1Masaa 2:4 - BII BILA

⁴ O kon Mɛlɛka peelunin sɔɛi o dimul-la-e aa: ‹Te cuavaa nɔmnda caa pɛ kelaa, taa kela pɛ ya o hɔl o sandei nin a kɔlta ndalan a á yiyannda ndalan kpow, le fɛɛn a fɛɛn, nɔm David, a folanin vana calnin o kpɛŋɛ lemasaa coo mò tosa masalen nɔm kɔɔli-o le.›

1Masaa 2:4 Referans Kwoze

2Masaa 20:3

«Éé Mɛlɛka! Loonun a kela sandaa ya kela nɔm o hɔl-lo, loonun a dɛnnda kɛndɛla ya tosa nɔm o hɔl-tan.» Mí Esekia caŋ fúkpàà-fùkpàà.

1Masaa 8:25

Lelan, Mɛlɛka, Hala Israɛlla, peelu niko vɛlɛ sɔɛi nɔm óò dimul vana nɔm baalaa-e, David fuɲa ni pɛɛn. Kani mí nɔm óò dimul ndu aa: ‹Te cuavaa nɔmnda mandan pɛ, mà kela o nɛila nilan coo mɛɛ nɔm pila tosa yɛ, mɛɛ a folanin vana muungunin o fonda nɔmndo, mò cal o kpɛŋɛ nɔm lemasaa nin le masalen tosaa Israɛlla coo-o le.›

2Samiɛl 7:25

Sisa yɛ niko Mɛlɛka Hala, peelu sɔɛi n soo a ya vana nɔm baalaa a á cɛi nuu o kɔɔ-e le lɔ́ɔ́-lɔ́ɔ̀, mà tosa mɛɛ n dimi yɛ.

Matie 22:37

Mí Yeesu mulul ndu aa: «Kaola Mɛlɛka, o co Hala nɔmndo-o a kɔl nɔmndo kpow, a yoomu nɔmndo kpow a á yiyan nɔmndo kpow.

Luke 1:6

Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

Sakari 14:2

I cuungiaanin vanaa-mangalaa-isɔɔa kpow mà hinul Yerusalɛm a cɔwvo. A biinin kobio mà cɔwviaa ɲɔɔn cɛilan nin, mà kpuwviaa vanlaandua, mà bii vannda a tiŋ, mà kɔɛ a nda o cɛlen nin. Kɛ vanaa tɔ̀a lonin-nda, nda cúúnìn faŋan o kobi kalaa nin te.

Condii lisai 37:22

Vanaa Mɛlɛka co duaa dɔvɔɔ-a sɔlanin lɛŋnden kɛ́ɔ, kɛ vanaa o co dangaa dɔvɔɔ-a cuunin.

Condii lisai 37:9

Kani vanaa yɔŋ vɔɔnda cuunin, kɛ vanaa tiindan Mɛlɛka-a sɔlanin lɛŋnden kɛ́ɔ.

2Dɛnnda lemasalan 17:3

Mɛlɛka va Yosafat ikɛi, kani nɛila David, fuɲa ndɔ mamaa kela paandu coo lan koni ndu bɛɛ va kelaa coo ni. O cɛl le Baal sooloo le.

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

2Masaa 23:25

O masaa hiow ndu Yosia laci-a tɛɛn, masa yɔŋnun maa ndu le muungoo Mɛlɛka o ibuŋ a kɔl ndɔɔ kpow, a yiyan ndɔɔ kpow a á kpaaya ndɔɔ kpow maa mɛɛ tɔŋ Moise-o kpow co yɛ le. Hali ndu kɔɔli, masa celen yɔŋnun-ndɛ maa ndu le.

2Masaa 23:3

Mí masaa sim o fonda yesaa coo, mó yii kpemaa nda Mɛlɛka tɛɛn, mó cua ciɛ́ɔn le kelaa o nɛi Mɛlɛka-o coo, le kelaa o tɔŋnda ndɔlan coo, le silala ndɔlan a pɛɛkula ndɔlan biyɔɔ a kɔl ndɔɔ a á yoomu ndɔɔ kpow, a le sɔɔn co n'sɛvaa o sɛbɛ kpema kon nin-ndon tosaa. O kon mí vannda kpede cɛl, má luɛi o ciɛ́ɔn masaa cua mun-ndon bɛngu.

1Masaa 9:5

le fɛɛn a fɛɛn, i feŋanin kpɛŋɛ lemasa Israɛlla o nɔm ndo cɛinin te. Lende koni yáà dimul David fuɲa nɔm ni maa o cuavaa ndɔa tɛɛn, ò folanin vana muungunin masaa Israɛlla coo o fonda ndɔɔ-o le.

1Masaa 8:23

«Òó Mɛlɛka, Hala Israɛlla! Kandɔɔ o halataala coocoo, háá o lɛŋnden coo nanu, Hala celen co maa nɔm te. A lò o lediom coo, a nɔ vɛlɛ ɲííye a vanaa nɔmaa baalaa co kelaa o nɛila nɔmndan coo-a.

1Masaa 3:14

Handɔɔ o kon coo, taa kela pɛ o nɛila nilan coo, ma bii sɔɔn nun a tɔŋnda nilan mɛɛ David fuɲa nɔm tosa yɛ, i cɔɔlunin yoomu nɔmndo bɛndi.»

1Masaa 3:3

Salomɔn ndóò kaola Mɛlɛka taw, o va vɛlɛ kelaa o silala David fuɲa ndɔ ndóò yɔngu ndu lan coo. Kɛ a kon kpede, o sooluulan ndu bɛɛ ndóò soli sálàla cɔlua a sálàla ansan-ndan ni.

Tɔŋ miingua 11:13

Lelan, te la bii pɛ tɔŋnda ya co niaa hau yɔngoo lan, te la kaola pɛ ya Mɛlɛka Hala niaa mì la biilu ya a kɔlta niaalan kpow, a yoomu niaa kpede,

Tɔŋ miingua 10:12

«Sisa, ɲɛ Mɛlɛka yeema mi niaa Israɛlla tosa-o co hoo ni: siòòŋii ndɔɛi nɔu, kelaa o nɛila o cɔm niaa lan coo, kaolaa ndu, vallo ndu tosallo a kɔlta niaalan kpow a á yoomu niaa kpow.

Tɔŋ miingua 7:12

Te la yaŋ pɛ nilan o tɔŋndan ndan, te la bii pɛ lan mì la kela lecoo, Mɛlɛka Hala niaa peelunin kpema o yiilu fuɲaa niaa mamaa mó mɛnalan nda le lou o lediom coo-o.

Tɔŋ miingua 6:5

La kaola Mɛlɛka Hala niaa a kɔlta niaalan kpow, a yoomu niaa kpow a á kpaaya niaa kpow.

Tɔŋ lasálàá 26:3

«Te la bii pɛ tɔŋnda nilan, te la tuei pɛ silala nilan mì kela lecoo,

O Kandɔɔ 18:19

Kani i hɛli ndu le cuavaa ndɔa imamaa a vanaa co o ba ndɔɔ bɛngu-a vomɔɔ mà kela o nɛi Mɛlɛka-o coo, mà tosa dɛnɛ sandaa, mà kelu yamɛi o sandei nin, haliko mi peelu kpema ya yiilu ndu Abraham-ndo.»

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

Yude 1:24

Biiloo co le Vana nɔla niaa kandaa la del too, haliko mi la hun fula ndu o hɔl a ɲaaloo, la sɔla yaalaa loo,

2Dɛnnda lemasalan 6:16

Mɛlɛka, Hala Israɛlla, mɛɛ peelu niko sɔɛi n dimul vana nɔm baalaa, David fuɲa ni-e. Kani mí nɔm óò dimul ndu aa: ‹Te poaa nɔmnda caa pɛ kelaa, mà bii tɔŋnda nilan mɛɛ n kela ya o hɔl-lɛ, le lɔ́ɔ́-lɔ́ɔ̀ a folanin vana koma tosanin masalen o fonda nɔmndo-o Israɛl te.›

2Dɛnnda lemasalan 7:18

i siminin masale nɔmnden yili, mɛɛ ya yiilu David fuɲa nɔm kpemaa yɛ, mí dimul ndu aa: ‹Le fɛɛn a fɛɛn, a folanin vana koma tosanin masalen o fonda nɔmndo Israɛlla coo-o o cuavaa nɔmnda tɛɛn te.›

Condii lisai 39:1

Condii David-e, í fula o condun simlacinɔ vanaa n'condua nin-nde, Yedutun pɛɛn.

Condii lisai 119:9

Vɛɛ nɛ langbanɔ felengoo looku yɛ mo va o diandaa nɔm Mɛlɛka o hɔl? Mɛɛ mo bii sɔɛi nɔmnde.

Yeremi 33:17

Diom Mɛlɛka dimi-o co hoo ni aa: «David folanin vana o polale ndɔlen nin lɔ́ɔ́-lɔ́ɔ̀ le calle o kpɛŋɛ lemasa nin le masalen tosaa Israɛlla coo le.

1Masaa 1:48

mó dimi aa: ‹Biiloo co le Mɛlɛka, Hala Israɛlla pɛɛn! Kani o hɛli hau vana koma calnin o kpɛŋɛ ni lemasaa coo-o. Nduyɛ, i ce vana kon a lehɔl.›»

1Masaa 6:12

«Cɛi-Hala n co hoo tangullo-o, taa kela pɛ mɛɛ tɔŋnda nilan la dimi yɛ, taa bii pɛ pɛɛkula nilan, mà manda silala ya yɔngu nɔm-ndan kpow, i peelulnin nɔm kpema yáà yiilu David fuɲa nɔm-ndo.

1Masaa 11:36

Kɛ i kenin po ndɔɔ polalen lepilɛ, haliko mi polale David len le lo o kpɛŋɛ lemasaa coo ndu o hɔl Yerusalɛm le fɛɛn a fɛɛn, kobi ya pila hɛli le niaa vaa cɔmnɔnndo lon-ndo.