Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.
Vanalanɔɔ bɛnda mò va o yiinan a pɔnɔ ndɔ telen pɔnɔ ndɔ co vɔ yoomu-o. Kɛ te pɔnɔ ndɔ vi pɛ, mɛɛ o tiwnin ba mò cal o nɔ celen nda vana o yeema-o, kɛ fɔ mò va vana Hala-o.
Yáà yeema mì vanpiaandua kpow ndáà va maa ya, kɛ nduyɛ Hala yɔngu vannda valtan yɛ́-yɛ́ le tosaa. O ke pɛ vanndo hoo vallo pum, o mulin, o ke vana celen vali celen.
Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ. Mì cuavaa ndɔa va vanaa laalannda, o va cuavaa vannda co cɔu kela vɔɔndo o hɔl-la le, te kon te mà kɛɛ sɔɔn biyɔɔ-a le.
Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ kpé, mo va vana tosa sɔɔn tùúlen-ndo, vana taasio, vana bii kɔl ndɔɔ-o, mo va vana caa mialla biyɔɔ-o, mo tiwba pɛɛkoo,
Kɛ nduyɛ, te vana laalan too yeema pɛ le kɔnndan, o kɔnnun. O dɛnɛ vaa lende nin, puapilɛ naa te kon te yema naa nɔ dí mò mal ndu. Kani Hala veelu naa haliko mi n va o kɔlɲuloo nin.
Ɲɛ ya tuei-yo co ni maa vanaa pum co niaa tɛɛn, a co dimio-a aa: «Ya le Pol ya co ni.» O pum ndu co dimio aa: «Ya le Apolɔs ya co ni.» O pum ndu aa: «Ya le Sefas ya co ni.» O pum yɛ aa: «Ya le Krista ya co ni.»
O co langbanɔɔ cua hoo yindɔlan-ndo le? O co po Mari-o le, bɛndoo Nsaki, Yosɛf, Yude a Simɔn pɛɛn? O co yemaa ndɔa le co naa haa tɛɛn nanu le?» Mí ken yɔŋnun pow boŋaa le nda.
Nakɔ co o kindaa kpaŋ-ndo n co ni, yemanndo, nɔm ya co cuaa o nɔu nin-ndo. Mɛmma itɛɛnguma co makindan-ndan n co ni, soon kólaa co o kungaa-o lekɛ́ndɛi n co ni.
Vanaa kan a co vannda pɛɛkoo maa o niŋ mì vana yil lanɔ, te kon te mì vana cal pɔnɔ o ba o nɔ̀u nin te, maa vana dia vɛlɛ ɲɔɔn pum te. Nduyɛ, Hala soli ɲɛm mun haliko mi vanaa laalannda piɛi ndu Hala, mà de mun, mà mel ndu balika, nda vanaa laalaŋaa sina toɲaa-a pɛɛn.