1Masaa 2:3 - BII BILA

³ Bii diom Mɛlɛka Hala nɔmndo, mà kela o nɛila ndɔlan coo. Bii tɔŋnda ndɔlan a silala ndɔlan, mà kela o pɛɛkula ndɔlan coo mɛɛ o co o sɛvaa o tɔŋ Moise-o nin yɛ, haliko mi tuula nɔmndan kpow la bɛnda nɔm o ba, mì dɛnnda nɔmndan la biinun bila.

1Masaa 2:3 Referans Kwoze

Tɔŋ miingua 29:9

«Niaa kpow, la sim hau Mɛlɛka Hala niaa o hɔl, kandɔɔ a vanaa co bolii lapangɛi-ya, vanaa kɔlkalua, vanaa bɛndua lelɛŋnda kɔ bii a vanpiaandua Israɛl kpede.

Condii lisai 119:2

Duaa co le vanaa co silala Mɛlɛka lan biyɔɔ mà va ndu nuwviaa a kɔlta ndalan kpow-va.

1Dɛnnda lemasalan 29:19

Ke Salomɔn po ni kɔl o tiindan nɔm-ndo, mò bii tɔŋndan, pɛɛkulan a silala nɔmndan, mò kela lecoo, haliko mo tangul Cɛi-Diandaa, Cɛi ya cuungiaa ɲɔɔn mun kpow le ndu tangullo-o.»

Condii lisai 119:111

Tɔŋnda nɔmndan la co kɛ́ ni fɛɛn-fɛɛndo ni, o lan nin ya naŋ kɔl ni.

Condii lisai 119:138

O tɔŋndan kɛsio, má cɔm sandii nɔmnde a mɛɛ n lo o lediom coo yɛ.

1Samiɛl 18:14

Mí ɲɛ-ɲɛ va David bɛndaa o ba, kani Mɛlɛka va ndu ikɛi.

Yosue 22:5

Kɛ nduyɛ, la kela o tɔŋnda Moise vana baala Mɛlɛka-o yɔngu niaa lan coo. La kaola Mɛlɛka Hala niaa, la va kelaa lɔ́ɔ́-lɔ́ɔ̀ o nɛila ndɔlan kpow coo, mì la bii tɔŋnda ndɔlan. La holnun ndu, mì la tosal ndu vɛlɛ baalaa a yiyannda niaalan a á kɔlta niaalan kpow.»

Condii lisai 19:7

Le cɛn pɛ o halataalaa baa pilɔɔ, le kɔ del o mɛɛlulan baa pilɔɔ, ɲɛ-ɲɛ tiwba hangul ndɔɔ vionnɔnndo le.

2Masaa 18:7

Lelan, mí Mɛlɛka va ndu Esekia ikɛi, mí kpekula ndɔlan kpow la va diondɔɔ. Mó simul masaa Asiri, mó kɛɛ le vaa ndu o ba bɛngu.

2Samiɛl 8:14

Mó suili masaa n'bungaa o lɛŋnde Edɔm-nden kpow nin. Mí Edɔmnnda siŋnun cɛa ndɔa. Nduyɛ, nɛɛ-nɛɛ David ndóò kɔɛ pɛ le cɔwvo tosaa, Mɛlɛka ndóò sim ndu laci ndóò nɔla yaamɔɔa o cɔwvo.

2Samiɛl 8:6

Mí David kɛsi masaa n'bungaa Aram o lɛŋnde Damas len nin, o kon mí Aramiia cal sumialii ndɔ, má va muloo malɔɔ ndu o ba. Nduyɛ, nɛɛ-nɛɛ ndóò kɔɛ pɛ le cɔwvo tosaa, Mɛlɛka ndóò sim ndu kɔɔli, ndóò nɔla yaamɔɔa o cɔwvo.

1Samiɛl 18:30

O telen kon, simlacia Filistia va Israɛlla kuello a cɔwvo. Kɛ nduyɛ, o cɔw oo cɔw ndáà kɔɛ pɛ, David ndóò hiaw nɔlaa a kuubaa cɔvaa Saul-la ni. Lelan mí tɔ́ɔ́ David-o tiw kpede.

1Samiɛl 18:5

Nɛɛ-nɛɛ Saul ndóò vem pɛ David o cɔwvo, fɔ mi ndóò kɔ fula tɔ́ɔ́. Le hee, mí Saul handu ndu kunda vanaa cɔwva pum bollen. Mí vannda kpow a naŋ kɔl a David, hali vanaa baalaa Saul-la.

Tɔŋ miingua 5:1

Mí Moise cuungiaa Israɛlla kpow, mó dimul nda aa: «Israɛlla, la yaŋ nilan o silalan a o tɔŋnda ya co niaa hau tɛɛngullo kpendekele lan. La bɛnda mì la pɛɛku lan, mì la bii lan, mì la kela lecoo.

Tɔŋ miingua 4:45

silalan, tɔŋndan a sɔɔn o tɛɛngul nda telen nda faŋan Esipte-o-on.

Tɔŋ miingua 4:8

Ɔ́ɔ̀ vanaa-mangalaa-isɔɔa nɔ vɛlɛ tɔŋndan a silala sandaalan maa tɔŋ ya co hoo niaa hau yɔngoo-o-a?»

Tɔŋ miingua 4:5

La sina maa i pɛɛku niaa tɔŋndan a silalan mɛɛ Mɛlɛka Hala nuu pila dimul-la le tosaa yɛ, haliko mi la bii lan, mì la kela lecoo o lɛŋnde niaa co luɛyɔɔ nin mì la loo len kɛ́ɔ len nin.

Tɔŋ miingua 4:1

«Sisa, niaa Israɛlla, la yaŋ nilan o tɔŋndan a o silala ya co niaa pɛɛkoo lan. La bii lan haliko mi la va yoomu, mi la luɛi o lɛŋnde Mɛlɛka, Hala fuɲaa niaa mamaa co niaa yɔngu kɛ́ɔ len nin.

Tɔŋ lasálàá 8:35

O palɛi ŋɔmmɛw-ve he bɛngu kpede, la bɛnda mì la lo o cɛi-kola-toandaa-labɔɔŋianndo sondoo paalen a ɲumndan, mì la bii sɔɛi Mɛlɛka-e yɔŋii niaa vu. Kon dimulun ya le tosaa ni.»

1Masaa 3:3

Salomɔn ndóò kaola Mɛlɛka taw, o va vɛlɛ kelaa o silala David fuɲa ndɔ ndóò yɔngu ndu lan coo. Kɛ a kon kpede, o sooluulan ndu bɛɛ ndóò soli sálàla cɔlua a sálàla ansan-ndan ni.

Tɔŋ miingua 29:8

Lelan, la bii sɔɔn tɔŋndo ho, mì la kela lecoo, haliko mi kpekula niaalan la va diondɔɔ.»

Yosue 23:6

Kɛ nduyɛ, la bii sɔɔn co n'sɛvaa o sɛbɛ tɔŋ Moise-o nin-ndon kpáŋ, mì la kela lecoo. La sei o ba kɛndɛ coo le, la sei o ba mɛl coo le.

Vana Kɔlkaloo 12:13

Sɔɔn dimin mun-ndon kpow, liima ndɔɔ co hoo ni: nɔ́ siòòŋii Hala-e, mà kela o tɔŋnda ndɔlan coo. O vanndacieea kpow bɛnda mà tosa-o co kon ni.