1Korɛntea 7:10 - BII BILA

¹⁰ Le vanaa connun nin o nɔ̀u nin-nda yɛ, o ya co niaa dimul-lo co hoo ni (nduyɛ o co ya le o co fula o sondo le, kɛ Mɛlɛka ni), vanalanɔɔ bɛnda mò kɛɛ pɔnɔ ndɔ le,

1Korɛntea 7:10 Referans Kwoze

Matie 5:32

Kɛ ya, i co niaa dimul: vana-vana kɛɛ pɛ laa ndɔ, te o co yɛ mò suunda le, ndu vem laa ndɔ kon suundaa. Vana cua yɛ pɛ vanalanɔ kɛyan nda pɔnɔ ndɔ-o o nɔ̀u nin, mɛɛ vana kon suunda.»

Luke 16:18

Vana-vana kɛɛ pɛ laa ndɔ, mò yil o celen o nɔ̀u nin, mɛɛ o suunda. Vana-vana yil vɛlɛ pɛ vanalanɔ pɔnɔ ndɔ kɛɛ-o o nɔ̀u nin, mɛɛ ndu bɛɛ, o suunda.»

1Korɛntea 7:15

Kɛ nduyɛ, te vana laalan too yeema pɛ le kɔnndan, o kɔnnun. O dɛnɛ vaa lende nin, puapilɛ naa te kon te yema naa nɔ dí mò mal ndu. Kani Hala veelu naa haliko mi n va o kɔlɲuloo nin.

Yeremi 3:20

Kɛ niaa Israɛlla, mí la hui ya mɛɛ vanalanɔɔ kɛɛ lou o lediom coo a pɔnɔ ndɔ yɛ. Ya Mɛlɛka co sɔɛi nuaa ni.

1Korɛntea 7:12

Le niaa vanaa tɔ̀a yɛ, ɲɛ ya co niaa dimul-lo co hoo ni (o co Maalii le dimi le). Te vana laalanndo nɔ pɛ lanɔɔ, mì laa ndɔ kon ve vana laalan te, kɛ nduyɛ mò cɛl le loo pɔnɔ ndɔ o ba, pɔnɔ kon bɛnda mò kɛɛ ndu le.

1Korɛntea 7:25

Le felengia sínà vɔ dɛnɛ vanapɔnɔ le-a yɛ, Maalii dimul-la isɔɔ a nda o kɔɔ le, kɛ yiyan nuu ya co dimi ni, ya Mɛlɛka ce ho ɲia mó siinguu ya vana o nɔla mò tiindan-ndo-o pɛɛn.

1Korɛntea 7:6

Ɲɛ niaa bɛnda le tosaa-o ya co dimio ho ni, kɛ o co kangalan te.

1Korɛntea 7:40

Nduyɛ, o vannun pɛ lende, mò cue lɛ pɔnɔ celen te, lende o hiaw vaa a kɔlkɛndɛ. Ɲɛ ya yiyanndo co kon ni. Nduyɛ i nɔ kɔl maa ya bɛɛ Kɔl Mɛlɛka-o co ya kɔɔli.

Marke 10:2

Mí Faliisia hinul ndu a ɲuuniaalan le ndu kɔlɔɔ solio, má ɲuna ndu aa: «I co pá i cɛlnan le vanapɔnɔɔ laa ndɔ kɛɔ?»

1Korɛntea 7:11

te o kɛɛ yɛ pɛ ndu, mɛɛ o kɔ cal lɛ vanapɔnɔ celen o ba le. Te o co yɛ kon te, mɛɛ o muungu o pɔnɔ ndɔ lo. Lende vɛlɛ koni, o bɛnda mì vanapɔnɔɔ kɛɛ laa ndɔ le.