1Korɛntea 9:15 - BII BILA

¹⁵ Kɛ ya ya, i tosa sɔɔn mun ikɛ́-kɛ̀ le, o co mì ɲɛm mun yɔngun ya le ya co sɛvaa ho le. Kani o co fisa mì vi, a lou ɲaaloo dɔwnɔnndo o kuundian kon nin.

1Korɛntea 9:15 Referans Kwoze

1Tesalonikea 2:9

Puapilɛa naa, la yiyan ndɔ mɛɛ naa n tosa baalaa mí n sanga taw yɛ: n va vallo idii a icɔl telen naa n va niaa Yoongu kɛndɛ fula Hala o ba-o tiiyallo-o yɔŋii naa n va o ba pila bɛngu.

2Tesalonikea 3:8

Vana-vana dow naa balo fúú le, kɛ mí n fafala o baalaa nin, mí n sanga taw. N va baalaa idii a icɔl yɔŋii náà n va o ba vana bɛngu niaa tɛɛn.

1Korɛntea 9:12

Te vanaa pum a nɔ pɛ di kon le ɲɛm mun sɔlaa niaa o n'dial, baa naa yɛ? Vɛ̀ɛ̀ n nɔ dí mì n sɔla mun hiovɔɔ o kon coo le? Kɛ n co di kon tofa le. N co dɛnndan kpow biuvɔn yɔŋii naa mingi sɔɛi Yeesu-e a makɔɔ.

Dɛnnda kiilaa 20:34

Niaa pila sinà maa ya pila va baalaa tosaa le o ya nɔ makoo-o sɔlaa ni, a le makola vanaa va ya kɔɔli-a nɛŋio.

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

Dɛnnda kiilaa 18:3

Le tùú nda va baala pilɔɔ tosaa-o, cɛila-kolala-toandaalan ndáà toosiaa ni, mó kɔ luɛi o yiya o nda lo, má va baalaa latulu.

1Korɛntea 4:12

N co lalle kiolɔɔ o baalaa nin. A co naa yeowlan, mì n va duaa dɔvɔɔ. A co naa yɛlen tollo, mì n va biwnɔnndo.

Dɛnnda kiilaa 8:3

Kɛ Sol ndu, ndóò yeema mì ndóò puusiaa vanaa Krista-aa. Mó va keiyo cɛilan nin vanaa laalannda biwvo, vanpiaandua a vanlaandua, mó va nda malɔɔ o kaasoo.

Matie 18:6

«Kɛ vana yɔŋnun pɛ sabu le cuaambɔ laalan ya-o lueiyo o pɔwlan nin, o co fisa le vana kon, mà baa ndu pow bɛndoo o labolo, mà viow ndu o mɛmma ihɛllan bɛngu di.

Dɛnnda kiilaa 20:33

I fula ɲɛ pila lehɔl te, o va n'voli, te kon te a n'siani, te kon te vɛlɛ a volɔɔ-cuɛinan.

1Korɛntea 9:18

Yɛɛ co yɛ niko sala nuu? Ndu co ɲɔɔ ya hɛnando le vannda Yoongu kɛndɔɔ tiiyallo fondo fúú ni, i nɔ mì ɲuna o yɔngun ya-o le diom kon dimio le.