1Masaa 11:4 - BII BILA

⁴ Tuma o yuuva-o, mí laandaa ndɔa kan mingi ndu kɔllo o halaa celennda sooloo. Lelan, o tiw lɛ ba le Mɛlɛka Hala ndɔɔ kaolaa a kɔl ndɔɔ kpow mɛɛ David fuɲa ndɔ ndóò tosa yɛ le.

1Masaa 11:4 Referans Kwoze

1Masaa 9:4

Nduyɛ, taa kela pɛ ya o hɔl mɛɛ David fuɲa nɔm kela yɛ, mì kɔl nɔmndo dendu, mà sandu, taa kela pɛ o silala ya co nɔm yɔngoo lan kpow coo, ma bii tɔŋnda nilan a sɔɔn nun kpede,

1Masaa 8:61

Màá kɔlta niaalan kpow la va le Mɛlɛka Hala naa mɛɛ la co hau nuaa yɛ! Màá la tuei silala ndɔlan, mì la bii vɛlɛ tɔŋnda ndɔlan!»

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

1Masaa 11:6

Mó tosa ɲɛ hɛnan Mɛlɛka loo, o bii diom Mɛlɛka-o ɲɛkɛndɛi maa David fuɲa ndɔ le.

2Dɛnnda lemasalan 34:2

Mó tosa dɛnɛ sandaa Mɛlɛka o hɔl, mó kela o nɛila David fuɲa mama ndɔlan coo, o sei o ba kɛndɛ coo le, o sei o ba mɛl coo le.

2Dɛnnda lemasalan 17:3

Mɛlɛka va Yosafat ikɛi, kani nɛila David, fuɲa ndɔ mamaa kela paandu coo lan koni ndu bɛɛ va kelaa coo ni. O cɛl le Baal sooloo le.

1Masaa 11:2

Nduyɛ Mɛlɛka ndóò kuuna Israɛlla le vanaa kan, mí ndóò dimul nda aa: «La yil vanlaandua mangalaa isɔɔa o nɔ̀lan te, la cɛl vɛlɛ mì la kɛsi cuavaa niaa laandua vanaa-mangalaa-isɔɔa o ba o nɔ̀lan te, yɔŋii nda nɛlanɛla niaa, mì la mulin halaa ndaa sooloo!» Kɛ o vanaa-mangalaa-isɔaa kan tɛɛn kpeekpei Salomɔn ndu kɔ koendikoendi laandua ni le yeemɛi ndɔɛi.

Tɔŋ miingua 17:17

Masa kon bɛnda mò yil laandua taw le, yɔŋii o laasian mò mulul Hala kɔɔ. O bɛnda vɛlɛ mo cuungiaa volion a sianion taw-taw le.

2Dɛnnda lemasalan 25:2

Mó tosa ɲɛ bɛnda Mɛlɛka o hɔl-lo, kɛ o ve a kɔl ndɔɔ kpow le.

1Dɛnnda lemasalan 29:19

Ke Salomɔn po ni kɔl o tiindan nɔm-ndo, mò bii tɔŋndan, pɛɛkulan a silala nɔmndan, mò kela lecoo, haliko mo tangul Cɛi-Diandaa, Cɛi ya cuungiaa ɲɔɔn mun kpow le ndu tangullo-o.»

2Masaa 20:3

«Éé Mɛlɛka! Loonun a kela sandaa ya kela nɔm o hɔl-lo, loonun a dɛnnda kɛndɛla ya tosa nɔm o hɔl-tan.» Mí Esekia caŋ fúkpàà-fùkpàà.

1Masaa 15:14

Asa ndóò kaola Mɛlɛka a kɔl ndɔɔ kpow, kɛ o vi lende, o faŋa tombun soolan te.

1Masaa 15:3

Mí ndu bɛɛ tuula fuɲa ndɔ, mó tosa hakila fuɲa ndɔ tosa lɔ́ɔ́ kon-ndan. Kɔl ndɔɔ ve Mɛlɛka Hala ndɔɔ coo kpow mɛɛ David fuɲa ndɔ mamaa ndóò yɔngu Mɛlɛka kɔl ndɔɔ kpow yɛ le.

1Masaa 14:21

Roboam, po Salomɔn-ndo ndóò nɔ vɔsilan belehiɔɔlu a ò pilɛ, mó siŋnun masaa Yuda. Mó tosa masalen vɔsilan tɔ́ a laŋɔmmɛw Yerusalɛm, kobi Mɛlɛka ndóò hɛli kon o polama Israɛlla tɛɛn, mí ndóò cɔmnun vanaa ndɔa lon-ndo pɛɛn. Naama kalaa Roboam ndóò nɔ diolan ni, Amɔnnɔɔ o va ni.

1Masaa 11:42

Vɔsilan belehiɔɔlu Salomɔn tosa masalen Israɛlla kpow coo Yerusalɛm ni.

1Masaa 11:38

Taa yaŋ pɛ nilan o sɔɔn nun kpow, ma kela o nɛila nilan coo, te dɛnnda nɔmndan la sandu pɛ ya o hɔl, taa bii pɛ silala nilan a tɔŋnda nilan mɛɛ David vana ni baalaa tosa yɛ, i vanin nɔm ikɛi, i beŋnin nɔm cɛiyo mò sim yili mɛɛ ya simul David o ndɔɔ yɛ, mì ke nɔm Israɛl.

1Masaa 9:10

O vɔsilan bidiin bɛngu, mí Salomɔn tangul cɛila tiɔnndan ndan: Cɛi-Mɛlɛka-o a cɛi lemasaa.

1Masaa 6:1

Israɛlla fulaa o cɛlen nin Esipte, má tosa vɔsilan kɛmɛ lehiɔɔlu a belaŋɔmaa, Salomɔn ndóò nɔ nin vɔsilan tan hiɔɔlu o masale ndɔlen nin, o paangii diinndɔɛi nin, i ndáà veelu aa paangii Siv-e, mí Salomɔn kandu Cɛi-Hala-o tangullo.

Tɔŋ miingua 7:4

Kani te nɔlan la luɛi pɛ niaa tɛɛn, cuavaa ndaa faŋannin poaa niaa ya kɔɔli, mà yɛɛ nda halaa celen kɔɔli, mà sooluu nda. Te i yɔŋnun yɛ pɛ lende, mɛɛ ya Mɛlɛka, kɔltuw nuu toalnin niaa coo, mì cii niaa diw kpow.

1Masaa 3:3

Salomɔn ndóò kaola Mɛlɛka taw, o va vɛlɛ kelaa o silala David fuɲa ndɔ ndóò yɔngu ndu lan coo. Kɛ a kon kpede, o sooluulan ndu bɛɛ ndóò soli sálàla cɔlua a sálàla ansan-ndan ni.

1Masaa 11:9

Mí Mɛlɛka tuulu kɔl a Salomɔn le tùú ndóò faŋa kɔllo o ndu Mɛlɛka Hala Israɛlla lo-o. Kani mì Mɛlɛka ndóò cɔmnun ndu háá bɛmbɛ lediin,

Fulaa 20:3

Lelan, la bɛnda mi la sooluu halaa celen o ya kɔɔli le.

1Masaa 11:33

I tosanin kon le tùú Israɛlla mulul-la kɔɔ, mà muungun Astartee, hala laandu Sidɔnnda, Kɛmɔs, hala Moabua a Milkɔm, hala Amɔnnda sooloo-o, a le tùú nda kɛɛ le kelaa o nɛila nilan coo má kɛɛ le dɛnɛ sandaa tosaa ya o hɔl-lo. A cɛl vɛlɛ le tɔŋndan a silala ndóò dimul nda lan biyɔɔ maa David fuɲaa ndu Salomɔn te.