1Korɛntea 7:11 - BII BILA

¹¹ te o kɛɛ yɛ pɛ ndu, mɛɛ o kɔ cal lɛ vanapɔnɔ celen o ba le. Te o co yɛ kon te, mɛɛ o muungu o pɔnɔ ndɔ lo. Lende vɛlɛ koni, o bɛnda mì vanapɔnɔɔ kɛɛ laa ndɔ le.

1Korɛntea 7:11 Referans Kwoze

Yeremi 3:1

Mí Mɛlɛka dimi aa: «Te vanapɔnɔɔ kɛɛ pɛ laa ndɔ, mì laa ndɔ kalaa faŋan ndu, mò kɔ cal vanapɔnɔ celen o ba, vɛ̀ɛ̀ o kɔa lɛ vɛlɛ lanɔ kon kɔɔli? Vɛ̀ɛ̀ lɛŋnde len le nɔɔlian a kela vaa lende le? Nɔm Israɛl-lɛ, a nɔɔlian a vanaa sɛ́lɛ́ bɛndua co suundaa a nɔm-nda. Nduyɛ, a yeema vɛlɛ le muungoo o ya lo! Ya Mɛlɛka co sɔɛi nuaa ni.

1Korɛntea 7:10

Le vanaa connun nin o nɔ̀u nin-nda yɛ, o ya co niaa dimul-lo co hoo ni (nduyɛ o co ya le o co fula o sondo le, kɛ Mɛlɛka ni), vanalanɔɔ bɛnda mò kɛɛ pɔnɔ ndɔ le,

Esai 50:1

Mɛlɛka soo mó ɲuna aa: «Ɔ́ɔ̀ sɛbɛ lesei ya ke kala niaa le cɔmndo maa i kɛɛ ndu o nɔ̀u nin-ndo? Te kon te, o vanaa ya nɔ kueela ndalan-nda tɛɛn, ɔ́ɔ̀ vanaa ya pisi niaa ndu o ba-o? La tuei-yɔ, le yɔŋnda vɔɔnnda niaalan niaa pisin ni. Le hakila niaalan ya kɛɛ kala niaa ni.

Tɔŋ miingua 22:19

A luei ndu bɔnɔ volin latámán kɛmɛ, a yɔngu fuɲaa cua kon volin mun. Kani po kon tɛɛmbuu cuaambɔ lembu Israɛlnɔ hiw-vɔ vanapɔnɔ kɔɔli loo diolan, mó sui ndu poopoo. Lelan, le lɔ́ɔ́-lɔ́ɔ̀ nin, te po kon co vɔ pɛ yoomu, laa ndɔ cua kon co va ni. O nɔ lɛ di oo di mo kɛɛ ndu le.

Marke 10:2

Mí Faliisia hinul ndu a ɲuuniaalan le ndu kɔlɔɔ solio, má ɲuna ndu aa: «I co pá i cɛlnan le vanapɔnɔɔ laa ndɔ kɛɔ?»

Matie 5:32

Kɛ ya, i co niaa dimul: vana-vana kɛɛ pɛ laa ndɔ, te o co yɛ mò suunda le, ndu vem laa ndɔ kon suundaa. Vana cua yɛ pɛ vanalanɔ kɛyan nda pɔnɔ ndɔ-o o nɔ̀u nin, mɛɛ vana kon suunda.»

Marke 10:12

Te vanalanɔɔ kɛɛ pɛ pɔnɔ ndɔ, mò kɔ cal o nɔ celen, o suunda.»

Luke 16:18

Vana-vana kɛɛ pɛ laa ndɔ, mò yil o celen o nɔ̀u nin, mɛɛ o suunda. Vana-vana yil vɛlɛ pɛ vanalanɔ pɔnɔ ndɔ kɛɛ-o o nɔ̀u nin, mɛɛ ndu bɛɛ, o suunda.»

1Korɛntea 7:12

Le niaa vanaa tɔ̀a yɛ, ɲɛ ya co niaa dimul-lo co hoo ni (o co Maalii le dimi le). Te vana laalanndo nɔ pɛ lanɔɔ, mì laa ndɔ kon ve vana laalan te, kɛ nduyɛ mò cɛl le loo pɔnɔ ndɔ o ba, pɔnɔ kon bɛnda mò kɛɛ ndu le.