1Masaa 1:5 - BII BILA

⁵ Tuma kon, mí kɔl yongaa luɛi Adoniya, po David velu nda Hakit-o nin, mó dimi aa: «Ya co hunɔɔ siŋnɔn masaa ni.» Mó cua ɲɛ ɲaanan soa nan-ndo o pilɛ, vanaa ɲaanun o soa coo-a a langbaa beleŋuɛɛnu, má va kɔlan ndu laci.

1Masaa 1:5 Referans Kwoze

2Samiɛl 15:1

O sɔɔn mún kɔɔli, mí Absalɔm sɔla ɲɛ ɲaanan soa nan-ndo o pilɛ a soa, a kunda vanaa cɔwva n'van beleŋuɛɛnu, á va ɲaanɔnndo o ɲɛ ndɔ ɲaananndo laci-a.

2Samiɛl 3:4

Po hiɔɔlundɔɔ va Adoniya ni, nda Hakit velu kon ni. O ŋuɛɛnundɔɔ va Sefatia ni, nda Abital velu kon ni.

Luke 18:14

I co niaa dimul, mí Hala tuinun vana biyaa muloo iɲíí, mó muungu o ndu lo bɛ́ɛ̀, kɛ o tuinun o pilɔɔ iɲíí le. Lelan, vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Luke 14:11

Kani vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Esai 2:7

Lɛŋnde ndalen le pɛ a volion a sianion, bolofaa ndaa nɔ lamɛɛlu le, lɛŋnden le pɛ a soa, ɲɛla ɲaanannda sofɛlɛa nan-ndan la cuu cɔm te.

Talelan 18:12

Yongaa pɛ̀ pɛ vanacieo o kɔl, mɛɛ delɔɔ ndɔɔ tiiya. Kɛ tuisinndo hun a heeloo sɔlaa ni.

Talelan 16:18

Kuundianndo hun a dɛnɛ palaa ni, yongaa cuu vana tambei ni.

1Dɛnnda lemasalan 29:1

Mí masaa David dimul vannda kpow aa: «Langbanɔ felengi nɔ vɔ taasi bɔɔ loo Salomɔn po ni co ni, o Mɛlɛka hɛli-o. Nduyɛ, baalaa co o bɔɔ, kani o co cɛi lemasa vanaciee le co tangulɔn te, kɛ Cɛi-Mɛlɛka-o ni, Hala pɛɛn.

1Dɛnnda lemasalan 28:5

Mɛlɛka ke ya cuawva taw. O cuavaa nia tɛɛn, mó hɛli Salomɔn po ni, haliko mo kɛsi ndu o kpɛŋɛ ndɔ lemasaa coo, mò tosa masalen Israɛlla coo.

1Masaa 2:24

Te Mɛlɛka lueí ya yoomuan, mó kɛsi ya o kpɛŋɛ lemasa David fuɲa ni-o coo-o co yoomu, Mɛlɛka yiilúl-la hoo kpemaa le ya pila a le polale nilen masalen yɔngoo-o pɛɛn, paalen nden hau, fɔ mì Adoniya sɔla piɔ́mndo!»

1Masaa 1:11

Mí Natan kɔ dimul Bat-Seba, kalaa Salomɔn aa: «A tuei pá maa Adoniya, po Hakit-o cua masalen? Nduyɛ hali vana naa bɛndoo David sina vɔ a ndi o kɔɔ le.

Fulaa 9:17

Kɛ háá hau, nɔm Faraɔnnɔɔ, a co vɔ cuavaa ndɔa kuunanndo coo, má kɛɛ le nda malɔɔ kɔlan.

1Dɛnnda lemasalan 3:2

Po yàándɔɔ diolan Absalɔm, nda Maaka cua Talmai va masaa Kesur-o velu kon ni. Po hiɔɔlundɔɔ diolan Adoniya, po Hakit-o va kon ni.

Masaa kialaa n'yamaa 9:2

«La kɔ mì la ɲuna cuavaa lelɛŋnda Sikɛm aa: ‹O kuɛɛ co yɛ fisa le niaa, poaa belaŋɔmmɛvaa Yerubaal-la masalen tosaa niaa coo, baa vanndo ndu pilɛ masalen tosaa niaa coo? Nduyɛ, la sina maa vanayɛi niɛi kpeekpei ya co ni.›»

1Masaa 1:4

Cuaambɔ laandu kalaa ndóò naŋ hɔlla taw. Mó kɔ va masaa mandaa, a ndu diikɔnndo. Kɛ masaa David sina ndu vanalanɔ le.

1Masaa 2:15

Mó dimul ndu aa: «A sina maa ya ndáà bɛnda le masalen yɔngoo ni, Israɛlla kpow a va nin cumndo mì yáà siŋnun masaa. Kɛ mí masale kalalen le hialun ya, mí le kɔa o Salomɔn pɔmbɔ ni lo. Nduyɛ, Mɛlɛka ke ndu masalen nden ni.

1Masaa 2:13

Paale pum, mí Adoniya po Hakit-o komal Bat-Seba kalaa Salomɔn, mí Bat-Seba ɲuna ndu aa: «Vɛ ya komallo ho nuaa? Vɛ̀ɛ̀ sɔɛi kɔlɲuluei n hin ni?» Mó mulul ndu aa: «Oi, sɔɛi kɔlɲuluei ni.»