1Korɛntea 7:2 - BII BILA

² Kɛ nduyɛ, yɔŋii vana vow balan o dɛnnda nɔɔlɛilan nin, o co fisa mì vanapɔnɔ oo vanapɔnɔ nɔ lanɔɔ o ndɔɔ, nduyɛ mì vanalanɔɔ oo vanalanɔ bɛɛ nɔ pɔnɔɔ o ndɔɔ.

1Korɛntea 7:2 Referans Kwoze

Efɛsea 5:28

Lende koni, vanpiaandua bɛnda mà kaola laandaa ndaa mɛɛ nda kaola dialun ndan yɛ. Vana-vana kaola pɛ laa ndɔ, mɛɛ ndu pila kaolan lende ni.

Efɛsea 5:33

Kɛ le niaa sɔɛi he i co vɛlɛ ni. Mɛɛ mì vana-vana kaola laa ndɔ maa ndu pila, mì vana-vana ke pɔnɔ ndɔ bɛɛlen.

1Korɛntea 7:9

Kɛ nduyɛ, te la nɔla kɔlta niaalan te, o co fisa mì vana-vana yil lanɔɔ, te kon te mò cal o nɔu, a lou a yeemɛi bɛnduei o lakɔl.

Talelan 18:22

Vanndo sɔla pɛ lanɔɔ, o sɔla dɛnɛ kɛndɔɔ, kɛndɛi Mɛlɛka tosal ndu-e co ken ni.

1Korɛntea 6:18

La vow balan o suundaa nin te! Yɔŋnda vɔɔnnda celennda vanndo tosa lan la pilan ko dialun ndɔn te, kɛ vana vow pɛ baa o suundaa nin, o tɛɛmbuu dialun ndɔn ndu pilan.

1Timote 4:3

Vanaa kan a co vannda pɛɛkoo maa o niŋ mì vana yil lanɔ, te kon te mì vana cal pɔnɔ o ba o nɔ̀u nin te, maa vana dia vɛlɛ ɲɔɔn pum te. Nduyɛ, Hala soli ɲɛm mun haliko mi vanaa laalannda piɛi ndu Hala, mà de mun, mà mel ndu balika, nda vanaa laalaŋaa sina toɲaa-a pɛɛn.

Malasi 2:14

Mì la muungu ɲunaa aa: ‹Ko le yɛɛ nɛ o co yɛ naa tosallo lende?› Kani Mɛlɛka pila co seiyo niaa tɛɛn niaa lanɔ n yil o felengiyɛi nɔmnde nin-ndo ni. Ndu yɔŋnun vanalanɔ n yiilu kpemaa-o ni. Kɛ a lo o lediom coo le, má hui ndu.

Talelan 19:14

Vana tiwba mà loo cɛiyo a ɲɛm kɛndɔn kɛ́ɔ fulaa fuɲaa-mamaa o ba. Kɛ lanɔ taasio ndu, Mɛlɛka ke vana ndu ni.

Matie 5:32

Kɛ ya, i co niaa dimul: vana-vana kɛɛ pɛ laa ndɔ, te o co yɛ mò suunda le, ndu vem laa ndɔ kon suundaa. Vana cua yɛ pɛ vanalanɔ kɛyan nda pɔnɔ ndɔ-o o nɔ̀u nin, mɛɛ vana kon suunda.»

1Korɛntea 7:1

I mulul-lɔ niko niaa le sɔɔn niaa ɲuna ya o sɛbɛ niaa nin-ndon. O co dɛnɛ kɛndɛ, te o va pɛ mì vanapɔnɔɔ puu lanɔ le.

1Korɛntea 7:3

Vanapɔnɔɔ bɛnda mò tosal laa ndɔ ɲɛ o bɛnda le ndu tosallo-o, mì vanalanɔɔ bɛɛ tosal pɔnɔ ndɔ ɲɛ o bɛnda le ndu tosallo-o.

1Tesalonikea 4:4

mì vana-vana o niaa tɛɛn bii dialun ndɔn, mò kennun bɛɛlen.

Masaa kialaa n'yamaa 21:22

Te fuɲaa ndaa, te kon te yemaa ndaa piaandua hun cɛɛŋun pɛ o naa lo, n tɛɛlunnin nda mì n dimul nda maa vanlaandua naa n sɔla o cɔwvo nin Yabɛs-a tiw niaa le. Maa o co vɛlɛ nda pila le ke niaa cuavaa ndaa le, lelan danga venin le nda le.»