1Masaa 16:2 - BII BILA

² «O cundoo nin ya soli nɔm ni, mí siinguu nɔm simlacinɔ Israɛlla kpow, kɛ má kela mɛɛ Yeroboam kela yɛ, má luei yungu nuu, Israɛlla o hakilan nin le ya kɔllo tɛɛmbuuo.

1Masaa 16:2 Referans Kwoze

1Masaa 15:34

Kɛ mí ndu bɛɛ tosa ɲɛ hɛnan Mɛlɛka loo mɛɛ Yeroboam tosa yɛ. Mó luei Israɛlla o hakio nin.

1Masaa 14:7

Muungu, mà kɔ dimul Yeroboam maa diom Mɛlɛka Hala Israɛlla dimi-o co hoo ni aa: ‹I hɛli nɔm caanda tɛɛn, mí siinguu nɔm simlacinɔɔ vanaa nia coo, Israɛlla pɛɛn.

1Samiɛl 2:8

Ndu cua vana ikɔɔ del lɛŋ-ndo mò simi ndu ni, ndu simi vɛlɛ vana ikɔɔ nda mal o sállo coo-o ni mò kɛsi nda o fondala sɔvɛlan. Kani Mɛlɛka cɔw sungbuma lelɛŋndan ni, mó kɛsi lɛŋnde kalalen lecoo.

Luke 1:52

O faŋa masaa o kpɛŋɛla lemasalan coo, mó heelu vanaa tuisin tootoo-a.

Matie 5:19

Vana-vana tɛɛmbuu pɛ tɔŋ hiow dɔɔnanndo o tɔŋndan ndan tɛɛn-ndo o pilɛ, mò pɛɛku vannda tosaa maa ndu, vana kon ndu hiawnin dɔɔnanndo o masale halataala len nin ni. Kɛ vana kela pɛ lecoo, mò pɛɛku vannda lan biyɔɔ, ndu vanin vana bɛndoo o masale halataala len nin.

1Masaa 15:26

Kɛ mí ndu bɛɛ tosa ɲɛ hɛnan Mɛlɛka loo mɛɛ fuɲa ndɔ tosa yɛ. Mó luei Israɛlla o hakio nin mɛɛ fuɲa ndɔ tosa yɛ.

1Masaa 14:16

Mɛlɛka mululnin Israɛlla kɔɔ le haki Yeroboam tosa-o a le malɔɔ o mal nda o hakio nin-ndo.»

1Samiɛl 26:19

Masaa, vana ni bɛndoo, yaŋ-ndɔ nilan, ma tuei ɲɛ ya vana nɔm baalaa co dimi-o. Te Mɛlɛka vem nɔm hee ya tosallo ni, màá sálà ya co ndu solul-lo ɲulul ndu kɔllo! Kɛ te vanndacieea vem nɔm hee tosaa ni, màá Mɛlɛka dɔw nda danga! Kani vannda co ya hau tovɔɔ mà va ya kuunaa calle o lɛŋnde Mɛlɛka ke vanaa ndɔa kɛ́ɔ len nin, kon co dimio ni maa ya kɔ sooluu halaa celennda.

1Samiɛl 2:24

Poaa nia, la pɛngi dɛ! Ɲɛ ya co tueyɔɔ a niaa o kɔɔ-o niŋ te, la co tosaa mí vanaa Mɛlɛka-a va kasio delɔɔ.

Fulaa 32:21

Mó ɲuna Aarɔn aa: «Yɛɛ nɛ vannda ha yɔŋ yɛ nɔm má luei nda o yɔŋ vɔɔn bɛndoo ho nin?»

Yeremi 7:18

Poaa ndaa tingu pɛ yɔmnde, fuɲaa ndaa mɛndul yinnden, laandaa ndaa linda dɛɔ le toŋɔɔ le masa-laandu co o halataala-o, a le halaa celen sálàla mamɔilan solullo haliko ma tɛɛmbuu ya kɔllo.