1Korɛntea 9:16 - BII BILA

¹⁶ Nduyɛ, vannda Yoongu Kɛndɔɔ tiiyallo, kon co dɛnɛ kuundian le ya le, kani lelan ya sɔla veeloo ni. Dɛnɛ palaa co le ya, te i tiiyal vannda Yoongu kɛndɔɔ le.

1Korɛntea 9:16 Referans Kwoze

Rɔmnda 1:14

Kuee pilaa co ya, kuee vanaa sinaa dɛnɛa a o vanaa sina dɛnɛ le-a, kuee vanaa kɔlkalua a o vanaa nɔ kɔlkalu le-a.

Kolɔsea 4:17

La dimul Arsipe le hɔlla landɔɔ o vali o sɔla Maalii o ba-o coo, o tosá ndu ɲɛkɛndɛi.

Yeremi 20:9

Te i dimi pɛ aa: ‹I pel-lɛnin ndu ladio le, i suu lɛnin o diola ndɔlan te›, ɲɔɔ lom ya o kɔllo nin maa leyin. Mì kindin le biuvɔnndo, kɛ i tiwba le.

Luke 9:62

Mí Yeesu mulul ndu aa: «Vana-vana kandu pɛ váà, mò tofan kɔɔli, ndu niŋ o Masale Hala len nin te.»

Dɛnnda kiilaa 4:20

Naa naa, n kɛɛnin ɲɛ naa n tuei mí n ca-o dimi le.»

Amɔs 3:8

Yàlàá co pɛɛliaa, nɛ̀ɛ́-nɛ̀ kɛɛ yɛnin siòònde yɔŋ? Maalii Hala co sɔɛi, nɛ̀ɛ́-nɛ̀ kɛɛ yɛnin sɔɛi Hala-e tɛɛnguu?›

Rɔmnda 15:17

Lelan i nɔla mì sangalan o Yeesu Krista nin le baala Hala-o.

Dɛnnda kiilaa 9:15

Kɛ mí Mɛlɛka dimul Ananias aa: «Kɔ! I cii langbanɔ kon hɛli, i keinin a ndu o kɔɔ, mì cɔm vanaa-mangalaa-isɔɔa a masaa ndaa diola nilan, kɔ bii niko vanaa nia, Israɛlla pɛɛn.

Dɛnnda kiilaa 9:6

Kɛ cɔn mà kɔɛ ciee. A kɔ dimulnin nɔm ɲɛ n bɛnda ma tosa-o.»

Rɔmnda 4:2

Te ndóò va pɛ maa le dɛnndan Hala ndóò ce Abraham vana sandaa ni, mɛɛ ndóò nɔla mì ndóò kuundian. Kɛ o nɔla kuundianndo Hala o hɔl te.

Amɔs 7:15

Kɛ o cɔlua kan mandaa nin Mɛlɛka cua ya ni, mó dimul-la aa: «Kɔ ma tɛɛngul vanaa nia, a co Israɛlla-a sɔɔn nun.»

Esai 6:5

O kon, mí dimi aa: «Kpòkóó, i kɔndu dɛnɛ fɔ́! Mbɔ̀ ya i laasian! Kani vanaciee cɔcɔn co n nɔɔlɛiyon-ndo ya co ni, vanaa ya co icali tɛɛn-nda bɛɛ cɔcɔn ndan co n nɔɔlɛiyon. Nduyɛ i ce Masaa a lehɔl cikin, Mɛlɛka-Nɔ-Kpaayaa-Kpow-vo pɛɛn!»

Yeremi 20:7

Mɛlɛka, a pala ya, mí cɛl le nɔm malnɔnndo o ba, má bii ya a paa-kala, má hiaw ya kpaayaa. Lɔ́ɔ́-lɔ́ɔ̀ vannda co ya mamɔɔ, nda kpow a co ya mamɔɔ.

Yeremi 1:17

Lelan nɔm Yeremi, yiinun yáwlen kpeekpei, mà tɛɛngul nda ɲɛ-ɲɛ ya dimulnin nɔm. Ɲiiya nda o hɔl te, yɔŋii ya tosa mà ɲiiya niko nda o hɔl kpeekpei.

1Samiɛl 12:23

Le ya yɛ, sɔɛi vɔɔŋii bɛnduei o co le hakio cuaa a Mɛlɛka ni, te i pɛngi pɛ piɛilen le niaa. I vanin vɛlɛ niaa nɛi kɛndɔɔ a nɛi sandaa cɔmndo.

1Korɛntea 4:15

Kani hali la nɔ bɛɛ vannda vaalan tɔ́ le niaa nɛila Krista lan cɔmndo, fuɲaa ndu pilɛ kpé niaa nɔ o Yeesu Krista nin ni, ya siŋnun fuɲa kon ni, le cuu ya cuu niaa yoongu kɛndɔɔ-o.

1Korɛntea 9:12

Te vanaa pum a nɔ pɛ di kon le ɲɛm mun sɔlaa niaa o n'dial, baa naa yɛ? Vɛ̀ɛ̀ n nɔ dí mì n sɔla mun hiovɔɔ o kon coo le? Kɛ n co di kon tofa le. N co dɛnndan kpow biuvɔn yɔŋii naa mingi sɔɛi Yeesu-e a makɔɔ.

1Korɛntea 9:14

Lende koni Maalii dimi ni, maa vanaa co vannda Yoongu kɛndɔɔ tiiyallo-a, balo ndaa bɛnda mò fula o Yoongu kɛndɔɔ nin.

2Korɛntea 2:12

Lɔ́ɔ́ ya tiiya Troas le vannda Yoongu kɛndɛ Krista-o tiiyallo-o, mí Maalii kumbil-la dioo vakpa le baalaa tosaa.

Matie 25:16

Fɔ́ɔ́fɔ̀, mí vana sɔla sianin n'kpungban kɛmɛ leŋuɛɛnu-o kɔa, mó kɔ tosa yulalen a mun, mó sɔla tɔnɔɔ sianin n'kpungban kɛmɛ leŋuɛɛnu lecoo.