnin cɔlua diwvo yondoo nin te, kɛ ma va hunɔɔ a nda o vana-solia-lasálàá lo o cɛi-kola-toandaa-labɔɔŋianndo sondoo, mà solul Mɛlɛka sálà kɔlɲuloo a cɔlua kan.

1Samiɛl 9:12

Mí felengia laandua kan mulul nda aa: «Oi, ndu bɛɛ langa tiiya ciee sunsun, kani hau o hin le sálà lelɛŋndo solio o fonda-loamaa-lasálàá coo o naa lo ciee nanu ni. La cua niko pelon cɔ́-cɔ́.

1Masaa 8:25

Lelan, Mɛlɛka, Hala Israɛlla, peelu niko vɛlɛ sɔɛi nɔm óò dimul vana nɔm baalaa-e, David fuɲa ni pɛɛn. Kani mí nɔm óò dimul ndu aa: ‹Te cuavaa nɔmnda mandan pɛ, mà kela o nɛila nilan coo mɛɛ nɔm pila tosa yɛ, mɛɛ a folanin vana muungunin o fonda nɔmndo, mò cal o kpɛŋɛ nɔm lemasaa nin le masalen tosaa Israɛlla coo-o le.›

1Masaa 8:61

Màá kɔlta niaalan kpow la va le Mɛlɛka Hala naa mɛɛ la co hau nuaa yɛ! Màá la tuei silala ndɔlan, mì la bii vɛlɛ tɔŋnda ndɔlan!»

1Masaa 14:8

Mí poonda masalen yungu David-o o ba, mí sɔaa nɔm o ba. Kɛ a tosa maa vana ni baalaa David le, kani ndu mó bii tɔŋnda nilan, mó kela o nɛi nuu coo a kɔl ndɔɔ kpow. Dɛnnda hɛnan ya lan daama o tosa ni.

1Masaa 14:23

Mí nda bɛɛ tangul tombon a powta sálàlan, má toosiaa sungbuma soolan o pembon kpow tullo a o yɔmii kiyɛiye kpede bɛngu.

1Masaa 15:5

Kani faŋanndo o dɛnɛ Uri Hitiinɔ-o kɔɔli, dɛnnda sandaalan kínɛí David va tosaa Mɛlɛka o hɔl ni. O vi lende, o mel silala Mɛlɛka yɔngu ndu lan te.

1Masaa 15:11

Mí Asa tosa ɲɛ bɛnda Mɛlɛka o hɔl-lo mɛɛ David fuɲa ndɔ mamaa tosa yɛ.

1Masaa 22:44

Kɛ o faŋa tombun soolan te. Vannda va hiovɔɔ laci a sálàlan solio a á cuɛima cun kɛndɛan lomɔɔ o tombun mun.

2Masaa 12:4

Kɛ nduyɛ, tombon mún feŋan o lɛŋnden nin te, vannda va kɔlan sálàla n'cɔlulan solio a ansan lomɔɔ tuŋ o tombon.

2Masaa 14:3

Mó tosa ɲɛ bɛnda Mɛlɛka o hɔl-lo, kɛ o tiiya maa David fuɲa ndɔ mama le, maa Yoas fuɲa ndɔ kpafii o tosa ɲɛ hɛnan Mɛlɛka-o ni.

2Dɛnnda lemasalan 15:17

Asa ndóò kaola Mɛlɛka a kɔl ndɔɔ kpow, kɛ o vi lende o faŋa tombun soolan Israɛl te.