1Korɛntea 9:14 - BII BILA

¹⁴ Lende koni Maalii dimi ni, maa vanaa co vannda Yoongu kɛndɔɔ tiiyallo-a, balo ndaa bɛnda mò fula o Yoongu kɛndɔɔ nin.

1Korɛntea 9:14 Referans Kwoze

Matie 10:10

la cua bɔlɔ kelaa le, la cua domala bɛndula tiɔn te, la cua lasamta le, la cua lesion te, kani vana baalaa bɛnda mò sɔla balo ndɔɔ.

Kalatea 6:6

Vana nda co Sɔɛi Hala-e pɛɛkoo-o bɛnda mò piɔw ɲɛm ndɔn nda vana co ndu pɛɛkoo-o.

1Korɛntea 9:4

Vɛ̀ɛ̀ i nɔ dí mì sɔla baloo, mì kol te?

Luke 10:7

La lo o cɛi nda yiya niaa kon-ndo nin, mì la de, mì la kol ɲɛ nda kenin niaa-o, kani vana baalaa nɔ dí mò sɔla sala ndɔɔ. La balu cɛilan nin te.

Luke 10:8

Te la tiiya pɛ o kobio pum nin, mì vanaa co lon-nda bii niaa, la dio ɲɛdiaa nda kenin niaa-o.

Dɛnnda kiilaa 18:3

Le tùú nda va baala pilɔɔ tosaa-o, cɛila-kolala-toandaalan ndáà toosiaa ni, mó kɔ luɛi o yiya o nda lo, má va baalaa latulu.

1Korɛntea 4:15

Kani hali la nɔ bɛɛ vannda vaalan tɔ́ le niaa nɛila Krista lan cɔmndo, fuɲaa ndu pilɛ kpé niaa nɔ o Yeesu Krista nin ni, ya siŋnun fuɲa kon ni, le cuu ya cuu niaa yoongu kɛndɔɔ-o.

1Korɛntea 9:11

Te n saŋ pɛ sɔɔn kɔl-lon niaa nin, vɛ̀ɛ̀ dɛnɛ vɔɔndo o co mì n sɔla tɔnɔɔ niaa nin ni?

1Korɛntea 9:12

Te vanaa pum a nɔ pɛ di kon le ɲɛm mun sɔlaa niaa o n'dial, baa naa yɛ? Vɛ̀ɛ̀ n nɔ dí mì n sɔla mun hiovɔɔ o kon coo le? Kɛ n co di kon tofa le. N co dɛnndan kpow biuvɔn yɔŋii naa mingi sɔɛi Yeesu-e a makɔɔ.

1Korɛntea 9:16

Nduyɛ, vannda Yoongu Kɛndɔɔ tiiyallo, kon co dɛnɛ kuundian le ya le, kani lelan ya sɔla veeloo ni. Dɛnɛ palaa co le ya, te i tiiyal vannda Yoongu kɛndɔɔ le.

2Korɛntea 2:12

Lɔ́ɔ́ ya tiiya Troas le vannda Yoongu kɛndɛ Krista-o tiiyallo-o, mí Maalii kumbil-la dioo vakpa le baalaa tosaa.

1Tesalonikea 1:5

kani o co a sondo daama le naa n tiiyal niaa Yoongu kɛndɔɔ le, kɛ a kpaayaa a á mala Hala Kɔl-Diandaa mala naa-o. Nduyɛ, la sínà mɛɛ naa n va niaa kelaa tɛɛn le dɛnɛ kɛndɛ niaa yɛ.