1Korɛntea 9:17 - BII BILA

¹⁷ Te i tiiyal pɛ vannda Yoongu kɛndɔɔ a kɔl nuu, i sɔla vɔ̀ngɔ̀ɔ́. Kɛ te i tosa pɛ kon mò ve a kɔl ni le, mɛɛ baala yɔngun ya-o daama ya co tosa kon lende ni.

1Korɛntea 9:17 Referans Kwoze

Kalatea 2:7

Kɛ nduyɛ, má ca maa Hala vem ya le vanaa co N'Yuifi le-a Yoongu kɛndɔɔ tiiyallo, maa mɛɛ o vem Piɛr o Yuifia lo yɛ.

1Korɛntea 3:8

Kpen-kpen vana tɔl-lo nda vana pɔɔlia-o co ni, Hala dɔawnin vana-vana vɔ́ngɔ̀ mɛɛ baala ndɔɔ co yɛ.

Kolɔsea 1:25

I siŋnun vana baala vanaa laalannda, maa mɛɛ vali Hala ke ya a niaa o kɔɔ-o co yɛ. O vem ya sɔɛi ndɔɛi dimio kpendekele,

1Korɛntea 4:1

Lelan mɛɛ mì la ce naa maa vanaa baalaa Krista-a a vanaa bɛnda maa cɔm sɔɔn vianaŋun Hala-on-nda.

Matie 10:41

Vana cɛl pɛ vana-tɛɛngaa-diom Hala-o le tùú o co vana-tɛɛngaa-diom Hala-o-o, ndu sɔlanin vɔ̀ngɔ̀ vana-tɛɛngaa-diom Hala-o. Vana cɛl pɛ vana sandaa le mɛɛ o co vana sandaa yɛ, ndu sɔlanin vɔ̀ngɔ̀ vana sandaa.

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

1Tesalonikea 2:4

Kɛ mɛɛ hɛnan Hala-o co yɛ naa n co sɔɛi lɔ́ɔ́-lɔ́ɔ̀ ni. Kani o handu naa kɔllo coo, mó yɔngu naa Yoongu kɛndɔɔ le niaa tiiyallo. O co hɛnan n'vanndaciee le naa n co nuwviaa le, kɛ hɛnan Hala sínà yiyannda kɔlta naalan-ndo.

1Korɛntea 3:14

Vana baŋɔɔ ndɔɔ lo pɛ o cɛi nda kila-o coo, mò simul yinnden, mɛɛ vana baŋ o cɛi-kilaa kon coo-o sɔlanin vɔ̀ngɔ̀ɔ́.

Esekiɛl 3:14

Mí Kɔl Hala heelu ya-o kɔa a ya. I va kɔlan a kɔltuwvo a sɔɛi nɛyɛi, mí ba Mɛlɛka-o toal-la coo a kpaaya bɛndoo.

Yeremi 20:9

Te i dimi pɛ aa: ‹I pel-lɛnin ndu ladio le, i suu lɛnin o diola ndɔlan te›, ɲɔɔ lom ya o kɔllo nin maa leyin. Mì kindin le biuvɔnndo, kɛ i tiwba le.

Esai 6:8

O kon, mí tuɛi diom Maalii-o, mó ɲuna aa: «Nɛ̀ɛ́-nɛ̀ ya viam yɛnin nɛ? Nɛ̀ɛ́-nɛ̀ kɔa yɛnin le naa?» Mí muli aa: «Má cè ya! Viom ya.»

Nehemi 11:2

Mí vannda dɔaw vanaa cɛl a kɔlta ndalan le calle Yerusalɛm-nda duaa.

1Dɛnnda lemasalan 29:9

Mí ɲɔɔ hɛnan vannda le ɲɛm-kéan nda yɔngu Hala a kɔlta ndalan-ndon, kani a va a ɲaaloo. Mí masaa David bɛɛ dɔawnun ɲaale taw-taw.

1Dɛnnda lemasalan 29:5

O niaa tɛɛn, ɔ́ɔ̀ vana yɔngun niko ndu pila hau-vo? Vana kon soli niko sianion a volion le Mɛlɛka, haliko mi valta co le vanaa baalaa lan kpow la tosan, mì vanaa baalaa labaa a cɔw ɲɛla bɛnda le cɔwnɔnndo a sianion-ndan a ɲɛla bɛnda le cɔwnɔnndo a volion-ndan».

Filemɔn 1:14

Kɛ i yeema mì tosa ɲɛ-ɲɛ le, taa cɛl te, yɔŋii dɛnɛ kɛndɛ n co tosaa-o va maa baŋɔɔ nda baŋ nɔm le ndu tosaa, kɛ mò va a kɔl nɔmndo.

2Korɛntea 8:12

Kani te vanndo nɔ pɛ yeemɛi le yɔngoo, Hala cɛl mɛɛ sɔla vana kon co yɛ, kɛ o ve mɛɛ sɔla ndɔ co le yɛ le.

1Korɛntea 9:16

Nduyɛ, vannda Yoongu Kɛndɔɔ tiiyallo, kon co dɛnɛ kuundian le ya le, kani lelan ya sɔla veeloo ni. Dɛnɛ palaa co le ya, te i tiiyal vannda Yoongu kɛndɔɔ le.

Luke 12:42

Mí Maalii mulul ndu aa: «Ɔ́ɔ̀ niko vana baala kɔlkalu lò kon o diomnden coo-o? Ndu co ò vana ndɔ bɛndoo dimulnin le hɔlla landɔɔ cɛi ndɔɔ coo a le vanaa baalaa tɔ̀a ɲɛdiaa yɔngoo a telen bɛnda-o-o ni.

Matie 24:25

I cii niaa ndi dimul ei!

Malasi 1:10

Lelan, o co fisa mì vana pilɛ o niaa tɛɛn kɔ kiindiaa diola Cɛi-Hala-o. O kon, la kue lɛnin yinnden kiisuu o fonda-loamaa-lasálà nuu coo fondo fúú le. Ɲɛ-ɲɛ hɛnan ya le niaa cɔu le sálàla niaa co ya solullo lan la co ya hɛnan te. Ya Mɛlɛka-Nɔ-Kpaayaa-Kpow-vo dimi lende ni.

Yonas 1:3

Kɛ, mí Yonas can le ɲaanɔnndo Tarsis, le Mɛlɛka vionɔnndo. Mó tuusu Yopé, mó kɔ saalun dɛ̀ndɛ̀ bɛndoo pum, ó va kɔlan Tarsis-o. Mó sala volion le fondaa sɔlaa, mó luɛi vanaa va lon-nda tɛɛn le kɔnndan Tarsis, Mɛlɛka levil polon.

1Dɛnnda lemasalan 29:14

Kani yɛɛ ya David co yɛ, yɛɛ vanaa nia a co yɛ le nɔm ɲɛm-kéan yɔngoo a kɔlta naalan nuaa? Nɔm o ba ɲɔɔn kpow n fula ni, ɲɛm mun koni naa n co nɔm vɛlɛ yɔngoo ni.

Nsaŋ 4:36

Vana koavaa co nin bɛɛ salaa sɔlaa, mo va kullon cuungiaa le cinda fɛɛn-fɛɛndo, haliko mi vana saŋaa nda vana koavaa dɔwnun ɲaale latulu.

1Korɛntea 9:18

Yɛɛ co yɛ niko sala nuu? Ndu co ɲɔɔ ya hɛnando le vannda Yoongu kɛndɔɔ tiiyallo fondo fúú ni, i nɔ mì ɲuna o yɔngun ya-o le diom kon dimio le.