1Korɛntea 6:9 - BII BILA

⁹ Niaa pila sínà maa vanaa sendu le-a lueinin o Masale Hala len nin te. La huinun te: vanaa-vanaa co keiyo suundaa, vanaa soolaa n'piɔmnda, vanaa kei suundaa a langbaa felengia-a, vanpiaandua tosa kpelemɔsaa a caaŋaa ndaa vanpiaandua-a,

1Korɛntea 6:9 Referans Kwoze

Tɔŋ lasálàá 20:13

Te vanapɔnɔɔ tosa pɛ kpelemɔɔsaa a vanapɔnɔɔ celen mɛɛ vana tosa kpelemɔɔsaa a vanalanɔɔ nuaa yɛ, nda ŋiɔn kpow a bɛnda mà sɔla piɔ́mndo. Kani mààla bɛndu-bɛndulan pila nda tosa lan ni. Nda pila nuwviaa piɔ́m ndaa ni.

Tɔŋ lasálàá 18:22

Nɔm vanapɔnɔɔ, a bɛnda ma tosa kpelemɔɔsaa a vanapɔnɔɔ mɛɛ vana tosa kpelemɔɔsaa a vanalanɔɔ nuaa yɛ le. Taa tosa lende pɛ, mɛɛ mààla vɔɔnndan pila n tosa lan ni.

1Korɛntea 6:10

vuiya, vanaa nɔ hɔlte ɲɛ-sɔlaa-a, vanaa kolaa mamɔiya, vanaa co vannda yeowlan-nda a vanaa co caanda delɔɔ coo-a a lueinin o Masale Hala len nin te.

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

1Korɛntea 6:19

La sínà le maa dialun nian n co Cɛi-Mɛlɛka Hala Kɔl-Diandaa ni, o co niaa nin-ndo pɛɛn, o niaa sɔla Hala o ba-o? La co a ba niaa le.

1Korɛntea 5:10

Kɛ kon co dimi le maa la kiolun vanaa vaa lende kɔɔli o ceendo ho coo le, te kon te vanaa nɔ yeemɛi ɲɛ-sɔlaa taw-va, te kon te vanaa del vannda coo-a, te kon te vɛlɛ vanaa sooluu piɔmnda-a. Kani te lende ni, mɛɛ faŋanndo niaa faŋannin o ceendo ho coo ni.

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

Tɔŋ miingua 22:5

«Vanalanɔɔ bɛnda mò cuɛinun volɔɔla súú vanpiaandua cuɛinun-ndan te. Vanapɔnɔɔ bɛɛ bɛnda mò cuɛinun volɔɔla súú vanlaandua cuɛinun-ndan te. Kani vanaa nɛinun Mɛlɛka-a vanaa cuɛinun lende-a co ni.

Rɔmnda 1:18

Kɔltuw Hala-o cɔmnun ceen fulaa o halataala le dɛnnda vɔɔnndan kpow a le dɛnɛ sandaa lepɛŋ vanndacieea co tosaa-o. A co toɲaa vionɔɔ a dɛnnda vɔɔnnda nda co tosaa lan.

Hebreea 12:14

La kindin le vaa o kɔlɲuloo nin a vannda kpow, mì la va a diandaa. Kani te o co o dindinndo nin te, vana-vana cinin Maalii le.

1Korɛntea 15:50

Puapilɛa nia, ɲɛ ya co dimio-o co hoo ni, dialun puulon a koovan nɔla kɛ Masale Hala len sɔlaa le. Lende vɛlɛ koni, ɲɛ vu-o nɔla mò va ɲɛ pilɛ a ɲɛ vi loo le.

1Korɛntea 15:33

Niaa pila huinun te, maa mɛɛ o dimin yɛ aa: «Canyan vɔɔnndon tɛɛmbuu naamula kɛndɛlan ni.»

1Korɛntea 3:16

Cɛi-Hala-o niaa co ni, Hala Kɔl-Diandaa co niaa nin. Vɛ̀ɛ̀ la sínà ken te?

Hebreea 12:16

La caa taw! Màá vana-vana va niaa tɛɛn vana laasianndo mò kɛɛ ɲɛm Hala-on yii luɛyɔɔ maa Esau le, kani le ɲɛdiaa dio lepilɔɔ kpé, mó pisi fonda ndɔ ikaasonyaa.

Matie 25:34

O kon masaa dimulnin a vanin ndu o ba kɛndɔɔ coo-a aa: ‹La hun, niaa Fuɲa nuu dɔw duaa-a. La hun mì la sɔla Masalen kɛ́ɔ, masale toosian le niaa kabi o ceendo cɔvɔɔ len.

Esai 55:7

Vana kɔlvesɛiyo faŋan o nɛi ndɔ kɔlvesɛiyo coo, mì vana vɔɔndo mal vanavɔɔnyɛi ndɔɛi, mò muungu Mɛlɛka o ibuŋ, haliko mi Mɛlɛka tuinun ndu iɲíí, mò muungu Hala naa o ibuŋ, o màl haki few-few-vo pɛɛn.

1Korɛntea 5:1

Vannda co ya dimullo lɔ́ɔ́-lɔ́ɔ̀ maa vanaa pum a co dɛnnda nɔɔlɛilan tosaa niaa tɛɛn, dɛnnda nɔɔlɛila co bɛɛ tosan hali vanaa sínà Hala le-a tɛɛn-ndan pɛɛn, maa vana pum co nda lanɔɔ fuɲa ndɔ.

Masaa kialaa n'yamaa 19:22

A lo ɲɛdiaa dioo, mí vanaa fondoa pum o kobi kon nin a hun sɛ́lɔ́ɔ́ fili-fili, má balu cɛiyo sɔ́, má va dioo lɔɔ. Má dimul vana cɛiyo aa: «Solul naa langbanɔ n yiya o nɔm ndo-o. N yeema mì n va a ndu.»

Tɔŋ miingua 23:17

Cɛ kon nɔla mò cal niaa tɛɛn o lɛŋnde niaalen nin, o fonda hɛnannin ndu-o, o kobila niaalan o pilɛ nin. La bɛnda mì la saangiaa ndu le tɔnɔ soli ndu o n'dial te.»

O Kandɔɔ 19:5

Má veelu Lɔt, má dimul ndu aa: «Ɔ́ɔ̀ vanaa hin haa o nɔm ndo cɛinin cɔɛllɛn-nda? Solul naa nda mì n hini a nda.»

Talelan 22:8

Vana saŋ pɛ dɛnɛ sandaa lepɛŋndo, o kow dɛnɛ palaa. Kani sionnde o tosa dɛnɛ vɔɔndo len le yomnin.

Nsaki 1:16

Puapilɛa nia ya kaola-a, niaa pila palan te.

1Korɛntea 9:24

La sínà maa vanaa ɲaanun-nda kpow a ɲaanun o falle nin ni, kɛ vana pilɛ kpé sɔla salaa ni? La ɲaanun lende, mì la sɔla salaa.

Matie 19:29

Nduyɛ vana-vana mɛi pɛ cɛila ndɔlan, puapilɛa ndɔa, yemaa ndɔa, fuɲa ndɔ, kala ndɔ, laa ndɔ, cuavaa ndɔa, te kon te yondola ndɔlan le diola nilan, ndu sɔlanin o hiow kon polon-ndo. O kon kɔɔli, o sɔlanin yoomu fɛɛn-fɛɛndo.

Sakari 5:3

Mó dimul-la aa: ‹Dangaa n co cɔ kon saŋnɔnndo o lɛŋnden nden kpow coo nuaa ni. Kani o sɛvan o sɛbɛ kon nin baa pilɔɔ ma vanaa-vanaa co vuiya nanu, nda co townɔn nanu, o sɛvan vɛlɛ baa pilɔɔ maa vanaa-vanaa co mɛɛniannda lacòòvalan, nda bɛɛ toawnunnin nanu.

Talelan 11:1

Ɲɛla tuvaala n'ɲɛla nda yɛlɛmiaa lan la nɛinun bɔɔ Mɛlɛka, kɛ o nàŋ kɔl a ɲɛla tuvaala nda sakpolan.

Tɔŋ lasálàá 19:15

La tósà lakafa o yaman kiolɔɔ nin te: la sím vana bala fondoo kɔɔli o kafalan coo le, la sím vɛlɛ vana bɛndoo kɔɔli o còòlan coo le. Kɛ la kiolu yaman caanda o sandei nin.

Fulaa 23:1

«La sɛŋi sɔɔn lacòòvan te. La sim vana yɔŋ vɔɔndo kɔɔli mì la timbi seile lacòòvalen le ndu dio keo le.

Dɛnnda kiilaa 24:25

Kɛ telen Pol va sɔɛi a sandei o kɔɔ-o, a mɛɛ vana nɔla kɔl nɔmndo yɛ, mó va vɛlɛ sɔɛi a yamɛi co hunɔɔ kiolɔn-nde o kɔɔ-o, mí siòònde bii Felisi, mó dimul ndu aa: «O va pɔɔ nuaa! A tiwba mà kɔɛnnun pɔɔ. I koma sɔla pɛ fondaa, i co nɔm vɛlɛ veelu.»

Tɔŋ lasálàá 18:20

A bɛnda ma tosa kpelemɔɔsaa a lanɔ pilaa le, yɔŋii n siŋnun vana nɔlɛiyo Mɛlɛka o hɔl.

Tɔŋ miingua 22:22

Taa bii pɛ vanapɔnɔɔ pum suundaa a vanalanɔ co o nɔu-vo, nda ŋiɔn kpow a bɛnda mà sɔla piɔ́mndo, vanapɔnɔ kon a vanalanɔ o suunda-o pɛɛn. Lende niaa bɛnda ni mi la faŋa dɛnɛ vɔɔndo Israɛlla tɛɛn.

Talelan 7:27

Nɛiyo le kɔlan ciee-piɔ́m cɛi ndɔɔ co ni, nɛi yaa vana piɔ́m di-o calta ndɔlan la co ni.»

Esekiɛl 18:11

nduyɛ fuɲa ndɔ ndu tosa dɛnɛ vaa lende le, mí po kon ndu de kulon o pembon coo, mó luɛi lanɔ pilaa nin,

Luke 21:8

Mí Yeesu muli aa: «La mandan taw, yɔŋii niaa luɛi o pɔwlan nin. Kani vanaa bɔɔ-bɔɔ a hunnin o diola nilan, mà cɔm maa o diola nilan nda hin ni. À diminin aa: ‹Telenndo co nin le tiiya›. Kɛ la del nda kɔɔli le.

Dɛnnda kiilaa 20:32

Nihau, i sɔɔ niaa Hala o ba a o kɛndɛi ndɔɛi bɛngu. O nɔ kpaayaa le niaa yoomuan lueiyo, mò tosal niaa dɛnɛ kɛndɔɔ taw, kpaaya o kɛsi teengen le vanaa co le ndu-a kpow-vo.

1Korɛntea 5:11

Kɛ sunsun, vanaa ya dimi maa ɲɛ-ɲɛ va niaa tɛɛn te-a a co haa ni, vana-vana dimi pɛ maa puapilɛ niaa o co ni, kɛ mò va: vana sundaa, te kon te vana nɔ hɔlte ɲɛ-sɔlaa-o, te kon te vana soolaa n'piɔmndo, te kon te vana sondo kalaa, te kon te vana kolaa mamɔiyo, te kon te vuiyo. La dia bɛɛ niaa vana vaa lende le.

1Korɛntea 6:18

La vow balan o suundaa nin te! Yɔŋnda vɔɔnnda celennda vanndo tosa lan la pilan ko dialun ndɔn te, kɛ vana vow pɛ baa o suundaa nin, o tɛɛmbuu dialun ndɔn ndu pilan.

2Korɛntea 12:21

I co buulanndo, lɔ́ɔ́ ya kɔanin vɛlɛ niaa yilɔɔ-o, mì Hala tosa mì siɛmbulan la bii ya vɛlɛ le niaa, yɔŋii ya caŋ le vanaa kan, a tosa hakilan o tasendɔ taw, mà va hiovɔɔ laci-a. A kɛɛ kan le dɛnnda nɔɔlɛilan, suundaa a yeemɛi vɔɔnde malɔɔ-a.

Kalatea 6:7

La lúɛì o lapɔw nin te: vana mem Hala le. Ɲɛ vanacieo saŋ-ndo, ndu koni o koaw vɛlɛ ni.

Kolɔsea 3:5

La diw dɛnnda ceennda kɛ́-kɛ̀ co niaa nin: suundaa, dɛnnda nɔɔlɛilan, yeeman bɛndon, yeeman vɔɔnndon a yeemɛi ɲɛ sɔlɛi, kani piɔmnda sooloo co yeemɛi ɲɛ-sɔlaa ni.

1Nsaŋ 3:7

Cuavaa nia hɛnan ya-a, vana-vana hìŋ niaa hɔlla le. Vana va pɛ dɛnɛ sandaa tosaa, mɛɛ ndu sandu mɛɛ Maalii pila sandu yɛ.