1Korɛntea 9:19 - BII BILA

¹⁹ O va bɛɛ aa i co o ba nuu coo nuaa, i siŋnun cɛɔ le vannda kpow haliko mi sɔla vanaa bɔɔ-bɔɔ.

1Korɛntea 9:19 Referans Kwoze

Kalatea 5:13

Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

Matie 18:15

«Te puapilɛ nɔmndo cua pɛ hakio, kɔ ma soo o ndu lo niaa ndu ŋiɔn kpé. Te o tuei pɛ nɔm diom, mɛɛ o siŋnun vɛlɛ puapilɛ nɔmndo.

1Korɛntea 10:33

La tosà maa mɛɛ ya co dɛnndan tosaa le vannda kpow hɛnanndo yɛ, i co dɛnɛ kɛndɛ toofia le ya pila le, kɛ le vanaa bɔɔ-bɔɔ, haliko ma sɔla cindaa.

1Timote 4:16

Nɔm pila mandan a pɛɛkula n co vannda yɔngoo lan. Lo lecoo, kani taa tosa pɛ lende, nɔm pila sɔlanin cindaa, mà ciindiaa vɛlɛ vanaa co nɔm nilan yaŋɔɔ-a.

2Timote 2:10

Lelan i co dɛnndan kpow biuvɔn le dɛnɛ kɛndɛ vanaa Hala hɛli-a, haliko mi nda bɛɛ sɔla cindaa, o fula Yeesu Krista o ba-o, mà sɔla vɛlɛ biilu fɛɛn-fɛɛndo.

2Korɛntea 4:5

O co yoongu naa pila le naa n co yondaa le, kɛ yoongu Maalii Yeesu Krista-o naa n co dimio ni. Nduyɛ le Yeesu naa n co vanaa baalaa niaa ni.

Rɔmnda 15:2

Vana-vana bɛnda mò kindin le caan ndɔ hɛnanndo o nɛi kɛndɔɔ coo, haliko mi vana kon hiow laci o laalanndo nin.

1Piɛr 3:1

Niaa vanlaandua bɛɛ, vana-vana tuisin pɔnɔ ndɔ o labɛngunin, o kon hali mì a pum o nda tɛɛn a laalan sɔɛi Hala-e le, mà sɔlan le kela laandua ndaa, o ve a isɔɔ le,

1Korɛntea 9:1

Vɛ̀ɛ̀ o co o ba nuu coo le ya co le? Vɛ̀ɛ̀ o co kiilaa le ya co le? Vɛ̀ɛ̀ i ci Maalii naa Yeesu le? Vɛ̀ɛ̀ o co niaa le co tɔnɔ vali fula o baala ya tosa le Maalii naa-o nin-ndo le?

Rɔmnda 1:14

Kuee pilaa co ya, kuee vanaa sinaa dɛnɛa a o vanaa sina dɛnɛ le-a, kuee vanaa kɔlkalua a o vanaa nɔ kɔlkalu le-a.

Talelan 11:30

Dɛnnda vana sandaa la co maa yɔm yɔngu cindaa-o. Vana nɔ pɛ kɔlkaloo, o sɔla vannda.

Kalatea 5:1

Le hɔ́ɔ́yɛi Krista mingi naa hɔ́ɔ́a ni. Lelan la sim yili, la luei lɛ bollen o cɛlen nin te.

1Korɛntea 7:16

Nɔm vanalanɔɔ laalan hoo-o, vɛ̀ɛ́ n sínà yɛnin maa a tiwnin ba mà ciindiaa pɔnɔ nɔm? Te kon te, nɔm vanapɔnɔ laalan hoo-o, vɛ̀ɛ́ n sínà yɛnin maa a ciindiaanin laa nɔm?

Rɔmnda 11:14

I nɔ kɔlkɛsiaa maa te i dimi pɛ lende, ken co kɔl paŋalaa luei vanaa naa n co súú pilɔɔ-a nin, o kon mì vanaa pum a sɔla cindaa.

1Korɛntea 10:29

I co niaa hee dimul, o co le kɔlta niaalan te, kɛ le kɔl vana co niaa sɔɛi ken dimul-lo. Vɛ̀ɛ̀ mì kɔl vana celen kelu ɲɛ ya nɔ le tosaa-o iyama?

2Korɛntea 4:15

Le dɛnɛ niaa kɛndɔɔ sɔɔn mun kpow n co yɔŋnɔnndo ni. Haliko mi kɛndɛi Hala-e kui, mì vannda taw mal balikaa le Hala biiloo.

2Korɛntea 12:14

I cii nin bɛɛndian le niaa kɔlan yilɔɔ, kɔla yàándɔlan la vanin ndan ni. I venin o ba vana bɛngu le. Kani o co bolofaa niaa le ya co nuwviaa le, kɛ niaa pila. Kani, o co cuawva le a cuungiaa volion le kala-ncuawva le, kɛ kala-ncuawva a cuungiaa mun le cuavaa ndaa ni.