1Masaa 13:1 - BII BILA

¹ Mí Mɛlɛka viam vana-tɛɛngaa-diom Hala-o pum cɔnɔnndo Yuda, mó kɔa Betɛl. O komal kpafii Yeroboam va isisi o fonda-loamaa-lasálàá, o va ansan lomɔɔ.

1Masaa 13:1 Referans Kwoze

2Masaa 23:17

Mí Yosia ɲuna aa: «Pow sálà kuɛɛ ya co yɛ hoo cɔu?» Mí vanaa va o kobio nin-nda mulul ndu aa: «Sɛi vana-tɛɛngaa-diom Hala-o ni, o fula lɔ́ɔ́ kon Yuda mó hun dimi sɔɔn nɔm peelu mun o fonda-loamaa-lasálàá ho coo-on-ndo pɛɛn.»

1Tesalonikea 4:15

Nduyɛ, ɲɛ naa n co niaa dimul fulaa o sɔɛi Maalii-e nin-ndo co hoo ni. Naa vanaa vanin yoomu lɔ́ɔ́ Maalii hunin-ndo-a, n hiwnin vanaa vi-a laci le.

Yeremi 25:3

«Kabi o vɔsi tɔ́ a o yàándɔɔ o masale Yosia po Amon masaa Yuda len háá hau, vɔsilan bidiin a layàá co kon ni, i co niaa sɔɛi Mɛlɛka dimul-la-e tɛɛngullo, i co sondo mei le, kɛ la co tueyɔɔ le.

Yeremi 32:29

Babilɔŋaa delnin kobio ho coo a cɔwvo-a malnin ndu yin, mà lom cɛila ndáà lum Baal ansan o yindɔla ndalan coo lan, cɛila ndáà solul ndu sálàla mamɔilan lenin le ya kɔllo tɛɛmbuuo lan pɛɛn.

Yeremi 11:12

O kon Yudaa a Yerusalɛmnda mulinnin o halaa ndaa nda solul sálàlan-nda lo, kɛ a baŋanin nda a dɛnnda ndala palaalan te few.

2Dɛnnda lemasalan 26:18

má kɔ simul ndu, má dimul ndu aa: «Osias sei, a nɔ dí mì nɔm pila solul Mɛlɛka sálà cun kɛndɔɔ le. Vanaa di kon kennun-nda co vanaa-solia-lasálàá ni, poaa Aarɔn-nda, nda siŋnun teengen le baala kon tosaa ni. Lelan, fula o Fonda-Diandaa ho nin, kani a del kasi. O co dɛnɛ lebɛɛ le co kon le nɔm Mɛlɛka Hala o hɔl te.»

2Dɛnnda lemasalan 9:29

Dɛnnda tɔ̀la Salomɔn-ndan, kandɔɔ lataselan háá lamɛɛlaalan, la co lasɛvaa o Dɛnnda Natan vana-tɛɛngaa-diom Hala-o lan nin, o Diomnda Ahiya fula Silo-o tɛɛnguu lan nin a o Vundule Yedo, vana-tɛɛngaa-diom Hala-o len nin. Sɛbɛ Vundule Yedo, vana-tɛɛngaa-diom Hala-o len le co kon nin-ndo, a Yeroboam po Nebat-o o kɔɔ o soo ni.

1Masaa 20:35

Tuma kon, mí vana-tɛɛngaa-diom Hala-o pum dimul caan ndɔ vana-tɛɛngaa-diom Hala-o aa: «Mɛlɛka dimi aa nɔm lɔɔ ya.» Kɛ mí caan ndɔ kalaa kɛɛ le ndu lɔɔ.

1Masaa 13:32

Kani i laalan lekɛ́ndɛi maa diom Mɛlɛka dimi a fonda-loamaa-lasálàá Betɛl a á máánnda co o kobila Samari lan nin-ndan kpow o kɔɔ-o co hunɔɔ peelɔn.»

1Masaa 13:26

Mɛɛ vana-tɛɛngaa-diom Hala ndóò mingi ndu kon ciee-o tuei sɔɛi ken, mó dimi aa: «Vana-tɛɛngaa-diom Hala kɛɛ le diom Mɛlɛka-o biyɔɔ-o ni. Mɛlɛka luei ndu yàlàá o ibuŋ, mí yàlàá del ndu coo, mó dii ndu maa mɛɛ ndu Mɛlɛka pila ndóò dimi yɛ.»

1Masaa 13:9

Kani Mɛlɛka hendul-la tɔŋndo, mó dimul-la maa ya dia ɲɛ-ɲɛ le, i kol ɲɛ-ɲɛ le, aa ya bɛnda vɛlɛ mi muungu a nɛi ya kei le hunɔɔ Betɛl nanu-o le.»

1Masaa 13:5

O kon, mí fonda-loamaa-lasálà kalaa piɔl, mí pulta macuɛila va lecoo lan la saŋnun lɛŋ mɛɛ vana-tɛɛngaa-diom Hala-o ndóò tɛɛngul nda sɔɛi Mɛlɛka-e yɛ.

1Masaa 12:22

Kɛ mí Hala dimul Semaya, vana-tɛɛngaa-diom Hala-o aa:

Dɛnnda cɔɔmuanndan 8:3

Mí mɛlɛkanɔ celen hun sim o fonda-loamaa-lasálàá coo, bonyii fuusɛi toosian a sianion-nde va ndu o ba. Má ke ndu ansan taw le ndu lomɔɔ, a piɛile vanaa diandaa kpow o fonda-loamaa-lasálàá n'sianio o kpɛŋɛ lemasaa hɔl-ndɔ.

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

1Samiɛl 9:6

Mí buɛi kon mulul ndu aa: «Vana-tɛɛngaa-diom Hala-o pum co o kobio ho nin, o fula tɔ́ɔ́ taw. Ɲɛ-ɲɛ o dimi pɛ, mɛɛ mo tosan lekɛ́ndɛi. N kɔ vɔ hau o ndu lo, bɔɔle mo cɔm naa nɛi naa n bɛnda mì n kɔɛ coo-o.»

2Masaa 23:15

Mí Yosia puusiaa vɛlɛ fonda-loamaa-lasálà va Betɛl-lo, tombii Yeroboam po Nebat-o ndóò tangul-le, Yeroboam kon pɛɛn, o ndóò luei Israɛlla balan o hakio nin-ndo. Mí Yosia loam tombii ken, mó komba fonda-loamaa-lasálà kon, mó loam vɛlɛ yɔm soolaa, mó mingi ɲɛm mun kpow cundoo.

2Dɛnnda lemasalan 26:16

Kɛ mɛɛ Osias sɔla kon kpaayaa lende, mí yongaa luɛi ndu o kɔl, mó mulul Mɛlɛka Hala ndɔɔ kɔɔ. Paale pilɛ, mó luɛi o Cɛi-Mɛlɛka-o nin le sálàla cuɛima cun kɛndɛlan lomɔɔ o fonda-loamaa-lasálàá coo.

1Samiɛl 2:27

Mí vana-tɛɛngaa-diom Hala-o pum komal Helii, mó dimul ndu aa: «Nuaa Mɛlɛka dimi ni aa: ‹A sina maa mí yáà cɔmnun fuɲaa nɔmaa mamaa lɔ́ɔ́ nda va o cɛlen nin masaa Esipte o ba-o.

Amɔs 7:13

Kɛ tɛɛnguu lɛ sɔɔn Hala-on on Betɛl nanu le dɛ! Kani cɛi biilaa a cɛi lemasaa co nanu ni.»

Amɔs 7:16

Lelan, yaŋ niko nilan o sɔɛi Mɛlɛka dimi-e, nɔm co ya hoo kuunaa aa ya tɛɛnguu sɔɔn Mɛlɛka-on a Israɛlla o kɔɔ loo. Nɔm, a kuuna ya aa ya tombola a cuavaa-imamaa Isaak-a o sondo le.