1Masaa 16:1 - BII BILA

¹ Mí Mɛlɛka soaa o Yehu, vana-tɛɛngaa-diom Hala-o, po Hanani-o lo le Baesa sɔɔn mun tɛɛngullo aa:

1Masaa 16:1 Referans Kwoze

2Dɛnnda lemasalan 20:34

Sɔɔn tɔ̀un Yosafat-on, kandɔɔ a mɛɛlulan kpow, n co n'sɛvaa o sɛbɛ Dɛnnda Yehu, po Hanani-o nin, o sɛbɛ Dɛnnda lemasalan Israɛl nin pɛɛn.

2Dɛnnda lemasalan 19:2

mí Yehu vana-tɛɛngaa-diom Hala-o, po Hanani-o kɔa ndu bɔŋaa, mó ɲuna ndu aa: «Le yɛɛ nɛ n mala yɛ vana vɔɔndo ho? Vanaa Mɛlɛka nɛɛnun-nda nɔm kaola ni? Kɔltuw Mɛlɛka-o toalnin nɔm coo le ɲɛ n tosa hoo-o.

1Masaa 16:7

Mí diom Mɛlɛka-o dimulun Baesa nda yungu ndɔɔ fulaa vana-tɛɛngaa-diom Hala-o, Yehu po Hanani-o o sondo le dɛnndan tan tiɔn: dɛnɛ tasoo, le tùú Baesa nda yungu ndɔɔ ndáà tosa ɲɛ hɛnan Mɛlɛka loo, má tɛɛmbuu ndu kɔllo a dɛnnda nda va tosaa maa Yeroboam nda yungu ndɔɔ lan-ndo. Dɛnɛ diinndɔɔ, le tùú Baesa ndóò diw yungu Yeroboam-ndo-o.

1Masaa 15:33

Asa tosaa masalen vɔsilan tan yáá o tàndá Yuda-o coo, mí Baesa, po Ahiya-o siŋnun masa Israɛlla kpow. Tirsa o va icali ni, mó tosa masalen vɔsilan bidiin a lahiɔɔlu.

Yeremi 32:18

A tosal vanndacieea dɛnɛ kɛndɔɔ háá o lambi vaa pilɛndɔɔ, kɛ te kala-ncuawva tosa pɛ hakio, a tuisi cuavaa ndaa sangaa coo le tɛɛmbuu kon. Hala co o bɔɔ-o a Hala kpaayaa n co ni, diola nɔmndan aa: ‹Mɛlɛka-Nɔ-Kpaayaa-Kpow-vo.›

2Masaa 17:13

Mí Mɛlɛka yondal Israɛlla a Yudaa a sondola vanaa-tɛɛngaa-diom Hala-a ndɔa a vanaa ca sɔɔn lacion-nda, mó dimul nda aa: «La mangalan a dɛnnda niaala vɔɔnndan, mì la bii tɔŋnda nilan a silala nilan, mì la kela o tɔŋ ya sɛval fuɲaa nia mamaa-o coo, tɔŋ ya yɔngu niaa fulaa vanaa nia baalaa o ba-o, vanaa-tɛɛngaa-diom Hala-a pɛɛn.»