1Korɛntea 8:13 - BII BILA

¹³ Lelan, te ɲɛdiaa co tosa ni mì puapilɛ nuu luɛi o pɔwlan nin, mɛɛ i di lɛ ɲɛ kon te, yɔŋii puapilɛ ni kon del.

1Korɛntea 8:13 Referans Kwoze

Rɔmnda 14:21

O naŋ-ndo co ni, vana dia n'visi le, vana kol mamɔi le, vana tosa ɲɛ-ɲɛ luei puapilɛ nɔmndo o pɔwlan nin-ndo le.

2Korɛntea 11:29

Te vana pum va pɛ vana nɔ mayoomu loo, ya bɛɛ i cennun vana nɔ mayoomu loo. Te vana pilɛ pɔw pɛ, i sanga taw o kɔl nuu nin.

2Korɛntea 6:3

N yeema mì vali naa tambu labɛɛ le, lelan, ɲɛ-ɲɛ tosa mò luei vanndo o pɔwlan nin, n tosan kon te.

1Korɛntea 13:5

o tosa dɛnnda lasiɛmbu lan te, o toofia tɔnɔ ndɔ ndu pila le, o fula kɔl te, o tuunun dɛnɛ vɔɔn o kɔl te,

1Korɛntea 6:12

La co dimio aa: «I nɔ dí mì tosa dɛnndan kpow.» I co toɲa, kɛ o co dɛnndan kpow le la mala vana le. I dimul-lɔ niaa: «I nɔ dí mì tosa dɛnndan kpow, kɛ i cɛl mì yeemɛi kɛ́-kɛ̀ i siinguu ya cɛ le.»

1Korɛntea 10:33

La tosà maa mɛɛ ya co dɛnndan tosaa le vannda kpow hɛnanndo yɛ, i co dɛnɛ kɛndɛ toofia le ya pila le, kɛ le vanaa bɔɔ-bɔɔ, haliko ma sɔla cindaa.

1Korɛntea 9:12

Te vanaa pum a nɔ pɛ di kon le ɲɛm mun sɔlaa niaa o n'dial, baa naa yɛ? Vɛ̀ɛ̀ n nɔ dí mì n sɔla mun hiovɔɔ o kon coo le? Kɛ n co di kon tofa le. N co dɛnndan kpow biuvɔn yɔŋii naa mingi sɔɛi Yeesu-e a makɔɔ.

Matie 17:27

Kɛ yɔŋii naa n tɛɛmbuu nda kɔltan, kɔ o dalaa nin, mà kɔ landu dolinnde, suw tase n cuanin-ndo, a kumbi ndu sondoo, a soli volii n saalunnin ndu o sondo-e, a hun yɔngu le naa ŋiɔn.»

Dɛnnda kiilaa 15:20

Kɛ n sɛvɛlan nda sɛbɔɔ, mì n dimulun nda maa a dia ɲɛm vannda co halaa fondoa sálàlan solullo-on te, a suunda le, a dia visin visi nda kundikundi mì koovan ma lo ndu nin-ndo le, a dia vɛlɛ koovan te.

Rɔmnda 14:13

Lelan n pɛngin yaman kiolɔɔ naa pila tɛɛn. La kindin, kɛ la hendul lɛ puapilɛa niaa pow boŋaa, te kon te ɲɛ luei nda o pɔwlan nin-ndo laci le.

1Korɛntea 10:32

La tosa ɲɛ-ɲɛ mì la luei vanaa co N'Yuifi le-a, te kon te Yuifia, te kon te vɛlɛ vanaa laalan Hala-a o pɔwlan nin te.