1Masaa 11:12 - BII BILA

¹² Kɛ nduyɛ, le tùú ya kaola David fuɲa nɔm-ndo, i poonda vɔnin masalen nɔm o ba telen n co hoo yoomu-o le, po nɔmndo ya hialunin nden o ba ni.

1Masaa 11:12 Referans Kwoze

2Masaa 20:19

Mí Esekia mulul Esai aa: «Diom Mɛlɛka n tɛɛngul-la hoo-o naŋ.» Kani o va diminndo o kɔl aa: «Te i co vɔ pɛ yoomu, kɔlɲuloo a nila ɲululan la co va!»

2Masaa 20:17

‹Telen pum co tiiya, vannda kɔannunnin Babilɔn a ɲɛm co o cɛi nɔm lemasaa nin-ndon kpow, n fuɲaa nɔmaa mamaa cuungiaa kandɔɔ paandu, mí n va n'kɛsiaa háá hau-von kpow, ɲɛ-ɲɛ lonin te.› Diom Mɛlɛka soo-o co kon ni.

1Masaa 21:29

«A ce mɛɛ Akab tuisin tootoo ya o hɔl-lɛ? Le tùú o tuisun tootoo ya o hɔl-lo, i tuisinin dɛnɛ palaa ho telen o co yoomu-o le, kɛ telen po ndɔɔ vanin masaa-o ya tuisinin yungu ndɔɔ dɛnɛ palaa kalaa coo ni.»

Fulaa 20:5

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

O Kandɔɔ 19:29

Kɛ telen Hala va cieon va o dɛɛlaa nin-ndon tɛɛmbuuo-o, mó loonun a Abraham. Mó ciindiaa vɛlɛ Lɔt a kpundɛ o tuisi kobila Lɔt va icali nin-ndan coo-o.

O Kandɔɔ 12:2

I siinguunin nɔm fuɲa-mama vanaa-mangalaa-isɔɔa súúlan taw. I dɔawnin nɔm duaa ma pɛlnun ladio. Vanaa bɔɔ-bɔɔ a sɔlanin duaa nɔm o ba bɛngu.

1Masaa 11:11

O kon mí Mɛlɛka dimul ndu aa: «Le kela n kela hoo-o, le tùú n kɛɛ le kpemaa biyɔɔ-o, le tùú n kɛɛ le tɔŋnda ya yɔngu nɔm-ndan biyɔɔ-o, i co nɔm masalen poonda o ba, mì yɔngu vana nɔm baalaa pum.

1Masaa 11:13

Le bɛɛle David vana ni baalaa ke ya len a le hɛli ya hɛli kobio Yerusalɛm-ndo, i poondanin po nɔmndo masalen faw o ba le, kɛ i melnin ndu polalen lepilɛ o polama cuavaa Israɛlla tɛɛn.»

1Masaa 11:31

Mó dimul Yeroboam aa: «Cua pɛngɔn tɔ́, mì mun va le nɔm. Kani Mɛlɛka Hala Israɛlla dimi ni aa: ‹I co hunɔɔ Salomɔn masalen hiɔlɔɔ o ba, mì ke nɔm polan tɔ́.

1Masaa 11:35

Kɛ po ndu Salomɔn-ndo o ba ya poondanin masalen ni, mì ke nɔm polan tɔ́, ma tosa masalen nda coo.

2Masaa 19:34

Ndu Mɛlɛka kandanin kobio ho le ndu ciindiaa, le ndu pila a le David vana baala ndɔ.›»

1Masaa 11:32

Kɛ i melnin ndu polalen ten pilɛ kpé le kaola ya kaola David vana ni baalaa-o, a le hɛli ya hɛli Yerusalɛm o lɛŋnde Israɛl-ten nin kpow-vo.

1Masaa 11:34

I poondanin Salomɔn masalen kpow o ba le. Háá a piɔ́m ndɔɔ, i siinguunin ndu masaa vanaa nia coo le David vana ni baala, o ya hɛli-o. O bii silala nilan a tɔŋnda nilan-ndo.

2Masaa 8:19

Kɛ Mɛlɛka cɛl le masalen Yuda tɛɛmbuuo le, kani mí ndóò dimul vana ndɔ baalaa David maa poaa ndɔa tosanin masalen Yerusalɛm le lɔ́ɔ́-lɔ́ɔ̀.