1Korɛntea 9:24 - BII BILA

²⁴ La sínà maa vanaa ɲaanun-nda kpow a ɲaanun o falle nin ni, kɛ vana pilɛ kpé sɔla salaa ni? La ɲaanun lende, mì la sɔla salaa.

1Korɛntea 9:24 Referans Kwoze

Filipea 3:14

i co kiltan le tiiyaa o mɛɛlulan, le ɲɛ ya co kiltan kɔɔli-o sɔlaa, sala baala Hala ke ya o Yeesu Krista nin-ndo pɛɛn.

Hebreea 12:1

Seiya balu naa sɛ́lɔ́ɔ́, lelan n viòwnún ɲɛ co naa kuunaa kɔlan-ndo a haki simbulun naa-o, mì n ɲaanun háá o kilta naalan mɛɛlulan.

Dɛnnda cɔɔmuanndan 3:11

I co hunɔɔ sunsun. Bii ɲɛ n nɔ-o kpáŋ, haliko vana cua mɔsil lemasa nɔmndo le.

Filipea 2:16

kani la nɔ sɔɛi yoomuɛi. Lelan siɛmbula biinin ya paale Krista hunnin-nden te, kani i ɲeenun ɲaanɔn fondo le, i sanga sanga fondo le.

1Korɛntea 9:26

Lelan, i co kiltan, kani i co ɲɛ pum kɔɔli, o co mɛ̀ɛ́-mɛ̀ɛ́ ka le. I co baa solio le kundɔɔ, kɛ o co le ihoei lɔɔ le.

Kalatea 5:7

Niáà kandu kiltan ɲɛkɛndɛi! Nɛ̀ɛ́ simi yɛ niaa le niaa sɔɔn toɲan kuunaa biyɔɔ?

Yeremi 12:5

Mí Mɛlɛka ɲuna aa: «Taa bumba pɛ vanaa co kiltan a n'pelua bendallo, vɛ̀ɛ́ n ɲaanun yɛnin soa kɔɔli? Te o va pɛ aa nɛɛ kɔlɲuloo co-a daama n va a kɔlkɛsiaa ni, vɛ̀ɛ́ n yɔŋ yɛnin telen n vanin o bɔɔlan bɛngu o peo Yurdɛn kɔngɔ-o?

Kalatea 2:2

Ɲɛ cɔmnun ya-o yɔngu ya kɔlan ni. Mí kɔ cɔm vanaa lebɛɛ-a pum Yoongu Kɛndɛ ya va vanaa co N'Yuifi le-a tiiyallo-o o sɔɔnsɔɔnndo nin, yɔŋii baala ya va tosaa-o, te kon te o yáà tosa nin-ndo ndóò yɔŋnun fúú.

Nsaki 1:12

Dɛnɛ kɛndɔɔ co le vana bìwnùn o tɔɔndanndo nin-ndo, kani o cii pɛ tɔɔndanndo sɔla, o sɔla mɔsil lemasa cindaa, o Mɛlɛka yiilu vanaa kaola ndu-a kpemaa-o.

Vana Kɔlkaloo 9:11

Mí dɔaw vɛlɛ dɛnndan lapum taasi o paalen bɛngu. O kiltan nin bɛɛ, vanaa hiow keleɲaa-a hiw laci lelan te. O cɔwvo nin bɛɛ, o co kuubaa le a yam cɔwvo kangalan te. Vanaa hiow kɔlkaloo-a sɔla baloo le kɔlkalu ndaa le, vanaa dɛnɛ sinaa sɔla bolofaa le dɛnɛ sinaa ndaa le, vanaa kɔlkalu bɛndu-a sɔla bɛɛlen le kɔlkalu nda bɛndoo le. Nda kpow, dɛnnda kɛndɛlan a dɛnnda vɔɔnndan la komal nda ni.

Kolɔsea 2:18

Vana-vana pɛɛku niaa tuisin fondoo te kon te mɛlɛkaa biiloo, mì la malnun ndu o ba le. Vanaa vaa lende a ca lɔma sɔlaan ɲɛ ni, mà handu man kɔltan coo. Nda koni yiyannda ivanacieeyalan la pei kuundian fondoo nin ca ni.

Condii lisai 19:5

Kɛ diomnda ndalan la co kɔlan nɛɛ-nɛɛ ka o lɛŋnden coo, sɔɔn ndan co tiiyaa o lɛŋnden mɛɛlulan dí. Hala tondu cɛi-kola-toandaa o halataala le paalen.

Osee 12:10

Ya yɛ, kabi o lɛŋnde Esipte len nin, ya co Mɛlɛka Hala niaa ni. I co vɛlɛ niaa kɛsi o cɛila-kolala-toandaalan bɛngu, maa o palɛi bɔɔŋian lakafoe coo.

Rɔmnda 6:16

La sinà maa te la yɔngun pɛ vanndo le ndu baalaa tosallo mì la bii sɔɛi ndɔɛi, mɛɛ la siŋnun cɛa vana niaa bii kon sɔɛi ndɔɛi-yo. Te sɔɛi hakio niaa bii ni, la sɔla piɔ́mndo, te sɔɛi Hala-e ni, la siŋnun vanaa sandaa.

1Korɛntea 9:13

Niaa pila sínà maa vanaa co baalaa o Cɛi-Hala-o nin-nda, o cɛi kon nin koni nda sɔla ɲɛdiaa ndaa ni. Vanaa co sálàlan solio o fonda-loamaa-lasálàá coo-a bɛɛ, o sálàla lan nin ɲɛ nda diaa fula ni.

1Korɛntea 9:23

I co kon kpow tosaa le sɔɛi Hala-e vannda tiiyallo haliko ma sɔla duaa ndɔɔ.

Filipea 3:12

Kon co dimi le maa i sɔla ɲɛ ya co kiltan kɔɔli-o, te kon te maa i tiiya kilta nilan mɛɛlulan, kɛ i co hiovɔɔ laci a kiltan, haliko mi bii ɲɛ ya co kiltan kɔɔli-o, kani ya bɛɛ, biyɔɔ Yeesu Krista bii ya ni.