1Masaa 21:4 - BII BILA

⁴ O kon mí Akab muungu o ndu lo cɛinin a mɔnɛi a á kɔl tambɛiyo le dimul Nabɔt Yisrɛeliinɔ dimul ndu aa «I kenin nɔm kɛ́ fuɲaa nia mamaa le»-o. Mó kɔ hini o kpele, mó mingi hɔlla kɔɔli, mó kɛɛ ɲɛdiaa.

1Masaa 21:4 Referans Kwoze

1Masaa 20:43

O kon, mí siòònde bii masa Israɛlla taw, mó muungu Samari o ndu lo a kɔl tambɛiyo, a buulanndo.

Nsaki 1:14

Kɛ letùú yeemɛi co vana-vana biyɔɔ, mì i va naa dɛɛniaa-o tɔɔndanndan la co naa komallo ni.

Efɛsea 4:27

La yɔ̀ngù masa ɲinaa vɔɔnda fondaa le.

Yonas 4:9

Mí Hala ɲuna ndu aa: «Vɛ̀ɛ̀ a nɔ pá dí ma tuulu kɔl le yɔmndo ho?» Mí Yonas muli aa: «I nɔ dí mì tuulu kɔl háá mì kelun nande.

Yonas 4:1

Yonas cɔu lende, mí mɔnɛi bii ndu, mó tuulu kɔl,

Vana Kɔlkaloo 6:9

Ɲɛ vana ca a lehɛl-lo co fisa a ɲɛ yeemɛi viam vana yiyanndo coo-o. Kon vɛlɛ bɛɛ, sanga fondoo fúú, ɲɛ fondoo kiltan kɔɔli co kon ni.

SƐBƐ YƆB-O 5:2

Toɲaa, kɔltuwvo dii diɔm sondo vesɛiyo ni, paŋalaa dii vana nɔ taasi loo ni.

1Masaa 21:3

Mí Nabɔt mulul Akab aa: «Kɛì-kɛì bɛɛ! Màá Mɛlɛka manda ya le ken tosaa, le kɛ́ fuɲaa nia mamaa cuaa mì ke nɔm ndu!»

2Samiɛl 13:4

Mí Yonadab ɲuna Amnɔn aa: «Le kɔlɔ yɛɛ n co yɛ hiovɔɔ ho laci a ɲawvo idii oo idii nuaa, nɔm po masaa? A dimùl-la le?» Mí Amnɔn mulul ndu aa: «Yeemɛi Tamar-e co ya ni, yemaa Absalɔm puapilɛ ni pɛɛn.»

2Samiɛl 13:2

Amnɔn lo Tamar yema ndɔ yeemaa háá mo del a nàá. Kani cuaambɔ kon ndóò sina vɔ dɛnɛ vanapɔnɔ le. Le hee Amnɔn ndóò tiw vɔ ba mi ndóò tɔɔndan le ndu delɔɔ kɔɔli le.

1Samiɛl 28:23

Kɛ mí Saul kɛɛ, mó dimi aa: «I co ɲɛ-ɲɛ dio le.» Kɛ mí buɛyaa ndɔa a cua kon, o va kon vana n'vanvílɛ́iyo-o a lo ndu dɛɛniaa háá mó cɛl. Mó can lɛŋ, mó cal o kpeloo coo.

1Masaa 21:1

Dɛnnda lan hiovɔɔ, langbanɔ Yisrɛeliinɔɔ pum va, diolan Nabɔt. Ndóò nɔ nakɔ n'rɛsɛnndo Yisreɛl ciee lon o cɛi lemasa Akab masaa Samari-o ikɛi.

1Masaa 21:5

Mí Yesabɛl laa ndɔ sɔɔnguu ndu ikɛi, mó ɲuna ndu aa: «Vɛ suumaa ho? Le yɛɛ nɛ n kɛɛ yɛ ɲɛdiaa?»

Ɛstɛr 5:13

Kɛ a kon kpow, te Mardosee Yuifinɔɔ ho co vɔ pɛ icali o cɛi lemasaa dio, i hinì kɔl te.»

Yonas 4:4

Mí Mɛlɛka mulul ndu aa: «Vɛ̀ɛ̀ a nɔ pá dí ma tuulu kɔl?»

Yonas 4:8

Paalen kaloo, mí Hala soli hoeyii vesɛiye a kpengii paalen le can-nde. Mí paalen le tuulu Yonas bollen, mí hɔlla hiŋ ndu, mó yeema piɔ́mndo, mó dimi aa: «Piɔ́mndo co fisa le ya a yoomoo.»