1Masaa 21:2 - BII BILA

² Paale pum, mí Akab dimul Nabɔt aa: «Ke ya nakɔ n'rɛsɛn nɔmndo, mì tosa nakɔ lalamndo, kani o co bɔɔ kpɛɛlun a cɛi nuu. O kon, mì ya ke nɔm nakɔ n'rɛsɛn kɛndɛ-kɛndɛ celen sɔngɔ nakɔ nɔmndo ho. Te o bɛnda yɛ lende le, i yɔngu nɔm volion mɛɛ vɔngu ndɔɔ bɛnda yɛ.»

1Masaa 21:2 Referans Kwoze

1Samiɛl 8:14

O poondiaanin niaa ciɛɔn niaan kɛndɔn o laba, mò hɛlu nakɔla niaala kɛndɛla n'rɛsɛnndan a nakɔla niaala kɛndɛla olivieelan, mò yɔngu vanaa bɛndua vanin ndu o ba bɛngu-a lan.

1Timote 6:9

Kɛ nduyɛ, vanaa co bolofaa yeemaa-a a co delɔɔ o dɛɛniaa nin, mà va hawvo o yaŋɔɔlen, a co delɔɔ o tuula vɔɔnda idiɔmndan taw nin, la yaa vannda o ɲánndávàà mì ɲɔɔn kpow n cuu nda o laba lan.

Luke 12:15

O kon kɔɔli, mó dimul nda kpow aa: «La caa mì la mandan le yeemɛi vɔɔnde, kani o co ka o bolofaa bɛndoo nin te vana sɔla yoomoo le.»

Yeremi 22:17

Kɛ nɔm yɛ, tɔnɔ nɔmndo daama n nɔ hɔlten coo ni. A co vanaa tɛɛmbuu isɔɔ le-a diwvo, mà va delɔɔcoo a kafalan tosaa.»

Condii kɛndɛ-kɛndɛi 4:15

Pee pɔɔliaa nakɔlan-ndo n co ni, pee mɛnndan ma co hiovɔɔ nin-ndo n co o peela pɔmbɔlan Liban tɛɛn ni.

Vana Kɔlkaloo 2:5

I soli nakɔlan a fondala toalaala iyɔmndan, mí toal yɔmii koamɛi súúlan kpow lenin.

2Masaa 9:27

Ahasia, masaa Yuda cɔu lende, mó sɔndan, mó kei a nɛi Bɛt-Kan-ndo. Mí Yehu ɲaanun ndu kɔɔli, mó dimi aa: «Ndu bɛɛ, la viɔ ndu a kɔɛi.» Má yɔŋul ndu o ɲɛ ɲaanan ndɔ soa nan-ndo coo telen nda va helɔɔ Kur, o co Yibleam ikɛi-yo. Mó kɔ viannun Mekido, lon o vi ni.

1Samiɛl 29:6

O kon mí Akis veelu David, mó dimul ndu aa: «O diola Mɛlɛka co yoomu-o lan, i laalan nɔm. Yáà yeema mì nɔm óò tosa cɔwvo ho naa niaa, kani kandɔɔ paale n hin o ya lo len, háá hau, i ci nɔm dɛnɛ vɔɔn kɛ́-kɛ̀ tosaa le. Kɛ a hɛnan simlacia Filistia le.

1Samiɛl 8:6

Mí Samiɛl tambu kɔl taw le yiyan ndóò del nda kon le masaa ɲunaa-o. Mó piɛi Mɛlɛka.

Tɔŋ miingua 11:10

«Lɛŋnde niaa co kɔlan luɛyɔɔ nin le len hiɔlɔɔ len, le có maa lɛŋnde Esipte le niaa cɛn nin-nden te. O lɛŋnde Esipte len nin, te niáà saŋ pɛ yɛiyon mì niáà váà ciɛɔn niaan, fɔ mì niáà pɔɔliaa mun a n'pelu mɛɛ vana pɔɔliaa nakɔ lamndo nuaa yɛ.

Tɔŋ miingua 5:21

La fúlà lanɔ pilaa lehɔl te, la fúlà cɛi pilaa lehɔl te, la fúlà ciɛi pílɛi, cɛ piaandu pilaa, cɛ laandu pilaa, naw pilaa, sofɛlɛ pilaa lehɔl te. La fúlà ɲɛ-ɲɛ co ɲɛ pilaa lehɔl te.›

Fulaa 20:17

La fúla cɛi pilaa lehɔl te. La fúla lanɔ pilaa lehɔl te, la fúla cɛ piaandu pilaa, cɛ laandu pilaa, naw pilaa, sofɛlɛ pilaa lehɔl te. La fúla ɲɛ-ɲɛ co ɲɛ pilaa lehɔl te.»

O Kandɔɔ 16:6

Mí Abram mulul ndu aa: «Sumialii nɔm cɛ nɔmndo co ni, mɛɛ n tuu pɛ le biyɔɔ a ndu a bii a ndu lende.» O kon, mí Sarai kandu Akar saangiaa, o lo ndu mɔnɛi lueiyo lende háá mí Akar sɔndan.

O Kandɔɔ 3:6

Mí vanalanɔɔ ca maa yɔm kon naŋ taw o dioo a o tofaa, maa yeemɛi bii vana le kɔmnde ndɔlen dioo le dɛnɛ sinaa bɛndoo sɔlaa. O kon, mó kiandu komɔɔ o pilɛ, mó dia. Mó yɔngu vɛlɛ pɔnɔ ndɔ, o nda va latulu-o, mí ndu bɛɛ dia.

1Masaa 21:3

Mí Nabɔt mulul Akab aa: «Kɛì-kɛì bɛɛ! Màá Mɛlɛka manda ya le ken tosaa, le kɛ́ fuɲaa nia mamaa cuaa mì ke nɔm ndu!»

1Masaa 21:6

Mó mulul ndu aa: «Nabɔt Yisrɛeliinɔ ya dimul ni le ya nakɔ ndɔ rɛsɛnndo keo mì pendu ndu a volion, te kon te mì mingul ndu o celen sɔngɔ nakɔ ndɔɔ. Kɛ mó kɛɛ aa o yɔngunin ya nakɔ n'rɛsɛn ndɔ kon te.»