1Masaa 2:12 - BII BILA

¹² Mí Salomɔn siŋnun masaa o fonda David fuɲa ndɔ-o, mí masale ndɔlen le koma sim yili.

1Masaa 2:12 Referans Kwoze

2Dɛnnda lemasalan 1:1

Mí Salomɔn po David-o simi masale ndɔlen yili, kani Mɛlɛka Hala ndɔɔ va ndu ikɛi, mó siinguu ndu masa tɔ́ɔ́ bɛndoo.

Condii lisai 132:12

Te poaa nɔmnda bii pɛ kpema nuu a silala ya co nda pɛɛkoo lan, poaa ndaa bɛɛ calnin o kpɛŋɛ lemasa nɔmndo nin le fɛɛn a fɛɛn.

1Masaa 1:46

Salomɔn kalaa connun bɛɛ nihau icali o kpɛŋɛ lemasaa coo.

2Samiɛl 7:29

dɔw niko cɛi vana nɔm baalaa duaa Maalii, Mɛlɛka, haliko mi polale nilen le koma lo o masalen coo le fɛɛn a fɛɛn. Kani nɔm Maalii, Mɛlɛka soo lende ni. Nduyɛ a duaa n dɔw-vo, yungu ya vana nɔm baalaa vanin o dɔawnan duaa le fɛɛn a fɛɛn!»

1Masaa 2:46

Mí masaa viam Benaya po Yehoyada-o, mó fula, mó kɔ dii Simei. Kandɔɔ yɛ nin telen kon, mí masalen le sim Salomɔn o ba yili.

1Dɛnnda lemasalan 23:1

Lɔ́ɔ́ David yuuva taw-taw-o, mó suili Salomɔn po ndɔ masaa Israɛlla coo.

1Masaa 1:13

Kɔ komal masaa David, mà dimul ndu aa: ‹Éé masaa! Éé vana ni bɛndoo! Vɛ̀ɛ̀ o co nɔm te mɛnalan lɔ́ɔ́ kon ya buɛi nɔm laandoo má dimi aa Salomɔn po ni le co hunɔɔ siŋnɔn masaa o fonda nɔmndo, mò cal o kpɛŋɛ nɔm lemasa coo le? Le kɔlɔ yɛɛ Adoniya siŋnun yɛ niko masaa o fonda nɔmndo?›

1Masaa 1:30

paalen nden hau, mɛɛ mì peelu sɔɛi yáà yiilu nɔm kpemaa-e! Kani paandu pa ya dimul nɔm Mɛlɛka Hala Israɛlla o hɔl ni maa Salomɔn po nɔm siŋnunnin masaa ya kɔɔli ni, ndu calnin o kpɛŋɛ lemasa coo o fonda nuu ni.»

1Masaa 1:35

La cii pɛ, la sim ndu kɔɔli, la hel ciee, o hun cal o kpɛŋɛ ni lemasaa coo. Kani ndu ya hɛli ni mò va simlacinɔ Israɛlla a Yudaa.»