1Korɛntea 6:3 - BII BILA

³ Vɛ̀ɛ̀ la co sínà le maa naa kialunin mɛlɛkaa iyama ni? Te o co yɛ pɛ lende, vɛ̀ɛ̀ mì la bumba sɔɔn ceendo ho toosiaa?

1Korɛntea 6:3 Referans Kwoze

Yude 1:6

La yiyan-ndɔ sɔɛi mɛlɛkaa cɛl le lou o fonda ndaa le-a, kɛ má faŋan o calta ndalan, mí Hala bii nda o yɔlɔn le fɛɛn a fɛɛn. A co cumndo o ɲumma bɛnduan nin le paale bɛndule yamɛi kialunnin-nden.

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

1Korɛntea 6:4

Nduyɛ, te sɔngɔlan la va pɛ niaa vanaa laalannda tɛɛn, mɛɛ vanaa co ɲɛ-ɲɛ vanaa laalannda o hɔl te-a kialunin niaa iyama ni.

Luke 8:14

Yɛi del o yɔɔn nin-ndo, ndu co vanaa tuɛi sɔɛi Hala-e-a, kɛ mí buulanndan, yeemɛi bolofaa a yeemɛi ceende pia nda o lakɔl, a kum ndɛ komɔɔ kɛndɛ le-a ni.

Luke 21:34

«La caa taw! Yɔŋii niaa laasiaa kɔlta niaalan a pululen, a mɔiyan kolɔɔ a á buulannda ceenndan. Bau, paale Po vanacieo hunnin-nden le co tiiya, la venin nden kɔl te.

2Timote 4:10

kani Dimas kaola ceendo ho mó faŋan ya kɔɔli, o kɔɛ Tesalonike, Kresensa kɔɛ Kalasii, Tite kɔɛ Dalmatii.

2Timote 2:4

Vana cɔw co baalaa-o bɛnda mò vow balan o sɔɔn celen nin te, te o yeema pɛ mò tosa ɲɛ hɛnan vana co ndu bollen-ndo.

2Piɛr 2:4

Kani Hala mɛi mɛlɛkaa tosa hakio-a lon te, kɛ mó ɲindu nda o soonnda maɲumndan nin, nɛɛ nda co a mandaa le telen kialaa iyamaa-a.

Condii lisai 17:14

Mɛlɛka, baŋa ya vanaa vɔɔnda ha o ba a ba nɔm kpaaya, vanaa ceenda ha, à vɔ̀ngɔ̀ ndaa co o ceendo ho coo-a pɛɛn. Pimi nda a sanga n kɛsi le nda-o, mì poaa ndaa bɛɛ pim sanga kon, mà mel poaa ndaa imamaa sanga kon vɔ́yɔ́ɔ́.

Daniɛl 7:22

háá telen Bɛndu Yuu Masindɛ-Sindɔɔ hin le yamɛi kiolɔɔ-o, mó ke vanaa diandaa Ó-Hiow-Ɲɔɔn-Kpow-vo-a di. Mɛɛ telenndo tiiya, mí vanaa diandaa sɔla masalen.

Rɔmnda 6:16

La sinà maa te la yɔngun pɛ vanndo le ndu baalaa tosallo mì la bii sɔɛi ndɔɛi, mɛɛ la siŋnun cɛa vana niaa bii kon sɔɛi ndɔɛi-yo. Te sɔɛi hakio niaa bii ni, la sɔla piɔ́mndo, te sɔɛi Hala-e ni, la siŋnun vanaa sandaa.

1Korɛntea 6:15

Vɛ̀ɛ̀ la sínà le maa le Krista dialun nian co ni? Vɛ̀ɛ̀ mì la cua dialun Krista-on, mì la mɔɔsiaa mun a dialun vana co suundaa-o? Kɛì-kɛì bɛɛ!

1Korɛntea 6:16

Vɛ̀ɛ̀ la sínà le maa vana yiinan pɛ nda vana co suundaa-o, ndu siŋnun kɔɔle pilɛ len nda ndu ŋiɔn te? Kani o co o sɛvaa aa: «O kon mì vanapɔnɔɔ nda vanalanɔɔ siŋnun dialle ipilɛ.»

1Korɛntea 6:19

La sínà le maa dialun nian n co Cɛi-Mɛlɛka Hala Kɔl-Diandaa ni, o co niaa nin-ndo pɛɛn, o niaa sɔla Hala o ba-o? La co a ba niaa le.