1Masaa 1:16 - BII BILA

¹⁶ Bat-Seba luɛyɔɔ, mó tundun, mó baŋ vulan masaa o labɛngunin. Mí masaa ɲuna ndu aa: «Yɛɛ nɛ n yeema yɛ?»

1Masaa 1:16 Referans Kwoze

1Samiɛl 25:23

Abikail cɔu dɔ́ɔ́ David, mó toal o sofɛlɛ ndɔɔ coo, mó baŋ vulan David laci, mó tundun David o labɛngunin,

1Samiɛl 24:8

A sɔɔn mún David nɔla langbaa ndɔa ni, mó kuuna nda le Saul delɔɔ coo. O kon mí Saul can, mó fula o buulula lan nin, mó bii nɛiyo le kɔlan nɛɛ o va kɔlan-nda.

1Samiɛl 20:41

Tuma poombɔɔ muungun-ndo, mí David koma fula nɛɛ o va o viannan o powvo kɔɔli a ba too-a, mó baŋ vulan Yonatan o labɛngunin háá bɛmbɔɔ leyáá. Má kɔɔmian a caŋndo taw nda ŋiɔn, kɛ David hiow caŋ.

Matie 20:32

Mí Yeesu sim, mó veelu nda, mó dimul nda aa: «Yɛɛ niaa yeema yɛ mì tosal niaa?»

Matie 20:21

Mí Yeesu ɲuna ndu aa: «Yɛɛ nɛ n yeema yɛ?» Mó mulul ndu aa: «Cɛl mì poaa nia ŋiɔnda ha kɔ va icali nɔm ikɛi o masale nɔmnden nin, o pilɛ nɔm o ba kɛndɔɔ coo, o pilɔɔ nɔm o ba mɛllo coo.»

Ɛstɛr 7:2

O paale diinndɔle len bɛɛ, ndáà ciiyo dioo, mí masaa ɲuna vɛlɛ Ɛstɛr aa: «Ɛstɛr laa ni, yɛɛ nɛ n yeema yɛ mì yɔngu nɔm? Ɔ́ɔ̀ bahavɛi nɔmndo? Hali o va bɛɛ aa masalen táláá pilɔɔ n yeema ni, i yɔngunin nɔm.»

1Masaa 2:20

Mí Bat-Seba dimul Salomɔn aa: «I nɔ sɔɛi pɔmbɔ le nɔm dimullo, kɛ kɛɛ ndi le dɛ!» Mí masaa Salomɔn mulul ndu aa: «Nde, dimi sɔɛi n nɔ o kɔl-le, i kɛɛnin te.»

1Masaa 1:23

Má kɔ dimul masaa aa: «Natan vana-tɛɛngaa-diom Hala-o hin.» O kon, mí Natan luɛi, mó tiiya o masaa lo. Mó baŋ vulan masaa o labɛngunin, mó tundu hɔlla lɛŋ.

1Masaa 1:15

O kon mí Bat-Seba kɔ luɛi o masaa David lo cɛinin. David ndóò yuuva nin taw, Abisak Sunɛmnɔ va ndu ikɛi le ndu mandaa.

1Masaa 1:17

Mó mulul ndu aa: «Nɔm vana ni bɛndoo pila mɛnalan ya buɛi nɔmndo lɔ́ɔ́ kon o diola Mɛlɛka Hala nɔmndo ni, má dimul-la maa Salomɔn po ni co hunɔɔ siŋnɔn masaa o fonda nɔmndo ni, mò koma cal o kpɛŋɛ lemasaa nin.