1Masaa 19:2 - BII BILA

² O kon, mí Yesabɛl yoo ndu kiilaa le ndu kɔlan dimullo aa: «A telenndo ho siɔdii, te i dii nɔm mɛɛ n diw vanaa-tɛɛngaa diom Baal-la nuaa yɛ le few, mɛɛ halaa tuisí ya sanga hiow sangalan kpow-vo coo!»

1Masaa 19:2 Referans Kwoze

2Masaa 6:31

Mí masa kalaa dimi aa: «Te bolle Elise po Safat-o le lo pɛ ndu hau o kɛsei coo few, mɛɛ Mɛlɛka tuisí sanga hiow sangalan kpow-vo ya coo!»

1Masaa 20:10

Mí Bɛn-Hadad vim Akab kiilaa o bɛmbɛ yàándɔɔ, mó dimi aa: «I co Samari pesipesi, mì mingi ndu bémbélan, ɲɛ lonin o bémbéla lan nin-ndo penin bɛɛ vanaa kɔanin ya kɔɔli-a baa ca le. Te i tosa kon te, mɛɛ halaa tuisí sanga hiow sangalan kpow-vo ya coo!»

Ruti 1:17

Nɛɛ n co vu-a, lon ya bɛɛ vunin ni, mà kumbu ya lon. Te o co yɛ piɔ́mndo le, te ɲɛ celen yɔŋ pɛ mi kelun nɔm kɔɔli, màá Mɛlɛka tuisí sanga hiow sangalan kpow-vo ya coo!»

Daniɛl 3:15

Nihau, la bɛɛndian! Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun, la sooluu piɔm ya cɔw-vo. Te la sooluu ndu le, a co niaa viovɔɔ o tóndó bɛndu leyinndo nin sisa. Nduyɛ, hala kuɛɛ baŋa yɛnin niaa ya o ba nɛ?»

Talelan 27:1

Sangalan le ɲɛ n tosanin siɔdii-o le, kani a sinà bɛɛ ɲɛ yɔŋnunnin hau-vo le.

Fulaa 10:28

Mí Faraɔnnɔ kon dimul Moise aa: «Faŋan ya o hɔl. I ca lɛ nɔm mà hun sim ya o hɔl te dɛ! Paale ya co nin nɔm cɔnnɔn o hɔl-ten, a co ɲinkon piɔ́mndo sɔla.»

1Masaa 2:28

Mɛɛ Yoab tuei dɛnɛ yɔŋnun Adoniya nda Abiatar-o, mó sɔndan, mó kɔa o cɛi-kola-toandaa Mɛlɛka-o nin, mó kɔ bii kpɛ̀ɛ́n fonda-loamaa-lasálàá. Kani ndóò sim Adoniya kɔɔli ni, kɛ óò sim Absalɔm kɔɔli le.

2Masaa 19:22

Ɔ́ɔ̀ vana n va yeowlan-ndo? Nɛ̀ɛ́ n va yɛ tɛɛndanndo? A nɛ̀ɛ́-nɛ̀ n va yɛ sɔɛi coocoo nuaa? A heelu hɔlla le O-Diandaa Israɛl ciŋilanndo dɛ!

Fulaa 15:9

Yaamɔaa naa ndáà cii nin dimi aa: ‹N kɔnnun nda kɔɔli, mì n kɔ biinun nda. N kɔ puunun nda ɲɔɔn o laba a paa-kala, mì n dennun mun háá mì n pimnun kukúú. N solin mɔɔn cɔwvon mì n kɔ diwnun nda.›

2Samiɛl 3:9

Te i tosal David dɛnɛ kɛndɛ Mɛlɛka ndóò mɛnalan ndu le ndu tosallo-o le, màá Hala tuisí sanga hiow sangalan kpow-vo ya coo!

2Samiɛl 19:13

Lelan mó dimul nda le nda tɛɛngullo aa: «Niaa co puapilɛa nia ni, niaa co vanayɛi nii kpeekpei ni. Lelan la vá vanaa mɛɛlaa le ya mingio o masale nilen coo le.

Yeremi 20:10

I co vannda taw tueyɔɔ tuula vɔɔnndan le ya. Nuaa nda co ya veeloo ni aa: ‹Siòònde tiw sɔ́›. A pum a co ya vɛlɛ diolan keo aa: «Cɔɔmuu ndu! N kɔ lɔlun ndu!» Vanaa va caaŋaa nia-a kpow a muungu ya mɛngɛlaa le tɛɛmbuu hali ɲɛ-pɔmbɔ cɔu. A co dimio aa: «Bɔɔle o co pɔɛɛnɔn a ndu pila, o kon mì n tiw ndu ba, mì n mingul ndu màá náà»!

Yeremi 26:21

Mí masaa Yehoyakim, vanaa ndɔa cumulaa a simlacua ndɔa kpow a tuɛi sɔɔn mun, mí masaa va nɛilan nuwviaa le ndu diyɔɔ. Uria tueyɔɔ sɔɛi ken, mí siòònde bii ndu, mó ɲaanun, mó kɔannun Esipte.

1Masaa 2:23

O kon mí Salomɔn mɛnan Mɛlɛka o hɔl aa: «Te Adoniya sɔla piɔ́mndo le sɔɛi o dimi hee-e le few, mɛɛ Hala tuisí sanga hiow sangalan kpow-vo ya coo!