1Masaa 10:1 - BII BILA

¹ Mɛɛ masa laandu va o lɛŋnde Saba len nin-ndo tuei Salomɔn tɔ́ɔ́ le kɔlkalu Mɛlɛka ke ndu-o, mó yiyan le kɔlan ndu kɔlɔɔ solio a ɲuuniaala kàlà-kálàlan.

1Masaa 10:1 Referans Kwoze

Matie 12:42

Paale kialaa iyamalen, masa laandu fula a ba too-o cannin mò yaala vanndacieea paalen nden hau. Kani caan kon, mó mal nɛɛ lɛŋnden le mɛɛlu-a dí, mó hun le nilan yaŋɔɔ o kɔlkalu Salomɔn-ndo. Nduyɛ vana hiow Salomɔn-ndo co nanu.»

Luke 11:31

Masa laandu va a ba too-o muungunin yoomu o paale kɔɔsɔlen, mò kɔɔsal vanndacieea vaalio ho, mò yaala nda. Kani ndu, o lɛŋnden mɛɛlulan di o cɛn ni, mó hun le sɔɔn kɔlkalun Salomɔn-ndon yaŋnɔnndo. Nduyɛ, o hiow Salomɔn-ndo co nanu.

Condii lisai 72:15

Màá o viow yoomu, mì sianion Saba n yɔngun ndu! Màá vannda va Hala piɛiyo le ndu, ma va ndu duaa dɔvɔɔ telen oo telen!

O Kandɔɔ 10:28

Obal, Abimaɛl, Saba,

O Kandɔɔ 10:7

Poaa Kus-a yɔŋnun haa ni: Seba, Havila, Sabta, Raema a Sabteka. Poaa Raema-a yɔŋnun Saba nda Dedan ni.

Yeremi 6:20

Kpeku yɛɛ ya nɔ yɛ a ansan co fulaa Saba-o, te kon te a ɲɛm cun kɛndɛn fula o lɛŋii celen nin pɔ́-pɔ́-on? Sálàla loamaala niaalan la hɛnan ya le, sálàla niaalan la nɛŋi ya kɔl te.»

Esai 60:6

ɲɔɔmɛɛa sɛ́lɛ́ bɛndoo kumbunin lɛŋnden kpow, ɲɔɔmɛaa téndéa Madian a ɲɔɔmɛɛa Efa a pianin o lɛŋnde nɔmnden coo ca. Kan kpow a cannin Saba mà hin (o nɔm ndo), a hunnin a sianion a ansan, a kelanin a Mɛlɛka lisaa nɛɛ-nɛɛ ka.

Condii lisai 72:10

Masaa co Tarsis-a a masaa co o lɛŋii co o mɛmma ihɛllan tɛɛn-nde coo-a a vanin ndu ɲɔɔn cuuo. Masaa Saba a masaa Seba a yoonin ndu ɲɛm-kéan cuuo.

Condii lisai 49:4

Sondo co sɔɔn kɔlkalon dimio. Kɔl nuu co yiyannda kɔlkalulan solio.

SƐBƐ YƆB-O 28:28

O kon kɔɔli, mó dimul vanacieo aa: ‹Siòòŋii Mɛlɛka-e nɔu, kon co kɔlkaloo ni! Dɛnɛ vɔɔndo kpakpalaa, dɛnɛ sinaa co kon ni!›»

SƐBƐ YƆB-O 6:19

Vanaa fula nɔ̀nndan Tema-a va peela lan tofaa, sɛ́lɛ́ bɛndu cɛn Saba-o bɛɛ va tiindanndo le mɛnndan sɔɔla lenin.

O Kandɔɔ 25:3

Yɔksan yɔŋnun fuɲaa Saba nda Dedan ni. Dedan kon yɔŋnun fuɲa-mama Asuriia, Letusiia a Leumiia ni.

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Marke 4:34

Ndóò suu o nda lo mì ndóò kɛɛ taloo dimi le, kɛ te ndóò cal pɛ landɔ nda kaandeŋaa ndɔa, o tɛɛsial nda mun kpede.

Matie 13:35

haliko mi sɔɛi vana-tɛɛngaa-diom Hala-o ndóò dimi-e ndíì peelun aa: «I kumbinin sondoo mì soo o talelan nin, mì soo a dɛnnda viannannda co kabi ceendo cɔwnun ndan o kɔɔ.»

Matie 13:11

Mí Yeesu mulul nda aa: «Niaa, la sɔla sinapɛngoo le dɛnnda viannanndan bilaa biyɔɔ a masale halataala len o kɔɔ, kɛ nda sɔla sinapɛngu vaa lende le.

Esekiɛl 38:13

Vannda Sabaa a haa Dedan, yulaa Tarsis a simlacia ndaa kpow a ɲunanin nɔm ɲinkon aa: ‹Vɛ̀ɛ̀ le ɲɔɔn hiɔlɔɔ a paa-kala n co hunɔɔ ni? Vɛ̀ɛ̀ le ɲɔɔn poondiaa n cuungiaa sɛ́lɛ́ bɛndoo ho nuaa ni? Mò va maa le volion a sianion, le cɔlua a ɲɛm kɛndɔn cuaa, a le bolofaa bɛndoo puuvo n hin nuaa ni?›

Esekiɛl 16:14

Le hee, mí tɔ́ɔ́ nɔmndo tiw vanaa-mangalaa-isɔɔa tɛɛn le naŋɔɔ nɔmndo, kani le tùú yáà dovi nɔm a naŋɔɔ-o, mí nɔm óò tiwnun a naŋɔɔ. Ya Maalii, ya co Mɛlɛka-o soo nuaa ni.

1Masaa 5:14

Vannda va fulaa o vanaa-mangalaa-isɔɔa kpow tɛɛn le kɔlan sɔɔn kɔlkalun Salomɔn va dimio-on tueyɔɔ. Masaa o lɛŋnden kpow coo, a tuei kɔlkalu Salomɔn-ndo tɔ́ɔ́-a va vannda vomɔɔ le kɔlan ndu yaŋnɔnndo.

1Masaa 10:24

Lelan vannda o lɛŋnden kpow coo ndáà yeema le ndu cɔu a le nilan yaŋɔɔ o kɔlkalu ndɔɔ, kani Hala ndóò vow ndu kɔlkalu kon o kɔl ni.