1Korɛntea 6:13 - BII BILA

¹³ La co vɛlɛ dimio aa: «Le ɲɛm dian demboo co ni, mì demboo ndu va le ɲɛm dian.» Kɛ nduyɛ, Hala tɛɛmbuunin ndan tan tiɔn kpow. Diallon n co le suunda le, le Mɛlɛka n co ni, mì Mɛlɛka ndu va le diallon.

1Korɛntea 6:13 Referans Kwoze

1Korɛntea 6:19

La sínà le maa dialun nian n co Cɛi-Mɛlɛka Hala Kɔl-Diandaa ni, o co niaa nin-ndo pɛɛn, o niaa sɔla Hala o ba-o? La co a ba niaa le.

1Korɛntea 3:16

Cɛi-Hala-o niaa co ni, Hala Kɔl-Diandaa co niaa nin. Vɛ̀ɛ̀ la sínà ken te?

Rɔmnda 6:12

Lelan, la cɛl mì hakio nɔ kpaayaa dialun niaan puulun n co vu-on coo le, la cɛl mò tundu niaa o yeemɛi ndɔɛi vɔɔnde bɛngu le.

1Korɛntea 6:15

Vɛ̀ɛ̀ la sínà le maa le Krista dialun nian co ni? Vɛ̀ɛ̀ mì la cua dialun Krista-on, mì la mɔɔsiaa mun a dialun vana co suundaa-o? Kɛì-kɛì bɛɛ!

Efɛsea 5:23

Kani vanapɔnɔɔ co simlacinɔɔ le vanalanɔɔ ni, maa mɛɛ Krista co simlacinɔɔ le kunda vanaa laalannda yɛ, o co dialun ndɔn mo va vɛlɛ vana ciindiaa ndaa-o.

Matie 15:17

La sina le maa ɲɛ-ɲɛ luɛi pɛ o sondo, o tol o dembe, o kon kɔɔli o kɔ fula nɛɛ vana sɔndan-nda le?

Rɔmnda 14:17

Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.

Rɔmnda 12:1

Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.

2Korɛntea 11:2

I kaola niaa mì va paŋalaa le niaa, Hala o ba kon co fulaa ni. Kani i dɔw niaa fulu le vanapɔnɔɔ ndu pilɛ kpé, Krista pɛɛn, haliko mi la kɔ fula ndu o hɔl maa felengi sina vɔ dɛnɛ vanapɔnɔ loo, o dendu Mɛlɛka o hɔl-lo pɛɛn.

2Korɛntea 5:15

Nduyɛ le vanndacieea kpow o vi vu kon ni, haliko vanaa co yoomua va lɛ yoomu le nda pila le, kɛ le vana vi mó tendul le nda-o.

Rɔmnda 7:4

Puapilɛa nia, lende koni i co ni. Niaa bɛɛ la vi a ba tɔŋndo o dialun Krista-on nin, mí la muungu sumialii vana celen, o tendul fulaa vanvílɛ́iya tɛɛn-ndo, haliko mi n kom kɔmnde kɛndɛlen le Hala.

Nsaŋ 6:49

Fuɲaa niaa de mane o lɛŋnde veselɛilen nin, kɛ a kon kpede ma vu.

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Marke 7:19

Kani o co ndu o kɔl te o co luɛyɔɔ le, kɛ o luɛi pɛ ndu o dembe, o kɔ soli ndu yondoo nin.» Nduyɛ, ɲɛ o va dimio o sɔɔn mun nin-ndo co ni maa ɲɛ-ɲɛ vana de co o diandaa.

Matie 15:20

Mun nɔɔliaa vanacieo ni, kɛ kɛɔ balan pulɔɔ o ɲɛdiaa dioo, kon nɔɔliaa vana le.»

Kalatea 5:24

Vanaa co o Yeesu Krista nin-nda, nda cii dɛnnda n'falulan a yeemɛi n'faluei baŋɔɔ o yɔm singafilaa coo.