1Masaa 2:5 - BII BILA

⁵ Handɔɔ o kon coo, nɔm Salomɔn, a sina ɲɛ Yoab, po Seruya-o tosal-la-o, ndu dii simlacia ŋiɔŋaa vanaa cɔvaa Israɛlla ni, Abnɛr po Nɛr-o nda Amasa po Yetɛr-o pɛɛn. Telen kɔlɲuloo va-o ndu kɔ mal kpundɛ cɔw kon ni, mó suinun kooma man o yáwle va ndu o caŋ-nden a o samtala va ndu o n'pelu lan.

1Masaa 2:5 Referans Kwoze

2Samiɛl 3:27

Mɛɛ nda hin a Abnɛr Hebrɔn, mí Yoab kɔ sim a ndu lándán, o dio kobio sondoo, maa mɛɛ vana yeema le vanndo isɔɔ dimul fɛ́ɛ́-fɛ́ɛ́. Simndan dɔ́ɔ́, mó cuku ndu demboo le diyɔɔ o dii Asaɛl pɔmbɔ ndɔ-o. O kon mí Abnɛr vu.

2Samiɛl 20:10

Amasa ve sina maa Yoab ndóò nɔ mɔɛi cɔwve o baa pilɔɔ le. Mí Yoab cɔaŋ mɔɛi cɔvii ken Amasa o dembe lepilɛ kpé, mí pulun ndɔn hulun lɛŋ. O pei ndu cukɔɔ lediin te, mí Amasa vu. O kon kɔɔli, mí Yoab nda Abisai pɔmbɔ ndɔ a mɛi ndu lon, má hiawnun Seba, po Bikri-o nuwviaa.

2Samiɛl 18:12

Kɛ mí langbanɔɔ mulul Yoab aa: «Kɛ hali nɔm óò ke ya bɛɛ volin latámán vàá pilɛ, i ve cɛlɔɔ le po masaa dɛnɛ vɔɔndo tosallo le. Kani mí naa kpow n tuɛi masaa niaa tɛɛlɔnndo, nɔm, Abisai a Itai aa: ‹La caa taw, yɔŋii vana pilan Absalɔm po ni!›

2Samiɛl 18:5

Mí masaa congun Yoab, Abisai a Itai aa: «I co niaa tɛɛlɔn, a yandi la kɔ tosal Absalɔm po ni dɛnɛ vɔɔn te.» Mí vanaa cɔwva kpow a tuɛi ndu simlacia sila kon yɔngoo.

2Samiɛl 18:14

Mí Yoab yonda aa: «I co bɛɛ telen nuu tɛɛmbuu a nɔm te!» O kon, mó cua yɔmii siɛɛmbiɛi ndii yáá, mó kɔ baŋ ndi Absalɔm o kɔllo nɛɛ o va o landanndo-a, o va vɔ yoomu.

2Samiɛl 3:39

Hali, i co bɛɛ hau masaa nuaa, dɛnɛ poaa Seruya-a ha tosa-o hiow ya mayoomu. Màá Mɛlɛka pila mingul vana-vana kɔlvesɛiyo mɛɛ kɔlvesɛi ndɔɔ co yɛ!»

Yeremi 6:15

Mí siɛmbulan la bii pá nda a kela nda nɔɔlɛi kon? Kɛì-kɛì bɛɛ! Siɛmbulen bɛɛ le bii nda a kon kpow le, a sina bɛɛ maa a tosa dɛnɛ vɔɔn te. Lelan mí Mɛlɛka dimi aa: A delnin latulu nda vanaa co delɔɔ-a, nda pila cannunnin lɛŋ o telen ya mululunnin nda-o.

Yeremi 2:34

Kooma vanaa tɛɛmbuu isɔɔ le-a ma suinun o domala niaalan kpengon. Nduyɛ, o co o diola niaa bɛŋi le niaa bii nda le.

1Masaa 2:32

Abnɛr po Nɛr va simlacinɔ vanaa cɔwva Israɛl-lo a Amasa po Yetɛr va simlacinɔ vanaa cɔwva Yuda-o pɛɛn. Vanaa ŋiɔŋaa kan ndáà hiow ndu sandei, ndáà va vɛlɛ fisa a ndu ni. Kɛ mó diw nda, fuɲa nuu sina le. Lelan Mɛlɛka co ndu pila màá kon mingi coo.

1Masaa 1:7

Mí Adoniya ke Yoab po Seruya-o nda Abiatar vana-solia-lasálàá sɔɛi ken, mí nda cɛl ndu diom, má sim ndu kɔɔli.

2Samiɛl 17:25

Mí Absalɔm handu Amasa bolle vanaa cɔwva o fonda Yoab-o. Fuɲa velu Amasa kon-ndo diolan aa Yitra, Israɛlnɔɔ o va ni. Ndu óò va a Abikail ni má vialu po kon, pɔmbɔɔ Seruya kalaa Yoab Abikail kon va ni, cua Nahas-o.

2Samiɛl 2:18

Poaa yáá-aa Seruya-a va lon: Yoab, Abisai a Asaɛl. Asaɛl ve vana lusulan te, keleŋaa pila ndóò keleŋa ni maa púvɛ.

Matie 3:4

Doma bɛndu yiiŋii ɲɔɔmɛɔ va Nsaŋ lekɔɔ, yáwlen le va ndu leyiinannden o caŋ. Sóónɔa a lɛan ma va balo ndɔɔ ni.

2Samiɛl 2:13

Mí Yoab, po Seruya-o, nda buɛyaa David-a bɛɛ a bii nɛiyo le kɔlan. Mí kundala tiɔnnda lan la kɔ bɔŋan o lumii mamɛnnde Kabaɔn. Mí kundaa pilɛ sim o kɔngɔɔ leeloo, mí kundaa pilɔɔ sim o kɔngɔɔ pilɔɔ leeloo.

Tɔŋ miingua 27:24

Màá dangaa va vana dii vanacieo o vionnɔnndo nin-ndo coo! Vannda kpow a cɛlnin aa: ‹Amiina!›