1Korɛntea 9:21 - BII BILA

²¹ Le vanaa ve o tɔŋ bɛngu le-a, mí siŋnun maa vana ve o tɔŋ bɛngu loo. Kon co dimi le maa ya pila i ve o tɔŋ Hala bɛngu le, kɛ i va o tɔŋ Yeesu-o bɛngu, haliko mi yáà sɔla vanaa ve o tɔŋ bɛngu le-a ya tosa kon ni.

1Korɛntea 9:21 Referans Kwoze

Rɔmnda 2:12

Vanaa tosa hakio a siná tɔŋndo le-a kpow, nda sɔlanin yaalaa mɛɛ tɔŋndo dimi yɛ le. Kɛ vanaa síná tɔŋndo, kɛ má tosa hakio-a kialunnin iyama mɛɛ tɔŋndo dimi yɛ.

Kalatea 3:2

La mulul-lɔ ya sɔɛi ya co niaa hee ɲuna-e: Mò va maa le tɔŋnda niaa co biyɔɔ lan niaa sɔla Kɔl-Diandaa ni baa le Yoongu Kɛndɛ niaa tuei mí la laalan-ndo?

Rɔmnda 2:14

Te vanaa sínà Hala le-a, a nɔ tɔŋ te-a tosa pɛ ɲɛ tɔŋndo dimi-o, mɛɛ tɔŋndo nda co le nda pila ni, hali mà nɔ tɔŋ te.

Rɔmnda 8:4

O tosa ken, haliko mi sɔɔn tɔŋndo n peelun naa nin. O kon, o co lɛ o yeemɛi ivanacieeya nin te naa n co kelaa le, kɛ o yeemɛi Kɔl-Diandaa nin.

Rɔmnda 7:25

Balikaa co le Hala o diola Maalii naa Yeesu Krista lan! Kani i co bɛɛ o tɔŋ hakio bɛngu o dialun nun nin nuaa, kɛ i co tɔŋ Hala-o biyɔɔ o kɔl nuu nin.

Rɔmnda 7:22

Kani o kɔl nuu nin, tɔŋ Hala-o hɛnan ya bɔɔ,

Dɛnnda kiilaa 21:25

Le vanaa co yɛ N'Yuifi le-a yɛ, a siŋnun vanaa laalannda-a, n co nda sɛbɔɔ sɛval, mì n dimul nda yiyan naa maa o bɛnda mà de visin nda co sálàlan solio o máánndan nin-ndon te, a dia visin cɔlua nda ŋɔw bololan mó vu-o le, maa a mandan vɛlɛ a dɛnɛ suundaa.»

Dɛnnda kiilaa 16:4

Telen Pol nda Silas a va keiyo o kobilan nin-ndo, má va vanaa laalannda sɔɔn kiilaa a simlacia Yerusalɛm dimi-on tɛɛngullo, a va vɛlɛ nda dimullo le sɔɔn kalan biyɔɔ.

Condii lisai 119:32

I co kelaa o nɛila tɔŋ nɔmndo coo, kani a ke kɔl nuu pɛngio.

Hebreea 8:10

Kani kpema va naa tɛɛn naa cuavaa Israɛlla-o va hoo ni aa: ‹Palɛi ken hiow pɛ, i vownin tɔŋnda nilan nda nin, mì sɛva vɛlɛ lan nda o lakɔl. I vanin Hala ndaa, mì nda va vanaa nia.

Dɛnnda kiilaa 15:28

Kani Hala Kɔl-Diandaa a naa pilaa bɛnda mì n handu niaa sangala celen coo, faŋanndo o sɔɔn n co niaa mun kuee kangalan-ndon coo le:

Kalatea 6:2

La maalian o sangalan nin vellaa-velle, tɔŋ Krista-o peeloo co kon ni.