1Korɛntea 7:17 - BII BILA

¹⁷ Kɛ nduyɛ, o bɛnda mì vana-vana va kelaa mɛɛ Mɛlɛka ke ndu, mó sɔla veeloo Hala o ba yɛ. Ɲɛ ya co vanaa laalannda kpow pɛɛkoo-o co kon ni.

1Korɛntea 7:17 Referans Kwoze

1Korɛntea 4:17

Le hee, i co Timote po ni ya kaola taw-vo vomɔɔ o niaa lo, vana lo o lediom coo a Mɛlɛka-o o co ni. O yiyalannin niaa nɛila ya co kelaa coo o Krista nin-ndan a mɛɛ ya co keiyo pɛɛkoo vanaa laalannda tɛɛn nɛɛ-nɛɛ ka yɛ.

1Korɛntea 7:24

Puapilɛa nia, mɛɛ niaa va mí Mɛlɛka veelu niaa le vaa vanaa ndɔ yɛ, la hiow laci a vaa lende o ba ndɔɔ bɛngu.

2Korɛntea 8:18

N co puapilɛ naa vana laalanndo pilɛ vomɔɔ nda ndu, o vanaa laalannda kpow a co candɔɔ le baala o co tosaa-o-o, Yoongu kɛndɛ Hala-o vannda tiiyallo pɛɛn.

2Korɛntea 11:28

Sɔɔn celen co, n yɔŋnun ya-on. Mún mún, i cɔm mún te. I co buulanndo lepalaa-lepala le kundala vanaa laalannda kpow.

1Korɛntea 7:18

Te vana pum cii nin pɛ toomaa diyɔɔ, mì Hala veelu ndu, ndu bɛnda lɛ mò siŋnun vana dii tooma loo le. Te vana pum ndóò dii-yɔ tooma le, mó sɔla veeloo, ndu bɛnda lɛ mò dii tooma le.

1Korɛntea 7:7

Yáà yeema mì vanpiaandua kpow ndáà va maa ya, kɛ nduyɛ Hala yɔngu vannda valtan yɛ́-yɛ́ le tosaa. O ke pɛ vanndo hoo vallo pum, o mulin, o ke vana celen vali celen.

1Korɛntea 14:33

Kani Hala co Hala laasi-laasi le, kɛ Hala kɔlɲuloo o co ni. Mɛɛ sɔɔn co kɔlan o kunda vanaa laalannda kpow tɛɛn yɛ co ni maa,

Matie 19:12

Kɔlɔla kuuna vanapɔnɔɔ lanɔɔ yilɔɔ lan la co yɛ́-yɛ́. Vannda pum, kabi nda fula kalaa ndaa o ladembe, a hin n'vanpiaandu le. A pum nda, vanndacieea dii nda lɛmbɛ. A pum yɛ, nda pila kɛɛ le laandua cuaa ni, le masale Hala len. Vana bii pɛ bila, ndu bii bila!»

1Korɛntea 16:1

Le mala co biinɔnndo le vanaa diandaa-o yɛ, la tosa mɛɛ ya dimul vanaa laalannda Kalasi yɛ.

1Korɛntea 10:32

La tosa ɲɛ-ɲɛ mì la luei vanaa co N'Yuifi le-a, te kon te Yuifia, te kon te vɛlɛ vanaa laalan Hala-a o pɔwlan nin te.

1Korɛntea 11:16

Te vana pum yeema yɛ pɛ mò sɛɛngiaa, mɛɛ mò sínà maa naamu vaa lende co naa tɛɛn te, vanaa laalan Hala kpow-va bɛɛ nɔ naamu vaa lende le.

1Korɛntea 11:34

Te yiyan ma va pɛ vanndo pum nɛiyo, mɛɛ o dio o ndu lo, yɔŋii niaa pila sɔla yaalaa telen niaa va a cuungiannda-o. Le sɔɔn tɔ̀un yɛ, lɔ́ɔ́ ya kɔanin-ndo, i siownin mun toosiaa.

Kalatea 1:22

Kɛ vanaa laalaŋaa co o tàndá Yuda-o nin-nda ndáà ci vɔ ya bɛɛ le.

1Tesalonikea 2:14

Lelan puapilɛa naa, dɛnɔɔ ho yɔŋnun niaa maa vanaa laalaŋaa co Yuda-a, a co le Hala má laalan Yeesu Krista-a pɛɛn. Vanaa niaa co súú pilɔɔ-a saangiaa niaa, mí la sɔla sangaa maa mɛɛ vanaa laalaŋaa kan a sɔla sangaa Yuifia o ba yɛ.

2Tesalonikea 1:4

Lelan naa n co lisanndo a niaa o lasondo o kundala vanaa laalannda tɛɛn ni, kani la co kindinndo o laalanndo nin, o yɛle tolaalen nin a o tɔɔndannda niaa co sɔlaa lan nin.