1Korɛntea 9:20 - BII BILA

²⁰ Mí i siŋnun maa Yuifinɔ le Yuifia sɔlaa. Mí yɔngun o tɔŋndo bɛngu le vanaa va o tɔŋndo bɛngu-a. Nduyɛ, i ve o tɔŋ bɛngu a kɔl ni le, kɛ le vanaa va o tɔŋndo bɛngu-a sɔlaa ya tosa kon ni.

1Korɛntea 9:20 Referans Kwoze

Dɛnnda kiilaa 16:3

Mí Pol yiyan le kɔlan nda ndu. Le tùú Yuifia va o lɛŋnde len nin-ndo, mó dii ndu tooma, kani ndáà sínà maa Krɛkinɔɔ fuɲa ndɔ yɔŋnun ni.

Kalatea 5:18

Kɛ te Kɔl-Diandaa sim pɛ niaa laci, mɛɛ la va lɛ o cɛle tɔŋndo bɛngu le.

Kalatea 4:21

Niaa yeema haa le vaa o tɔŋndo bɛngu-a, la dimul-lɔ ya hau, vɛ̀ɛ̀ la co tueyɔɔ ɲɛ tɔŋndo co dimio-o le?

Kalatea 4:5

haliko mo baŋa naa vanaa va o tɔŋndo bɛngu-a, mí n siŋnun cuavaa Hala-a, a bɛnda le kɛ́ɔ cuaa-a.

Rɔmnda 11:14

I nɔ kɔlkɛsiaa maa te i dimi pɛ lende, ken co kɔl paŋalaa luei vanaa naa n co súú pilɔɔ-a nin, o kon mì vanaa pum a sɔla cindaa.

Rɔmnda 3:19

Nduyɛ, n sinà maa sɔɔn kɛ́-kɛ̀ tɔŋndo dimi, vanaa co o tɔŋndo bɛngu-a n dimulun ni, haliko mi sondolan kpow la kumbun, o kon mì vana-vana sɔla yaalaa Hala o hɔl.

Dɛnnda kiilaa 18:18

Mí Pol tosa telen vilɛi Korɛnte ciee. O kon kɔɔli, mó faŋan vanaa laalannda, mó luɛi o dɛ̀ndɔ̀ɔ́ nin, mó kɔa Siri nda Priska a Akilas. Lɔ́ɔ́ pá mó kɔa, mó sendin, kani ciɛi ndóò cua ni.

Kalatea 2:19

Kani a ba tɔŋndo o kɔɔ, vana vílɛ́i koni ya co nin nuaa ni, haliko mi va yoomu le Hala.