1Korɛntea 8:9 - BII BILA

⁹ Kɛ nduyɛ, la caa taw, yɔŋii hɔ́ɔ́yɛi niɛi niaa co dɛnndan tosaa-e i luei vanaa nɔ mayoomu o laalanndo nin te-a o pɔwlan nin.

1Korɛntea 8:9 Referans Kwoze

Kalatea 5:13

Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

1Piɛr 2:16

La kela maa vanaa co o ba nda coo-a, kɛ nduyɛ, la siinguu hɔ́ɔ́yɛi niɛi kunga viannanndo le dɛnɛ vɔɔndo vionɔɔ le, kɛ la tosa dɛnndan maa vanaa baalaa Hala.

2Piɛr 2:19

A co nda dimullo maa a kenin nda hɔ́ɔ́yɛi, nduyɛ nda pila co o cɛlen nin dɛnnda tɛɛmbuu vana lan o ba, kani vana-vana co o biyaa o cɛlen nin ɲɛ o nɔla hiɔlɔnndo loo o ba.

1Korɛntea 10:24

Vana-vana nuwviaa dɛnɛ kɛndɔɔ le ndu pila daama le, kɛ o nuwviaa dɛnɛ kɛndɛ caanda.

1Korɛntea 10:32

La tosa ɲɛ-ɲɛ mì la luei vanaa co N'Yuifi le-a, te kon te Yuifia, te kon te vɛlɛ vanaa laalan Hala-a o pɔwlan nin te.

1Korɛntea 9:22

Mí siingun vana nɔ mayoomu loo vanaa yoomuma lepɛŋnda tɛɛn le nda sɔlaa. Mí cɛl dɛnnda vannda kpow haliko mi yáà kei o nɛi oo nɛi coo le vanaa pum ciindiaa.

1Korɛntea 8:12

Te la pɛɛku pɛ puapilɛa niaa lende, mì la tɛɛmbuu nda kɔltan, mɛɛ la cua hakio a Yeesu Krista pila.

1Korɛntea 8:10

Kani te vana nɔ mayoomu o laalanndo nin too ce nɔm pɛ, nɔm vana sina-o, ma va vision sɔmndo o máándo nin, vɛ̀ɛ̀ o sɔla yoomuan mò de visin nda co sálàlan solio-on te?

Dɛnnda cɔɔmuanndan 2:14

Kɛ nduyɛ, i nɔ ɲɛ pum o kɔl a nɔm: A nɔ vɔ vannda pum, a co a yiinannda a pɛɛku Balaam-ndo-a. Ndu pɛɛku Balak ni maa o tosà o nɛi oo nɛi coo mì cuavaa Israɛlla mal nɛiyo, mà de visin nda solul piɔmnda sálàá-on, mà tosa dɛnnda laasiɛilan.

2Korɛntea 11:21

Siɛmbulan la co ya le hee dimio ni, n yɔŋnun bɔɔ vanaa yoomuma lepɛŋ. Nduyɛ, te vana tɔɔndan pɛ le vana pila kuundianndo, mɛɛ ya bɛɛ i co tɔɔndan. A diɔmii nii ya co hee dimio ni.

1Korɛntea 10:29

I co niaa hee dimul, o co le kɔlta niaalan te, kɛ le kɔl vana co niaa sɔɛi ken dimul-lo. Vɛ̀ɛ̀ mì kɔl vana celen kelu ɲɛ ya nɔ le tosaa-o iyama?

Rɔmnda 15:1

Naa vanaa nɔ kpaayaa o laalanndo nin-nda, o bɛnda mì n biwnun vanaa nɔ kpaaya le-a. N nuwvian o hɛnan naa pila-o kínɛí le.

Esekiɛl 14:3

«Po vanacieo sei, vannda ha nɔ vɔ yiyan piɔmaa ndaa o lakɔl, a co vɔ hɔlla mulio sakpo o ɲɛ mál nda o hakio nin-ndo coo. Vɛ̀ɛ̀ mì cɛl mì haa piɛi ya?

Esai 57:14

Mɛlɛka dimi aa: «La siɔ̀ɔ́ nɛiyo, la fɛɛya ndu, la toosiaa nɛiyo, la faaŋiaa ɲɛla kuuna vana hivɔɔ lan kpow o nɛi vanaa niaa coo!

Esai 35:3

Lelan, la luei bala sanga lan yoomuan, la mala vula co ɲiiyaa lan mì la simul.

Tɔŋ lasálàá 19:14

La yéow vana nila baŋulɛiyo le, la hándù vana sumɛiyo ɲɛ laci mò kei boŋ ndon te. Kɛ la cɔm o kelala niaalan nin maa la nɔ bɛɛle nilen. Kani ya co Mɛlɛka ni, Hala niaa pɛɛn.

Matie 18:10

La mandan le cuaambɔa pɔmbɔa vaa nuaa o pilɛ pɛɛsaa. Kani i co niaa dimul, mɛlɛkaa ndaa co Fuɲa ni co o halataala-o hɔlla tofaa o halataala tuŋ-tuŋ.

Esekiɛl 44:12

Kani lende nda va vanaa kan baalaa tosallo o piɔmaa ndaa sooloo nin ni, nda yɔŋnun vanaa luei cuavaa Israɛlla o hakio nin-nda ni, lelan yɔŋ vɔɔn ndaa toalnin nda coo. Ya Mɛlɛka dimi lende ni, mí heelu ba nuu coocoo mí mɛnalan nda po!

1Korɛntea 10:28

Kɛ te vanndo dimul niaa pɛ maa ɲɛm sálàn co mun ni, la dia lɛ ɲɛm mun te, le vana dimul niaa kon-ndo, yɔŋii kon pala vɛlɛ kɔlta niaalan.

2Korɛntea 6:3

N yeema mì vali naa tambu labɛɛ le, lelan, ɲɛ-ɲɛ tosa mò luei vanndo o pɔwlan nin, n tosan kon te.

2Korɛntea 11:29

Te vana pum va pɛ vana nɔ mayoomu loo, ya bɛɛ i cennun vana nɔ mayoomu loo. Te vana pilɛ pɔw pɛ, i sanga taw o kɔl nuu nin.

Kolɔsea 2:8

La caa, yɔŋii vannda bii niaa a sɔɔn caan mà hui niaa a sɔɔn fondon. O naamula vanndacieea nin kon fulà ni, a ɲinaa vɔɔnda co o ceendo coo-a o ba, o co Krista o ba le.