1Korɛntea 9:12 - BII BILA

¹² Te vanaa pum a nɔ pɛ di kon le ɲɛm mun sɔlaa niaa o n'dial, baa naa yɛ? Vɛ̀ɛ̀ n nɔ dí mì n sɔla mun hiovɔɔ o kon coo le? Kɛ n co di kon tofa le. N co dɛnndan kpow biuvɔn yɔŋii naa mingi sɔɛi Yeesu-e a makɔɔ.

1Korɛntea 9:12 Referans Kwoze

2Korɛntea 11:12

O ya co tosaa-o, i hiawnin laci a ndu tosaa haliko mi tɛɛmbuu yonga vanaa co yiyanndo maa a co baalaa tosaa maa naa-a.

1Korɛntea 9:18

Yɛɛ co yɛ niko sala nuu? Ndu co ɲɔɔ ya hɛnando le vannda Yoongu kɛndɔɔ tiiyallo fondo fúú ni, i nɔ mì ɲuna o yɔngun ya-o le diom kon dimio le.

1Korɛntea 9:15

Kɛ ya ya, i tosa sɔɔn mun ikɛ́-kɛ̀ le, o co mì ɲɛm mun yɔngun ya le ya co sɛvaa ho le. Kani o co fisa mì vi, a lou ɲaaloo dɔwnɔnndo o kuundian kon nin.

1Korɛntea 9:2

Hali mì vanaa celen a ci ya maa kiila le, kɛ le niaa niaa, kiilaa ya co ni. Kani niaa co tɔɔmasele kiilale nilen o Maalii nin ni.

2Korɛntea 11:20

Vannda co niaa cɔu maa n'cɛ, a co tɔnɔ niaa dioo, a co niaa ɲɔɔn poondia o laba, a co niaa kuundianndo coo, mà va niaa hɔlla lɔɔ, mì co kon cɛlɔɔ.

2Korɛntea 6:3

N yeema mì vali naa tambu labɛɛ le, lelan, ɲɛ-ɲɛ tosa mò luei vanndo o pɔwlan nin, n tosan kon te.

1Korɛntea 6:7

Kɔɔsɔla co lan niaa vanaa laalannda tɛɛn-ndan la cɔm ni maa la cuu delɔɔ. Te caan nɔm tosal nɔm pɛ sandii lepɛŋnde, le yɛɛ nɛ mà kɛɛ biuvɔn lende? Te o ciimbuu nɔm pɛ, le yɛɛ nɛ mà kɛɛ malɔɔ lende?

Rɔmnda 15:22

Ken i va ya kuunaa telennda bɔɔ-bɔɔ le kɔlan o niaa lo ni.

Dɛnnda kiilaa 18:3

Le tùú nda va baala pilɔɔ tosaa-o, cɛila-kolala-toandaalan ndáà toosiaa ni, mó kɔ luɛi o yiya o nda lo, má va baalaa latulu.

Luke 11:52

Dɛnɛ palaa co le niaa, niaa sina tɔŋndo taw-va. Kani la soli kíì co le luɛyɔɔ o dio kɔlkaloo-e. Niaa pila luei le, mí la kuuna vɛlɛ vanáà yeema le luɛyɔɔ-a luɛyɔɔ.»

Nehemi 4:8

Yáà ciiyo sɔɔn mun mɛɛdianndo kpow, mí dimul vanaa bɛndua, vanaa kialaa n'yamaa a vanaa tɔ̀a kpow aa: ‹Siòòŋii bii niaa a nda le! La loonun maa Mɛlɛka co o bɔɔ, ndu co kpúlúnkùmaa ni. La cɔlɔba le puapilɛa niaa, le poaa niaa, le cuavaa niaa laandua, le laandaa niaa a le cɛila niaalan.›

O Kandɔɔ 24:56

Kɛ mó ɲɔɔlu nda aa: «Mbɔ̀ la mingi lɛ ya kɔɔli le, yandi. Kani Mɛlɛka pila cii sɔɛi toosiaa mí kela nuu yeela. La mal-la n'pelu cɔ́-cɔ́ mì muungu vana ni bɛndoo o ibuŋ.»

1Korɛntea 9:14

Lende koni Maalii dimi ni, maa vanaa co vannda Yoongu kɛndɔɔ tiiyallo-a, balo ndaa bɛnda mò fula o Yoongu kɛndɔɔ nin.

1Korɛntea 9:16

Nduyɛ, vannda Yoongu Kɛndɔɔ tiiyallo, kon co dɛnɛ kuundian le ya le, kani lelan ya sɔla veeloo ni. Dɛnɛ palaa co le ya, te i tiiyal vannda Yoongu kɛndɔɔ le.

1Korɛntea 13:7

Dɛnndan kpow kaolaa mal haki ni, mò laalan ndan kpow, mò tiindan ndan kpow, mò yulu kpow.

2Korɛntea 2:12

Lɔ́ɔ́ ya tiiya Troas le vannda Yoongu kɛndɛ Krista-o tiiyallo-o, mí Maalii kumbil-la dioo vakpa le baalaa tosaa.