1Masaa 11:6 - BII BILA

⁶ Mó tosa ɲɛ hɛnan Mɛlɛka loo, o bii diom Mɛlɛka-o ɲɛkɛndɛi maa David fuɲa ndɔ le.

1Masaa 11:6 Referans Kwoze

Kundalan 14:24

Kɛ Kalɛb vana ni baalaa ndu, mó sɔla yiyan kɛndɔɔ, háá o mɛɛlulan o kiisan le sɔɛi nii biyɔɔ le, lelan ya co ndu luei o lɛŋnde len nin ni, lɛŋnde o kɔɛ len nin-nden pɛɛn, haliko mi cuavaa ndɔa imamaa hun siinguu len lɛŋnde nda.

Yosue 14:14

Lelan Hebrɔn co kɛ́ Kalɛb, po Yefune Kenisiinɔ-o háá hau ni, kani ò kela o nɛila Mɛlɛka, Hala Israɛlla lan coo.

Yosue 14:8

Mí puapilɛa nia ndáà liila ya-a va vannda yoomuan solio, kɛ mí ya i bii diom Mɛlɛka Hala-o a kɔl nuu kpow, mí lo o lediom coo.

1Masaa 3:3

Salomɔn ndóò kaola Mɛlɛka taw, o va vɛlɛ kelaa o silala David fuɲa ndɔ ndóò yɔngu ndu lan coo. Kɛ a kon kpede, o sooluulan ndu bɛɛ ndóò soli sálàla cɔlua a sálàla ansan-ndan ni.

1Masaa 9:4

Nduyɛ, taa kela pɛ ya o hɔl mɛɛ David fuɲa nɔm kela yɛ, mì kɔl nɔmndo dendu, mà sandu, taa kela pɛ o silala ya co nɔm yɔngoo lan kpow coo, ma bii tɔŋnda nilan a sɔɔn nun kpede,

1Masaa 11:5

Mí Salomɔn mulin Astartee, hala laandu Sidɔnnda a Milkɔm, hala lamàà Amɔnnda sooloo.

1Masaa 11:7

Tuma kon, mí ndu Salomɔn toosiaa fonda-loamaa-lasálàá o pembii co Yerusalɛm o hɔl-ndɔ-e coo le Kɛmɔs, piɔm lamàà Moabua, a le Molɛk, hala lamàà Amɔnnda.

1Masaa 11:33

I tosanin kon le tùú Israɛlla mulul-la kɔɔ, mà muungun Astartee, hala laandu Sidɔnnda, Kɛmɔs, hala Moabua a Milkɔm, hala Amɔnnda sooloo-o, a le tùú nda kɛɛ le kelaa o nɛila nilan coo má kɛɛ le dɛnɛ sandaa tosaa ya o hɔl-lo. A cɛl vɛlɛ le tɔŋndan a silala ndóò dimul nda lan biyɔɔ maa David fuɲaa ndu Salomɔn te.