1Masaa 3:12 - BII BILA

¹² i co nɔm ɲɛ n piɛi ya-o ke, i co nɔm kɔlkaloo a sinapɛngoo ke, ò vana-vana sɔla vɔ paandu nɔm laci loo, o vana-vana sɔla lɛnin vɛlɛ o nɔm kɔɔli loo.

1Masaa 3:12 Referans Kwoze

Vana Kɔlkaloo 1:16

Mí yiyan o kɔl nuu nin maa i cuungiaa kɔlkaloo, mí manda ndu hiovɔɔ vanaa tosa masalen ya tase Yerusalɛm-nda kpow coo. Mí yiyan maa kɔl nuu sɔla kɔlkaloo a dɛnɛ sinaa taw-taw.

Matie 12:42

Paale kialaa iyamalen, masa laandu fula a ba too-o cannin mò yaala vanndacieea paalen nden hau. Kani caan kon, mó mal nɛɛ lɛŋnden le mɛɛlu-a dí, mó hun le nilan yaŋɔɔ o kɔlkalu Salomɔn-ndo. Nduyɛ vana hiow Salomɔn-ndo co nanu.»

1Masaa 5:12

Talelan vàálan tan yáá o dimi ni. Condun o soli-on va vàá pilɛ a ŋuɛɛnu.

1Masaa 3:28

Mí Israɛlla kpow a tuɛi a yamɛi Salomɔn ndóò kelu ken-nde o kɔɔ. Mí vannda kpow a vo ndu taw, kani má sina maa kɔlkalu Hala-o va ndu nin le yaman kiolɔɔ o sandei nin.

Luke 21:15

Kani i sɔaanin niaa sɔɔn o lasondo, mì ke niaa kɔlkaloo, o yaamɔaa niaa nɔlanin niaa simul mà sɛɛngiaa niaa loo.

Esai 65:24

O kon, telen pá mì nda piɛi ya, mì ya sina pɔɔ piɛile len.

2Dɛnnda lemasalan 2:12

I co nɔm vanapɔnɔ kɔlkalu caa baalaa taw-vo vim, Hiram-Abi pɛɛn,

Kolɔsea 2:3

O ndu nin kɔlkaloo a dɛnɛ sinaa kpow vennun ni.

1Masaa 2:9

Lelan, vana kɔlkaloo n co ni, mal ndu haki le, a sina mɛɛ n bɛnda le ndu biyɔɔ yɛ. A yuuvɛi ndɔɛi ken kpede, dii ndu.»

Vana Kɔlkaloo 1:13

mí kindin le ɲɛ co tosanndo o ceendo coo-o bilaa biyɔɔ a le ndu sinaa a kɔlkalu nuu kpow. Kon vɛlɛ bɛɛ, volɔɔla lusulaalan o co ni, o Hala siilu vanndacieea-o.

Condii lisai 10:17

Nɔm Mɛlɛka, a co yeemɛi vanaa bala fondoa tueyɔɔ, a co nda yoomuan lueiyo, a co nilan yaŋɔɔ o cɛɛŋɔnnda ndalan,

1Masaa 2:6

Lelan, mɛi ndu yoomu mò yuuva háá mò vi a ba ndɔ le. Kɛ yɔŋnun vana taasi o dɛnɛ kon nin dɛ!

Talelan 2:6

Kani Mɛlɛka yɔngu kɔlkaloo ni. Ndu o sondo sinapɛngoo a dɛnɛ sinaa fula ni.

Daniɛl 1:17

Mí Hala ke felengia hiɔɔlua kan sinapɛngoo a dɛnɛ sinaa pɛɛkaa o sɔɛi mangalɛi a o kɔlkaloo nin. Daniɛl ndóò nɔla vɛlɛ vunduan a lɔma sɔlaan kɔlɔɔ sinaa.

Tɔŋ miingua 34:9

Yosue po Nun-ndo ndóò pɛ a yiyan kɔlkaloo taw, kani balan Moise ndóò handu ndu o lebol ni. Kandɔɔ paale len, mí Israɛlla bii ndu diom maa mɛɛ Mɛlɛka ndóò dimul Moise le tosaa yɛ kpafii.

1Masaa 5:9

Mí Hala ke Salomɔn kɔlkaloo a dɛnɛ sinaa taw, mó ke ndu kɔl taasio o kɔannan kɛ́-kɛ̀ mɛɛ sióónndon co o mɛmma ihɛllan kɔngɔ nuaa yɛ.

1Dɛnnda lemasalan 29:25

Mí Mɛlɛka tosa mí Salomɔn pialnun ladio taw Israɛlla kpow o hɔl, mó ke masale ndɔlen pangeloo hiovɔɔ masaa tosa masalen ndu tase Israɛl-la kpow coo.

Nehemi 13:26

Mí ɲuna nda aa: ‹Vɛ̀ɛ̀ o co lende le Salomɔn masa Israɛlla kei mó luɛi o hakio nin te? O vanaa-mangalaa-isɔaa co o ceendo coo-a kpow tɛɛn, masa kɛ́-kɛ̀ óò sulan a ndu le, Hala ndɔɔ ndóò yeema ndu taw. Mí Hala siinguu ndu masaa Israɛlla kpow coo. A kon kpede, mí vanlaandua mangalaa isɔɔa luei ndu o hakio nin.