1Masaa 1:1 - BII BILA

¹ Masaa David ndóò yuuva nin taw. Hali ndáà kuumbuu nin bɛɛ ndu volɔɔlan coo, hangulu ndóò hel-lɛ ndu le.

1Masaa 1:1 Referans Kwoze

Condii lisai 90:10

N viow pɛ yoomu tei, vɔsilan belaŋɔmmɛw, te kon te vɔsilan belaŋɔmaa le vanaa kendu diallon-nda. Kɛ o sangaa nin a o mɔnɛi nin naa n co lan hivio lende ni. Vɔsilan la co bɔɔ keleŋaa hiovɔɔ, n co cɔnɔnndo coo le kɔlan ciee-piɔ́m.

1Dɛnnda lemasalan 23:1

Lɔ́ɔ́ David yuuva taw-taw-o, mó suili Salomɔn po ndɔ masaa Israɛlla coo.

2Samiɛl 5:4

David ndóò nɔ vɔsilan beleyaa mó siŋnun masaa, mó tosa masalen vɔsilan belehiɔɔlu.

O Kandɔɔ 24:1

Abraham ndóò yuuva nin taw, ndóò cii nin vɔsila bɔɔ-bɔɔ, nduyɛ Mɛlɛka ndóò dɔw ndu duaa o dɛnndan kpow nin.

O Kandɔɔ 18:11

Abraham nda Sara laa ndɔ, ndáà yuuvan nin taw. Sara ndóò hiow nin telen vialaa lɔ́ɔ́ levil.

Luke 1:7

Kɛ nduyɛ, ndáà nɔ n'cuaw le, kani Elisabɛt ve vana vialaa le, ndáà yuuva nin vɛlɛ taw.

2Samiɛl 24:25

Mó cɔaw niko fonda-loamaa-lasálàá lon, mó solul Mɛlɛka sálàla loamaalan a sálàla kɔlɲululan. O kon, mí Mɛlɛka ɲulul kɔl a lɛŋnden, mí kpundɛ ndóò tuisi Israɛlla coo-o cuu.

1Masaa 1:2

Lelan mí buɛyaa ndɔa dimul ndu aa: «Masaa, n yeema mì n nuwviaa cuaambɔ laandu sina vɔ dɛnɛ vanapɔnɔ loo, mò va nɔm ikɛi, mò manda nɔm, mò va vɛlɛ hinilan nɔm ikɛi, haliko mi hangullo va nɔm helɔɔ.»

1Masaa 1:15

O kon mí Bat-Seba kɔ luɛi o masaa David lo cɛinin. David ndóò yuuva nin taw, Abisak Sunɛmnɔ va ndu ikɛi le ndu mandaa.

Vana Kɔlkaloo 4:11

Lende koni, te vanaa ŋiɔn a hini pɛ nɛɛ pilɛ, a tuuluan vundé-vundé, kɛ vana co ndu pilɛ-o tiwba mo tuulu le.

Yosue 13:1

Yosue ndóò yuuva nin taw. Mí Mɛlɛka dimul ndu aa: «A yuuva nin taw-taw, nduyɛ, fondalan la lo vɔ taw le biyɔɔ o lɛŋnden coo.