1Korɛntea 9:22 - BII BILA

²² Mí siingun vana nɔ mayoomu loo vanaa yoomuma lepɛŋnda tɛɛn le nda sɔlaa. Mí cɛl dɛnnda vannda kpow haliko mi yáà kei o nɛi oo nɛi coo le vanaa pum ciindiaa.

1Korɛntea 9:22 Referans Kwoze

1Korɛntea 10:33

La tosà maa mɛɛ ya co dɛnndan tosaa le vannda kpow hɛnanndo yɛ, i co dɛnɛ kɛndɛ toofia le ya pila le, kɛ le vanaa bɔɔ-bɔɔ, haliko ma sɔla cindaa.

1Korɛntea 9:19

O va bɛɛ aa i co o ba nuu coo nuaa, i siŋnun cɛɔ le vannda kpow haliko mi sɔla vanaa bɔɔ-bɔɔ.

Rɔmnda 15:1

Naa vanaa nɔ kpaayaa o laalanndo nin-nda, o bɛnda mì n biwnun vanaa nɔ kpaaya le-a. N nuwvian o hɛnan naa pila-o kínɛí le.

Rɔmnda 11:14

I nɔ kɔlkɛsiaa maa te i dimi pɛ lende, ken co kɔl paŋalaa luei vanaa naa n co súú pilɔɔ-a nin, o kon mì vanaa pum a sɔla cindaa.

Kalatea 6:1

Puapilɛa nia, te la saalun pɛ vanndo pum dɛnɛ vɔɔndo tosaa, o bɛnda mì niaa co vanaa kɔlla-a mingi ndu o nɛi o fɛ́ɛ́-fɛ́ɛ́o nin. Kɛ niaa pila mandan dɛ, yɔŋii niaa bɛɛ sɔla tɔɔndanndo.

1Korɛntea 8:13

Lelan, te ɲɛdiaa co tosa ni mì puapilɛ nuu luɛi o pɔwlan nin, mɛɛ i di lɛ ɲɛ kon te, yɔŋii puapilɛ ni kon del.

1Korɛntea 7:16

Nɔm vanalanɔɔ laalan hoo-o, vɛ̀ɛ́ n sínà yɛnin maa a tiwnin ba mà ciindiaa pɔnɔ nɔm? Te kon te, nɔm vanapɔnɔ laalan hoo-o, vɛ̀ɛ́ n sínà yɛnin maa a ciindiaanin laa nɔm?

2Korɛntea 11:29

Te vana pum va pɛ vana nɔ mayoomu loo, ya bɛɛ i cennun vana nɔ mayoomu loo. Te vana pilɛ pɔw pɛ, i sanga taw o kɔl nuu nin.

Rɔmnda 14:1

La bii vana nɔ laalan bɔɔ loo, o va a yiyannda ndɔlan sɛɛngiaa le.

Rɔmnda 14:2

Mì vana pum ndu laalan maa o nɔla mò de ɲɛ-ɲɛ ka, kɛ mì caan celen, o nɔ laalan bɔɔ loo, ndu va lamnda lapeelan kínɛí dioo.

Rɔmnda 15:2

Vana-vana bɛnda mò kindin le caan ndɔ hɛnanndo o nɛi kɛndɔɔ coo, haliko mi vana kon hiow laci o laalanndo nin.

1Korɛntea 9:23

I co kon kpow tosaa le sɔɛi Hala-e vannda tiiyallo haliko ma sɔla duaa ndɔɔ.