1Korɛntea 9:25 - BII BILA

²⁵ Vannda va pɛ pisultan pɛɛkoo, a hendulun tɔŋnda kalalan. Le bɛɛle viw le len sɔlaa nda tosa kon ni. Kɛ naa naa, n co kon tosaa le bɛɛle co le lɔ́ɔ́-lɔ́ɔ̀ len sɔlaa.

1Korɛntea 9:25 Referans Kwoze

2Timote 2:5

Lende koni, te vanndo kindin pɛ le ɲaanɔnndo daama, o sɔla sala le, te o co mò ɲaanun mɛɛ o bɛnda yɛ le.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

1Timote 6:12

Cɔlɔba cɔlɔba toɲaa a laalanndo. Kafalan cinda lɔ́ɔ́-lɔ́ɔ̀, kani le ndu n sɔla veeloo telen n cɔm laalan nɔmndo seiya taw o hɔl-lo ni.

Dɛnnda cɔɔmuanndan 3:11

I co hunɔɔ sunsun. Bii ɲɛ n nɔ-o kpáŋ, haliko vana cua mɔsil lemasa nɔmndo le.

Nsaki 1:12

Dɛnɛ kɛndɔɔ co le vana bìwnùn o tɔɔndanndo nin-ndo, kani o cii pɛ tɔɔndanndo sɔla, o sɔla mɔsil lemasa cindaa, o Mɛlɛka yiilu vanaa kaola ndu-a kpemaa-o.

2Piɛr 1:6

mì la tiw niaa pila ba handɔɔ o dɛnɛ niaa sina-o coo, mì la va vanaa biwnannda handɔɔ o tiw niaa tiw niaa pila ba-o coo, mì la handu ɲííye o biuvɔn niaa coo,

1Piɛr 5:4

O kon tuma bolle vanaa mandaa n'saa fulanin ceen-ndo, la sɔla mɔsil lemasa biilaa, ó tembu loo.

1Piɛr 1:4

le kɛ́ tembu loo, o nɔɔlian too, o ɲɔfɔla loo. Kɛ́ kon co o mandaa le niaa o halataala,

Kalatea 5:23

vili kɛndɔɔ a kɔllo biyɔɔ ni. Tɔŋndo co dɛnnda vaa lende cɔlɔbaa le.

Hebreea 12:28

Lelan, le mɛɛ naa n sɔlanin masale hiilunnin te len yɛ, n sinàn kɛndɛi mì n melnun Hala balika, mì n tosalan ndu baalaa mɛɛ hɛnan ndɔɔ co yɛ, o siòònde a o ndu vou nin.

Hebreea 12:4

Kani la simul-lɔ hakio háá piɔ́mndo le.

1Korɛntea 15:54

Lɔ́ɔ́ dialun sia-on siŋnunnin dialun si loon-ndo, mì dialun vu-on siŋnun dialun vi loon, o kon sɔɛi sɛvan-nde peelun aa: «Sɔɛi piɔɔ́mnde i cuu, dɛnndan kpow la hiawnin.»

Dɛnnda cɔɔmuanndan 4:10

bɛndua yuuvɛiyaa bidiin a à hiɔɔlua baŋ vulan vana co icali o kpɛŋɛ lemasaa nin-ndo o labɛngunin, a biilu vana co yoomu le fɛɛn a fɛɛn-ndo, o kon a vuu mɔsilta ndala lemasalan o kpɛŋɛ lemasaa hɔl-ndɔ a dimio aa:

Dɛnnda cɔɔmuanndan 4:4

O kpɛŋɛ lemasa kon balɔɔ pindo, kpɛŋɛla lemasala celen la va bidiin a lahiɔɔlu, bɛndua yuuvɛiya va icali lenin a volɔɔla humbulan lekɔɔ, mɔsilta lemasala n'sianilan la va nda o lebol.

Tite 1:8

Kɛ mò va vana caa mialla biyɔɔ-o, vana yeema dɛnɛ kɛndɔɔ tosaa-o. Mɛɛ mò va vɛlɛ vana kɔlkaloo, vana sandaa, vana dendu Hala o hɔl-lo a vana tiwba kɔl ndɔɔ biyɔɔ-o.

Tite 2:2

Pɛɛku bɛndua yuuvɛiya mà va vanaa tosa dɛnndan tùúlen-nda, vanaa lebɛɛa, vanaa bii kɔltan o dɛnndan nin-nda a vanaa nɔ laalan kpeekpeiyo o kaolaa a o biuvɔnndo nin-nda.