1Masaa 11:1 - BII BILA

¹ Handɔɔ o cua ndóò yil Faraɔnnɔɔ o ba o nɔ̀u nin-ndo coo, mí Salomɔn kaola vanlaandua mangalaa isɔɔa taw: Moabua, Amɔnnda, Edɔmnda, Sidɔnnda a Hitiia.

1Masaa 11:1 Referans Kwoze

Tɔŋ miingua 17:17

Masa kon bɛnda mò yil laandua taw le, yɔŋii o laasian mò mulul Hala kɔɔ. O bɛnda vɛlɛ mo cuungiaa volion a sianion taw-taw le.

Talelan 6:24

La malanin nɔm ma kpakpala vanalanɔ vɔɔndo, ma kpakpala sondo yeelaa lanɔ co laa nɔm too.

Talelan 7:5

haliko mi kɔlkaloo a dɛnɛ sinaa manda nɔm, ma kpakpala vanalanɔ tiamaa, ma kpakpala lanɔ pila sondo yeelɛiyo.

Talelan 2:16

Lende n tosanin ni ma kpakpala sɔɔn yeelɛin vanalanɔ co laa nɔm too, mial nɔ kon sondo yeelaa-o.

1Masaa 11:8

Lende o tengul laandaa ndɔa mangalaa isɔaa kan kpow sooluulan le halaa ndaa sooloo ni, mí nda kpede va halaa ndaa kan sálàla cuɛima cun kɛndɛlan a sálàla n'cɔlulan solullo.

Talelan 22:14

Yaŋɔɔle vɔɔnnden pila sɔɔn vanlaandua tiamaa n co ni, vana Mɛlɛka tuulu kɔl a ndu-o haw lon ni.

1Masaa 3:1

Mí Salomɔn yiinun a Faraɔnnɔɔ, ó va masaa Esipte-o, mó yil cua ndɔɔ o nɔ̀u nin, mó kɔa a ndu o Kobi David-o nin. Má kɔ lo lon háá mó cìì cɛi ndɔ ndu pila-o, Cɛi-Mɛlɛka-o a kpaki ndóò balu Yerusalɛm-ndo tangul.

Talelan 23:33

O kon, hɔlta la saan vunduma súú-súù ka cɔu, sondo nɔmndo saan sɔɔn dimio laasi-laasi.

Tɔŋ lasálàá 18:18

Te laa nɔm co vɔ pɛ yoomu, a bɛnda ma yil pɔmbɔ ndɔ, te kon te bɛ ndɔ o nɔ̀u nin te. Yɔŋii n va a ndu ma luei tanda bɛndu idiɛɛmuyaa nda tɛɛn.

Fulaa 34:16

Handɔɔ o kon coo, te la yii pɛ kpemaa a nda, la co cuavaa ndaa laandua yilɔɔ o nɔ̀lan le poaa niaa. Nduyɛ, cuavaa ndaa laandua lonin laasianndo o piɔmaa ndaa kan sooloo, mì poaa niaa bɛɛ a del nda kɔɔli a laasian pilɛ kon.

1Masaa 16:31

O hini kɔl le hakila o tosa mó vial Yeroboam, po Nebat-o lan te, kɛ mó mulin, mó kɔ yil Yesabɛl, cua Ɛtbaal va masa Sidɔnnda-o o nɔ̀u nin. O va vɛlɛ piɔmndo Baal sooloo.

Ɛsdras 10:44

Vannda ha kpow ndáà yil laandaa mangalaa isɔɔa ni. O vanlaandua kan tɛɛn a bɔɔ-bɔɔ ndáà velu nin cuawva.

Talelan 31:3

Tɛ̀ɛ̀mbuu yoomuma nɔmndan a vanlaandua le. Del vanlaandua mal masaa-a kɔɔli le.

1Masaa 14:21

Roboam, po Salomɔn-ndo ndóò nɔ vɔsilan belehiɔɔlu a ò pilɛ, mó siŋnun masaa Yuda. Mó tosa masalen vɔsilan tɔ́ a laŋɔmmɛw Yerusalɛm, kobi Mɛlɛka ndóò hɛli kon o polama Israɛlla tɛɛn, mí ndóò cɔmnun vanaa ndɔa lon-ndo pɛɛn. Naama kalaa Roboam ndóò nɔ diolan ni, Amɔnnɔɔ o va ni.

1Masaa 14:31

Roboam vuo, má kɔ kumbu ndu o fonda ndáà kumbu fuɲaa ndɔa-o, o Kobi David-o nin. Amɔnnɔɔ kala ndɔ va ni, diola ndɔlan aa Naama. Mí Abiyam po ndɔ koma sul masaa o fonda ndɔɔ.

Ɛsdras 9:1

«Lɔ́ɔ́ dɛnnda lan la cuu-o, mí simlacia pum sɔɔnguu ya ikɛi, má dimul-la aa: ‹Cuavaa Israɛlla, vanaa-solia-lasálàá a leviia, vana-vana sɛyan a vannda ha o lɛŋnden nden nin te. A del dɛnnda nɔɔlɛila vannda ha kɔɔli: Kanannda, Hitiia, Perisiia, Yebusiia, Amɔnnda, Moabua, Esiptea a Amoriia.

Ɛsdras 9:2

A yil cuavaa vanaa-mangalaa-isɔaa kan o nɔ̀lan le nda pila a le poaa ndaa. Nuaa nda bingulan yɛyii diandɛi a vanaa súúla celeŋaa co o lɛŋnde len nin-nda ni. Vanaa va vanaa tasea le dɛnɛ nɔɔlɛi kon tosaa-a yɔŋnun simlacia a vanaa bɛndua ni.›