1Masaa 22:3 - BII BILA

³ Nduyɛ, Akab ndóò cii nin vanaa ndɔa baalaa dimul aa: «Vɛ̀ɛ̀ la co pá sina maa kobi naa Ramɔt co o tàndá Kalaad-o nin-ndo co ni? Kiisan yɛɛ nɛ naa n co yɛ niko le kɔlan ndu hiɔlɔɔ masaa Aram o ba?»

1Masaa 22:3 Referans Kwoze

Tɔŋ miingua 4:43

Kobi viannan va le polale Rubɛn-nden ndo va Besɛr ni, ò va o tangulaa o dɛngbɛ co o pembei coo-o nin o lɛŋnde veselɛilen nin. Kobi viannan va le polale Kad len-ndo va Ramɔt ni, o tàndá Kalaad-o nin. O va le polale Manase len-ndo va Kolan ni, o tàndàá Basan nin.»

1Masaa 4:13

Po Kebɛr-o va Ramɔt o tàndá Kalaad-o nin ni, ndu óò nɔ sɔndɔkɔlta Yair la va o tàndá kon nin-ndan ni. Yair kon yɛ, o polale Manase len nin ndóò fula ni. Po Kebɛr kon koni ndóò nɔ vɛlɛ Arkɔb o dɛngbɛ Basan-ndo nin ni. Faw-faw, kobila bɛndula va o kpakilan nin-ndan belaŋɔmpum la va o tàndá kon nin ni. A sɔkɔma n'daɲan ndáà kinda kpakila lan ni.

Yosue 21:38

O tàndá Kad-o nin, má sɔla kobilan tan hiɔɔlu a yondola balu kobila lan-ndan kpow: Ramɔt va o tàndá Kalaad-o nin-ndo va kobi pilɛ o kobila vanaa sulalle ndíì fula o ba mì ndáà hun vionnɔnndo lennin-ndan tɛɛn. Má sɔla vɛlɛ Mahanaim,

2Samiɛl 19:10

O polama Israɛlla nin kpow, mí vannda va sɔɛi lecoo. Má va dimio aa: «Masaa ho baŋa naa yaamɔaa naa o ba ni, ndu soli naa Filistia o ba bɛngu ni. Kɛ ndu le ɲaanun nuaa, mó faŋan o lɛŋnde ndɔlen nin le Absalɔm te?

Masaa kialaa n'yamaa 16:2

Má dimul vanaa va o kobi kon nin-nda maa Samsɔn co lon. O kon má balu simndan pindo, má lɔl ndu cumul pii o dio kobio. Icɔl kon pii, a yɔŋ Samsɔn ɲɛ-ɲɛ le, kani má dimi aa: «A paalen siaalen n diinin ndu.»

Yosue 20:8

Yurdɛn leeloo, Yeriko a ba paalen le can-ndo, má hɛli kobio Besɛr o lɛŋnde veselɛilen nin, o dɛɛla co o tàndá Rubɛn-ndo nin-ndo nin, kobio Ramɔt va o tàndá Kalaad-o nin o lɛŋnde polale Kad len nin-ndo, a kobio Kolan o lɛŋnde Basan-nden nin, o tàndá Manase-o nin.

1Masaa 22:29

O kon mí masa Israɛlla nda Yosafat masaa Yuda a can le kɔlan Ramɔt va o tàndá Kalaad-o nin-ndo delɔɔ coo a cɔwvo.

2Masaa 8:28

Mí Ahasia nda Yoram po Akab-o a yiinan, má kɔ del Hasaɛl, masaa Aram coo a cɔwvo o kobio Ramɔt co o tàndá Kalaad-o nin-ndo nin. O cɔw kon, mí Aramiia yɔŋulu Yoram.

2Masaa 9:14

Mí Yehu, po Yosafat-o, po imama Nimsi-o yii Yoram dúmbú. Tuma kon yɛ, Yoram nda vanaa cɔvaa Israɛlla kpow a va kobio Ramɔt co o tàndá Kalaad-o nin-ndo kandaa, yɔŋii Hasaɛl masaa Aram ndóò tɛɛmbuu ndu.

Masaa kialaa n'yamaa 18:9

Má dimul nda aa: «La cɔn mì n kɔ delnun vannda Lais coo a cɔwvo. Kani lɛŋnde kɛndɛ-kɛndɛlen lɛŋnde ndalen le co ni. Là ló icali a siɛlɛiyo nuaa le, la keleŋa lakɔ le lɛŋnde len hiɔlɔɔ.