1Korɛntea 7:25 - BII BILA

²⁵ Le felengia sínà vɔ dɛnɛ vanapɔnɔ le-a yɛ, Maalii dimul-la isɔɔ a nda o kɔɔ le, kɛ yiyan nuu ya co dimi ni, ya Mɛlɛka ce ho ɲia mó siinguu ya vana o nɔla mò tiindan-ndo-o pɛɛn.

1Korɛntea 7:25 Referans Kwoze

1Korɛntea 7:6

Ɲɛ niaa bɛnda le tosaa-o ya co dimio ho ni, kɛ o co kangalan te.

1Korɛntea 4:2

Nduyɛ vana yɔngu ɲɔɔ le mandaa-o bɛnda mò va vana lo o lediom coo-o.

1Korɛntea 7:40

Nduyɛ, o vannun pɛ lende, mò cue lɛ pɔnɔ celen te, lende o hiaw vaa a kɔlkɛndɛ. Ɲɛ ya yiyanndo co kon ni. Nduyɛ i nɔ kɔl maa ya bɛɛ Kɔl Mɛlɛka-o co ya kɔɔli.

1Korɛntea 7:12

Le niaa vanaa tɔ̀a yɛ, ɲɛ ya co niaa dimul-lo co hoo ni (o co Maalii le dimi le). Te vana laalanndo nɔ pɛ lanɔɔ, mì laa ndɔ kon ve vana laalan te, kɛ nduyɛ mò cɛl le loo pɔnɔ ndɔ o ba, pɔnɔ kon bɛnda mò kɛɛ ndu le.

2Korɛntea 11:17

Ɲɛ ya co hoo dimio-o, o co Mɛlɛka le vem ya ndu dimi le, kɛ o diɔmii nii nin ya co kuundianndo nuaa ni.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

1Korɛntea 15:10

Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.

1Korɛntea 7:34

O kon o siŋnun dɔ́ɔ́ vana nɔ valtan kundalan tan tiɔn le tosaa-o. Lende vɛlɛ koni, vanalanɔ co o nɔ loo, te kon te cua laandu sínà vɔ dɛnɛ vanapɔnɔ loo, ndu co buulanndo le dɛnnda Maalii lan, haliko mi dialun ndɔn a kɔl ndɔɔ dendu Mɛlɛka o hɔl. Kɛ o co o nɔu-vo ndu co buulanndo le dɛnnda ceenndan, le mɛɛ o kindin mò nɛŋi pɔnɔ ndɔ kɔl-lɛ.

1Korɛntea 7:28

Kɛ taa yil pɛ vanalanɔɔ o nɔ̀u nin, a tosa haki le. Kɛ vanaa cɛlan pɛ le nɔu, sangala co o ceendo coo lan taw la komal nda ni. Nduyɛ, i hɛnan mì la sɔla sangala lan te.

1Korɛntea 7:10

Le vanaa connun nin o nɔ̀u nin-nda yɛ, o ya co niaa dimul-lo co hoo ni (nduyɛ o co ya le o co fula o sondo le, kɛ Mɛlɛka ni), vanalanɔɔ bɛnda mò kɛɛ pɔnɔ ndɔ le,

Condii lisai 78:63

Mí yinnden le loam langbaa felengia, vana-vana condu lɛ le felengia laandua le.