1Masaa 11:2 - BII BILA

² Nduyɛ Mɛlɛka ndóò kuuna Israɛlla le vanaa kan, mí ndóò dimul nda aa: «La yil vanlaandua mangalaa isɔɔa o nɔ̀lan te, la cɛl vɛlɛ mì la kɛsi cuavaa niaa laandua vanaa-mangalaa-isɔɔa o ba o nɔ̀lan te, yɔŋii nda nɛlanɛla niaa, mì la mulin halaa ndaa sooloo!» Kɛ o vanaa-mangalaa-isɔaa kan tɛɛn kpeekpei Salomɔn ndu kɔ koendikoendi laandua ni le yeemɛi ndɔɛi.

1Masaa 11:2 Referans Kwoze

Fulaa 34:16

Handɔɔ o kon coo, te la yii pɛ kpemaa a nda, la co cuavaa ndaa laandua yilɔɔ o nɔ̀lan le poaa niaa. Nduyɛ, cuavaa ndaa laandua lonin laasianndo o piɔmaa ndaa kan sooloo, mì poaa niaa bɛɛ a del nda kɔɔli a laasian pilɛ kon.

1Korɛntea 15:33

Niaa pila huinun te, maa mɛɛ o dimin yɛ aa: «Canyan vɔɔnndon tɛɛmbuu naamula kɛndɛlan ni.»

Rɔmnda 12:9

Kaolaa bɛnda mò va a muulɔnndo le. La kpakpala dɛnɛ vɔɔndo, mì la kaola dɛnɛ kɛndɔɔ.

Dɛnnda cɔɔmuanndan 2:4

Kɛ i hini kɔl a nɔm te, a mal kaola tase nɔm óò nɔ-o.

Rɔmnda 1:32

Kɛ nduyɛ, a siná yamɛi Hala-e pɛɛngu maa vanaa-vanaa co dɛnnda lan tosaa, piɔ́mndo co le nda ni. O tasoo, nda pila co dɛnnda lan tosaa, mà sim vɛlɛ vanaa co lan tosaa-a kɔɔli.

Malasi 2:11

Yudaa lo o lediom coo le. A tosá dɛnnda lamààlan Yerusalɛm ciee a o lɛŋnde Israɛl-ten kpow nin. Kani Yudaa soli fonda diandaa Mɛlɛka-o o báà nin le tùú nda yil vanlaandua sooluu halaa celennda-a o nɔ̀lan-ndo.

Condii lisai 139:21

Vanaa nɔ nɛyɔnndo a nɔmnda hɛnan ya le, i yeema bɛɛ mì ce vanaa co nɔm simullo-a le.

Ɛsdras 9:12

La kɛ́sì cuavaa niaa laandua o nɔ̀lan poaa mialaa kan o ba le. La yil vɛlɛ cuavaa ndaa laandua o nɔ̀lan le poaa niaa le. La fula dɛnɛ nda kɛndɔɔ lehɔl te, la buulan le naŋɔɔ vanaa-mangalaa-isɔɔa sina kan Hala le-a le. Lende niaa siŋnunnin lɛŋnde kpaaya len ni, mì la de kulun kɛndɛn lelɛŋndon, mì la mel vɛlɛ poaa niaa lɛŋnde len kɛ́ɔ.

2Dɛnnda lemasalan 21:6

Mí ndu bɛɛ kela kela vɔɔndo maa masaa Israɛlaa tɔ̀a, maa mɛɛ yungu Akab-o kela yɛ. Kani cua Akab-o ndóò yil o nɔ̀u nin ni. Mó tosa dɛnɛ bɛnda Mɛlɛka o hɔl too.

2Dɛnnda lemasalan 19:2

mí Yehu vana-tɛɛngaa-diom Hala-o, po Hanani-o kɔa ndu bɔŋaa, mó ɲuna ndu aa: «Le yɛɛ nɛ n mala yɛ vana vɔɔndo ho? Vanaa Mɛlɛka nɛɛnun-nda nɔm kaola ni? Kɔltuw Mɛlɛka-o toalnin nɔm coo le ɲɛ n tosa hoo-o.

O Kandɔɔ 34:3

Mó holnun niko Dina, cua Yakɔb kon. Mó yeema ndu taw. Mó kindin le cuaambɔɔ kɔllo nanɔɔ o ndu lo a sondo yeelaa.

O Kandɔɔ 2:24

Lelan, vanapɔnɔɔ faŋannin fuɲa ndɔ a kala ndɔ, mò holnun laa ndɔ, mà siŋnun dialii pilɛi nda ŋiɔn.

Fulaa 23:31

I handunin pɛɛngula lɛŋnde niaalen cɔnɔnndo a mɛmma ihɛlma makpɛ̀ndɛ̀an, kɔ bii a mɛmma ihɛlma Filistia, kandɔnndo vɛlɛ a lɛŋnde veselɛilen Sinai, kɔ bii a pee bɛndoo Efrate. Kani i malnin vanaa co o tàndà kon nin-nda niaa o ba, mì la tow nda polon.

Fulaa 34:12

Kɛ la mandan dɛ! La tiiya pɛ o leŋnde niaa co kɔlan nin-nden nin, la yii kpema niaa vanaa niaa co komal lon-nda le, yɔŋii nda siŋnun yaŋɔɔlen le niaa.

1Masaa 11:9

Mí Mɛlɛka tuulu kɔl a Salomɔn le tùú ndóò faŋa kɔllo o ndu Mɛlɛka Hala Israɛlla lo-o. Kani mì Mɛlɛka ndóò cɔmnun ndu háá bɛmbɛ lediin,