1Korɛntea 9:13 - BII BILA

¹³ Niaa pila sínà maa vanaa co baalaa o Cɛi-Hala-o nin-nda, o cɛi kon nin koni nda sɔla ɲɛdiaa ndaa ni. Vanaa co sálàlan solio o fonda-loamaa-lasálàá coo-a bɛɛ, o sálàla lan nin ɲɛ nda diaa fula ni.

1Korɛntea 9:13 Referans Kwoze

1Korɛntea 10:18

La yiyan ndɔ a Israɛlla o kɔɔ, mɛɛ nda tosa yɛ. Vɛ̀ɛ̀ o co vanaa pilɛa le vanaa de visin lasálàn-nda yɔŋnun a fonda-loamaa-lasálàá le?

1Samiɛl 2:28

A sina maa o yungula yɛ́-yɛ́la Israɛlla tɛɛn kpow, fuɲa nɔm imamaa Aarɔn yáà hɛli ni, mó va vana-solia-lasálà nuu, haliko mi ndóò va sálàlan solio o fonda-loamaa-lasálà nuu coo le ansan lomɔɔ a le ya ɲunaa o sɔɔn nin. Nda poaa ndɔa yáà ke vɛlɛ ɲɛm Israɛlla va sálàlan solio-on n'pum ni.

Tɔŋ miingua 10:9

Le sabu kon, polale Levii len le sɔla kɛ́ lelɛŋ maa puapilɛa ndaa tɔ̀a le. Mɛlɛka Hala niaa co kɛ́ ndaa ni, maa mɛɛ ndu pila yiilu nda kpemaa yɛ.

Tɔŋ lasálàá 7:31

O kon, vana-solia-lasálàá lom cuɛima man o fonda-loamaa-lasálàá coo. Kɛ Aarɔn nda poaa ndɔa nɔnin kɔŋɔ kon ni.

Tɔŋ lasálàá 21:22

O tiwba mò de ɲɛm solin sálà le ya Mɛlɛka-on, o va ɲɛm dian diandaa-diandan, o va ɲɛm dian diandan.

Kundalan 18:31

Fonda oo fonda niaa yeema pɛ, la de ndu lon a yungula niaalan, kani sálà niaa co kon le vali niaa co tosaa o cɛi-kola-toandaa-labɔɔŋian nin-ndo ni.

Rɔmnda 6:16

La sinà maa te la yɔngun pɛ vanndo le ndu baalaa tosallo mì la bii sɔɛi ndɔɛi, mɛɛ la siŋnun cɛa vana niaa bii kon sɔɛi ndɔɛi-yo. Te sɔɛi hakio niaa bii ni, la sɔla piɔ́mndo, te sɔɛi Hala-e ni, la siŋnun vanaa sandaa.

1Korɛntea 9:24

La sínà maa vanaa ɲaanun-nda kpow a ɲaanun o falle nin ni, kɛ vana pilɛ kpé sɔla salaa ni? La ɲaanun lende, mì la sɔla salaa.

Tɔŋ lasálàá 22:7

Te paalen le del pɛ, o muungu o siŋnun vana diandaa. O nɔla niko mò de vɛlɛ ɲɛm dian diandan nda soli mún sálàlan-ndon. Kani ɲɛ ndɔ diaa co kon ni.