1Masaa 1:2 - BII BILA

² Lelan mí buɛyaa ndɔa dimul ndu aa: «Masaa, n yeema mì n nuwviaa cuaambɔ laandu sina vɔ dɛnɛ vanapɔnɔ loo, mò va nɔm ikɛi, mò manda nɔm, mò va vɛlɛ hinilan nɔm ikɛi, haliko mi hangullo va nɔm helɔɔ.»

1Masaa 1:2 Referans Kwoze

Misee 7:5

La láálan vanayan niaan te, la kɛ́sì kɔllo caaŋaa niaa coo le. La mandaa sondola niaalan, hali o va bɛɛ landaa niaa o hɔl.

Vana Kɔlkaloo 4:11

Lende koni, te vanaa ŋiɔn a hini pɛ nɛɛ pilɛ, a tuuluan vundé-vundé, kɛ vana co ndu pilɛ-o tiwba mo tuulu le.

O Kandɔɔ 16:5

Mí Sarai dimul Abram aa: «Nɔm tosa ni mí cuaambɔɔ ho tɛɛndan ya. Ya hivi nɔm cɛ nuu kɔɔli ni, kɛ kabi o cennun nin maa a folio o co ni, o co pɛngi ya tɛɛndanndo le. Màá Mɛlɛka kiolu yamɛi naa tɛɛn naa nɔm!»

2Samiɛl 12:3

Vana bala fondoo ndu ndóò nɔ ɲɛ-ɲɛ celen te, fɔ saa laandu téndé ndóò pendu-o. Mó va ndu ɲɛdiaa yɔngoo, mó sul ndu o ba nda cuaambɔa ndɔa latulu. Ɲɛdiaa pilɔɔ ndáà dia nda saa laandu kon ni, o taala kólaa pilɔɔ nin ndáà kol nda ndu ni, ndu o ibuŋ ndóò lɔl ni. O va ndu o ba maa cua ndɔ.

Tɔŋ miingua 13:6

Le vana-tɛɛngaa-diom Hala kon, te kon te vana sɔlaa malɔ kon, o bɛnda mò sɔla piɔ́mndo. Kani ndu va tosa ni mì vannda ndáà simul Mɛlɛka Hala niaa, ó soli niaa o lɛŋnde Esipte len nin mó faŋa niaa o cɛlen nin-ndo. Vana kon ndóò yeema mì ndóò faŋa niaa o nɛi Mɛlɛka Hala niaa dimul niaa le kɔlan coo-o coo. Nuaa niaa bɛnda ni mi la faŋa dɛnɛ vɔɔndo niaa tɛɛn.

Tɔŋ miingua 10:8

O telen kon Mɛlɛka hɛli polale Levii len le kesu kpema Mɛlɛka-o cuaa a le simndan Mɛlɛka o hɔl ni, le baala ndɔɔ tosaa a le vannda duaa dɔvɔɔ o diola Mɛlɛka lan. Lende nda co yɛ tosaa háá paalen nden ni.

2Dɛnnda lemasalan 29:11

Lelan sisa, niaa poaa nia, la va vanaa sáálan isɔɔ le-a le. Kani niaa Mɛlɛka hɛli ni le ndu simndan o hɔl, le ndu baalaa tosallo, le kaannden simndan laci a le ndu sálàla cuɛima cun kɛndɛlan ndu lumndo.»

1Masaa 1:1

Masaa David ndóò yuuva nin taw. Hali ndáà kuumbuu nin bɛɛ ndu volɔɔlan coo, hangulu ndóò hel-lɛ ndu le.

1Masaa 1:3

Má nuwviaa o lɛŋnde Israɛl-ten kpow nin, má kɔ saalun cuaambɔɔ laandu kɛndɛ-kɛndɔɔ pum Sunɛm, diolan Abisak. Má yaa ndu o masaa lo.

Ɛstɛr 2:2

O kon, mí vanaa va baalaa tosaa o ndu lo cɛinin nda dimul ndu aa: «O bɛnda mì vana nuwviaa cuavaa laandua kɛndɛ-kɛndɛa sina vɔ dɛnɛ vanapɔnɔ le-a le masaa.